Yoˇhaˬ 10:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngaq-anr tiqghaq-iq maq lavsaef nya-a. Aerkhawf, ngar, yawqha yawqha shirdan-eu ma. Ngar shirdan-eu baoq jav-awr, ngar ghofdaef lar-eu baoq khawf jav-eu ma. Biftaq-euq dawq heudawq-aq, ngar, ngaqDa-anr nae za-euq ma.”

Akha

¹⁸ Tsawˇ haˬ tiˬ gʼaˬ-iˬ ngaˬ-euˬ saꞈ laˇ-ahˇ maˬ sehꞈ doˆ geuꞈ-aˬ. Ngaˬ neh nui ma keuˆ-awˇ shiˇ dah-euˬ jeˬ pyeuꞈ-eu ma. Shiˇ mawꞈ-eu maˬ ehˇ, dehꞈ mawꞈ-eu maˬ ehˇ, ngaˇ naꞈ-i jaˆ-eu ma. Ngaˇ kʼoeˇ loꞈ-ehˇ jahˇ-eu gʼaˇ duˬ, ngaˬ Da neh dawˬ biꞈ taˬ-euˬ meh.”

Yoˇhaˬ 10:18 Referans Kwoze

HeˬByehˇ 2:9

Aerkhawf, mqtav ghaqkhaer taf-aer uicuiv teqni janrnaeq-euq Yeqsur-anr aqdui ya’mawr-euq ma. Aqyawf shir-eu gar yadaq-euq mirnae, taqhuiq taqmanr-eu jeq hawr-eu yawshaef khanqsaer, shuir uqkhov lof-aer aqyawf-anr ciqkhov naeq-euq mae. Miqyaer-euq guiqlanq yawdzanr baqda’nae, aqyawf, tsawrhaq yawqghaq navluf-euq gharduq shirdan-euq mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Yoˇhaˬ 10:17

“Ngar ghofdaef larni ngaq-euq daefzir shirdan peuq-eu mirnae, ngaqDa, ngaq-anr gaq-eu mae.

Yoˇhaˬ 14:31

Aerkhawf, ngar, Aqda-anr gaq-eu nga laer mirtsaqzaq yasiqni, Aqda, ngaq-anr dawq bifnaeq laf-euq lof-aer ngar mr-eu ma. Tur-awq, aqdui ir kar-eur.”

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Yoˇhaˬ 10:11

“Ngar-aq, muiq-eu yawr bo-eu ghaq ma. Muiq-eu yawr bo-eu ghaq-aq, aqyawf-euq daefzir yawrdeuq-euq gharduq shirdan peuq-eu mae.

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Gʼaˬkʼehˇ 2:24

Aerkhawf, Miqyaer, aqyawf-anr shir-eu jeq-euq shaqzanq-anr nae puirpyaeq naeq-awr, bi ghofdaef lar-euq mae. Aqjeq mirnae aernar-aq, shir-eu jeq aqyawf-anr maq paftawftaq nya-a.

Yoˇhaˬ 5:30

“Ngar-aq, yawqha yawqha tiqjeq-iq maq mrnya nya. Ngaq nae yagaq-euq lof-aer ngar yarkhaq dar-eu ma. Ngaq nae yarkhaq dar-euq-aq, tsaq-awr dawr-eu ma. Aqjeq mirnae aernar-aq, ngar-aq, ngar nuima tsaq-eu lof-aer mr-eu maqngeur, ngaq-anr khaerghae lef-euq Aqda nuima tsaq-eu lof-aer mr-eu ma.

Gʼaˬkʼehˇ 2:32

Yeqsur heughaq-anr Miqyaer nae bi ghofdaef lar-euq mae. Nga’maf dawqtawvluf garkawv heu-euq gharduq sarkir kamq-eu tsawrhaq ma.

Yoˇhaˬ 19:11

Yeqsur aerkhof-eu, “Laftav paw nae nawq-anr aryaq maqbif-euq nar-aq, nawr, ngaq-euq khoertav aryaq tiqpawf-iq maqjav-a. Khoermirnae, ngaq-anr nawr jawr-eu gar sheuqha lar-euq tsawrhaq-aq, nawq-euq navmaqtser iqbax naf-eu mae.”

Yoˇhaˬ 10:15

Khoerlof-aer durni, Aqda, ngaq-anr siqnya-awr, ngar khawf Aqda-anr siqnya-eu ma. Ngar, ngaq-euq daefzir yawrdeuq-euq gharduq shirdan peuq-eu ma.

Yoˇhaˬ 5:26

Aqjeq mirnae aernar-aq, Aqda, aqyawf-euq lafkhoer daef-eu jeq anr-eu lof-aer durni, Zaqyo-euq lafkhoer khawf daef-eu jeq anrni, aqyawf-anr biftaq-euq mae.