Yoˇhaˬ 10:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ngar-aq, yawr yawrkuv heukuv-anr maqtaf-eu yawr nuideuq khawf jawr-eu le siq. Ngar, yawr khoerdeuq-anr khawf yasheuq laq-ir-awr, aqyawfmaf, ngaq-euq tersar-anr narhaq taef-a. Khoernar-aq, yawr yawrmaf tiq maf hawr-eu yawr bo-eu ghaq tiq ghaq taef-aer pyeuflar taef-a.

Akha

¹⁶ Yawˇ yawˇ kuˆ heu kuˆ-ahˇ maˬ uˇ-eu ngaˬ-euˬ yawˇ deuˬ jawˇ te siˬ. Yawˇ kʼoeˇ deuˬ-ahˇ kʼawꞈ ngaˇ ya sheuˬ uˇ laꞈ-a siˬ. Aˬ yawꞈ maꞈ ngaˬ-euˬ dawˬ-ahˇ naˇ haˬ tehꞈ-a. Kʼoeˇ ngeh jawˇ, yawˇ dawˬ tawˆ luꞈ yawˇ yawˇ maꞈ tiꞈ maꞈ tehꞈ-ehˇ pyeuꞈ laˇ-awˇ, yawˇ bo-eu yaw sahˇ tiˬ sahˇ tehꞈ-ehˇ bo tehꞈ-a.

Yoˇhaˬ 10:16 Referans Kwoze

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

Yoˇhaˬ 11:52

Tsawrjeuq khoerjeuq-euq gharduq taef-aer maqngeur-a. Aerkhawf, jawrbyav taq-euq Miqyaer-euq zaqdeuq, tiq mur taef-aer pyeuflarni aqyawf lavuiq-eu mae.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 10:27

Ngaq-euq yawrdeuq-aq, ngaq-euq tersar-anr narhaq-eu mae. Ngar, aqyawf maf-anr siqnya-awr, aqyawfmaf khawf ngaq-euq maeqnan cantae-eu mae.

Yoˇhaˬ 10:11

“Ngar-aq, muiq-eu yawr bo-eu ghaq ma. Muiq-eu yawr bo-eu ghaq-aq, aqyawf-euq daefzir yawrdeuq-euq gharduq shirdan peuq-eu mae.

Panmaeq 3:20

Narhaq sher-eq, ngar larghov-anr yawf-awr khovluf ma. Aqsur ghaq maqkaq, ngaq-euq tersar gaq-awr, larghov pannaeqlaf nar-aq, ngar, aqyawf jawr-eu gar urler-awr, ngar, aqyawf naeq-aer dzaqtaf dawrtaf ma. Aqyawf khawf ngaq naeq-aer dzaqtaf dawrtaf taef-a.

1 Beˬtuˆluˆ 2:10

Yawbae, nawmaf-aq, tsawrmyanr maqjav-eu tsawrjeuq tsawrca pyeuf-eu mae. Aerkhawf, nymq-mr-aq, Miqyaer-euq tsawrhaq pyeuflar-euq mae. Yawbae, nawmaf, Miqyaer-euq ghawqshaq gaq-eu jeq maqza-aq. Aerkhawf, nymq-mr-aq, ghawqshaq gaq-eu jeq za-euq mae.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Jaceuq 86:9

Sanqpaq Miqyaer-or! Nawq nae baetaq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Nawq-euq tsawrmyanr-anr ciqhuiq taef-a.

Gʼaˬkʼehˇ 22:14

Khoernar-aq, aqyawf aer-eu, ‘Nawr, Miqyaer nuima tsaq-eu jeq-anr yasiqni hawr-eu, Tsaq-awr dawr-eu ghaq-anr ya’mawrni khawf, aqyawf-euq khaqmae-anr nae ngaeqdov lef-euq tersar-anr yagaqni khawf, aqdui-euq aqpoeq deuq-euq Miqyaer, nawq-anr tserdov taq-euq mae.

Gʼaˬkʼehˇ 18:10

Aqjeq mirnae aernar-aq, ngar, nawq naeq-aer jawr-eu ma. Tiqghaq-iq nawq-anr maq lavtanq maq lavnar lar-ar. Meuq heumeuq-euq lafkhoer ngaq-euq tsawrhaq ghawqmya’ni jawr-eu ma.”

Gʼaˬkʼehˇ 15:14

Miqyaer, aqcawq tsawrjeuq tsawrca-anr hawle baebae ngae pov, aqyawf maf-euq lafkhoer nae, aqyawf-euq tsawrmyanr-euq uqmov bijawr-eu tsawrhaq deuq-anr tserdov taq-euq mae laer, Sirmoq dzawrnaeqlaf dzeur-euq mae.

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

Yoˇhaˬ 10:2

Ghovkhaeq-anr nae urlar-eu ghaq-aq, yawr bo-eu ghaq mae.

1 Beˬtuˆluˆ 5:4

Yawr bo-eu uqdzan ghaq dovle ngae, nawmaf-aq, maqnyoeq maqkov-ir nya-eu shuir uqkhov za taef-a.

Yoˇhaˬ 10:3

Ghovkhaeq-anr lof-eu ghaq, aqyawf-anr larghov pannaeq taef-a. Yawrdeuq khawf aqyawf-euq tersar-anr narhaq-eu mae. Aqyawf-aq, aqyawf-euq yawr-euq armyanr kurkur-aer, yawr khoerdeuq-anr sheuqdov ghae-eu mae.

Yoˇhaˬ 10:4

Aqyawf-euq yawrdeuq-anr sheuqdov jir-euq nar-aq, aqyawf, yawrdeuq-euq maeqhu can-awr, yawrdeuq khawf aqyawf-euq tersar-anr siqnya-eu mirnae, aqyawf-euq maeqnan cantae ghae-eu mae.

Yoˇhaˬ 10:5

Yawrdeuq-aq, tiqjeq ghaenae-iq maqsiq maqsux-eu tsawrhaq-euq maeqnan maq cantae-eu uqtaf, aqyawf jawr-eu gar nae caev-eu mae. Aqjeq mirnae aernar-aq, yawrdeuq-aq, maqsiq maqsux-eu deuq-euq tersar-anr maq siqnya-a.”

Yoˇhaˬ 17:20

“Ngar, tsawrhaq heudeuq-euq gharduq taef-aer maqngeurni, aqyawf maf-euq dawq-euq baqda’nae, aqkar ngaq-anr janlar-eu tsawrhaq deuq-euq gharduq khawf guiqlanq shar-eu ma.

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.

Luˇkaꞈ 15:8

“Maqngeur nar-aq, zaqmiq aqbur tiq ghaq pyur marbyav tser byav anr-eu gar tiq byav gabyov nar-aq, tsirkhmq keuq-awr, yavpyawr yavyav-aer, maqmawr-euq khoerkeuvni pov-eu maqngeur-a lor?