Yoˇhaˬ 1:51 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Yeqsur, aqyawf-anr paraer-eu, “Ngar, nawmaf-anr aqdir aqmar aernaeq nyar, mq pantaq-euq gar ya’mawr taef-a. Miqyaer-euq mqtav ghaqkhaer, Tsawrhaq-euq Zaqyo-euq khoertav tsawqtoeq tsawqdav-aer canluf-eu gar khawf ya’mawr taef-a.”

Akha

⁵¹ Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yoˇhaˬ 1:51 Referans Kwoze

Gʼaˬkʼehˇ 7:56

aer-eu, “Hawsher-eq! Mq pantaq-awr, Tsawrhaq-euq Zaqyo, Miqyaer-euq armar paw yawfluf-eu gar ngar mawrluf-eu ma!”

Luˇkaꞈ 22:43

Khoerngae, mqtav ghaqkhaer tiq ghaq mq-anr nae aqyawf jawr-eu gar dovle-awr, aqyawf-anr ghaq biflanq le-euq mae.

Luˇkaꞈ 2:13

Khoernar-aq, mqtav-euq guirzaq, baqmaf purjeq-aer japyuqni dovle-awr, mqtav ghaqkhaer khoerghaq naeq-aer Miqyaer-anr jaceuq-eu,

Maˬkuˆ 14:62

Khoerngae, Yeqsur aer-eu, “Ngar ngeur ma. Tsawrhaq-euq Zaqyo Baoq-euq armar paw nuirluf-eu gar maqaer, (Jc 110:1) mqtav-euq mqdmr-anr dziq-awr zafka le-eu gar maqaer, nawmaf ya’mawr taef-a.” (Dyl 7:13)

Maˬkuˆ 1:10

Aqyawf, ircuf-anr nae dovlar-euq naeq-aer mq panlar-eu gar ya’mawr-awr, Yawshawr Saflar, khaqkhoeq lof-aer aqyawf-euq khoertav zafka le-euq mae.

Maꞈtehˬ 3:16

Yeqsur bartirsaq hageuf ghaq-euq naeq-aer, ircuf-anr nae dovlar-euq mae. Khoerngae, aqyawf-euq gharduq mq panlar-awr, Yawshawr Saflar, khaqkhoeq lof-aer zafka le-awr nae, aqyawf-euq khoertav zawdawf le-euq gar aqyawf ya’mawr-euq mae.

Gʼaˬkʼehˇ 10:11

Mq panlar-awr, saqpar parma lof-aer ghae-eu tiq hmq, lafcoer oeq coer-anr paftawf taq-awr, aqyawf jawr-eu paw mirtsaq-anr pyaeqka lef-eu gar, aqyawf ya’mawr-euq mae.

Luˇkaꞈ 3:21

Khoerngae, heulof-aer pyeuflar-euq mae. Tsawrhaq khoerdeuq dawqtawvluf bartirsaq hageufluf ngae, Yeqsur khawf hageuf-awr guiqlanqshar ngae, mq panlar-euq mae.

Maꞈtehˬ 4:11

Khoerngae, naef sanqpaq, Yeqsur jawr-eu gar nae dov-ir-euq mae. Khoernar-aq, mqtav ghaqkhaer deuq oe-awr, aqyawf-anr ngaeqghae le-euq mae.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Panmaeq 4:1

Khoerdeuq dzeur-euq nar-aq, ngar hawghae ngae, mq-euq khoertav larghov pantaq-euq gar ya’mawr-euq ma. Yawbae ngaq-anr dawq ngaeqcawq-eu darhae baw-eu gar dur-eu tersar khoersar, ngaq-anr heulof-aer paraer-eu mae, “Nawr heugar davlar-awq. Aqkar ya pyeuflar-eu garkawv deuq ngar, nawq-anr bimawr nyar.”

2 Teˇsaˬloˇni 1:7

nuima maqsar-aer ya daqluf-eu nawmaf-anr nga’maf naeq-aer ghaqnaq binaq-eu tsaq mae laer Miqyaer noeqtaq-euq mae. Khoerngae, miqdzaq miqlmr-euq lafkhoer Sanqpaq Yeqsur hawr-eu baoq huiq-eu aqyawf-euq mqtav ghaqkhaer deuq naeq-aer mq-anr nae bi dovle-awr,

Luˇkaꞈ 2:9

Khoerngae, Sanqpaq Miqyaer-euq mqtav ghaqkhaer dovle-awr aqyawf maf-euq dawqpae yawfluf-eu mae. Sanqpaq Miqyaer-euq yawshaef khanqsaer aqyawf maf-euq tiqjawq byale-awr, yawr bo-eu deuq guv duidui-ir-euq mae.

HeˬByehˇ 1:14

Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Yoˇhaˬ 10:1

Yeqsur heulof-aer aer-eu mae, “Ngar, nawmaf-anr aqdir aqmar aernaeq nyar, yawr, yawrkuv-anr urlar ngae, ghovkhaeq-anr nae maq urlarni, yawqpawyawq nae davurlar-eu ghaq-aq, smrkhoeq hawr-eu tanrjoe mae.

Luˇkaꞈ 22:69

Aqkar nar-aq, Tsawrhaq-euq Zaqyo-aq, Miqyaer-euq baoq-euq armar paw ya’nuir taef-a.” (Jc 110:1)

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Yuˇdaˆ 1:14

Aqdaq-anr nae guikalef ngae, shiftsuif tiqtsuif-anr jawr-eu Ernov khawf aqyawf maf-euq garkawv, Miqyaer gharduq heulof-aer ngaeqdan taq-euq mae, “Hawde-eq. Sanqpaq Miqyaer, aqyawf-euq tsawrshawr armyaer arjuirghaq sheuq-awr oe taef-a.

2 Teˇsaˬloˇni 1:9

Tsawrhaq khoerdeuq-aq, Sanqpaq Miqyaer-euq maeqshi hawr-eu aqyawf-euq baoq yawshaef khanqsaer-anr nae yaghawq-ir-awr, mqmaq maqbyav yarzir yacawv-ir taef-a.

Yoˇhaˬ 14:12

“Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Yoˇhaˬ 6:47

Ngar, nawmaf-anr aqdir aqmar aernaeq nyar, ngaq-anr jan-eu tsawrhaq-aq, mqmaq maqbyav yarzir daef-eu jeq za-eu mae.

Luˇkaꞈ 24:4

Khoerngae, heulof-aer pyeuflar-euq mae. Aqyawfmaf garkawv khoer-anr zanq duidui ler-awr jawrluf ngae, yawshaef bya-eu maeqtsoeq dmluf-eu tsawrhaq nyiq ghaq dovle-awr, dawqpae yawfluf-eu mae.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Yoˇhaˬ 21:18

Ngar, nawq-anr aqdirma-aer aernaeq nyar, nawr zaqguq ngae, yawqhar yawqha jofpaf paf-awr, khar irmawf-eu gar ir-eu mae. Aerkhawf, nawr mawq-ir ngae, nawr aqlaf cawqja-awr, aqcawq, nawq-anr jofpaf pafnaeq-awr, nawr maq irmawf-eu gar sheuqghae naeqlaf taef-a.”

Yoˇhaˬ 8:51

Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Yoˇhaˬ 6:32

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf-anr mqtav-euq kaqmur bif-euq ghaq-aq, Morseq maqngeur-a. Aerkhawf, marmarni mqtav-euq kaqmur, nawmaf-anr bif-eu ghaq-aq ngaqDa mae.

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Yoˇhaˬ 16:20

Ngar, nawmaf-anr aqdirma-aer aernaeq nyar, nawmaf yawkhav-aer ngoer-awr, tsawrngoer ya’ngoer taef-a. Aerkhawf, mirtsaqzaq laqkhaqcaer taef-a. Nawmaf ya noeqshaq-eu khawf, nawmaf noeqshaq-eu khoer laqkhaq caer-eu jeq pyeuflar taef-a.

Yoˇhaˬ 13:16

Ngar, nawmaf-anr aqdirma-aer aernaeq nyar, kuirlaf zaqkhav-aq, yawqha-euq yawsanr navmaqtser maq huiqdzaeq-a. Bikhaer-eu ghaq khawf, aqyawf-anr khaer-euq ghaq navmaqtser maq huiqdzaeq-a.

Yoˇhaˬ 10:7

Khoernar-aq, Yeqsur, aqyawf maf-anr heulof-aer par aernaeq-euq mae, “Ngar, nawmaf-anr aqdir aqmar aernaeq nyar, ngar-aq, yawrdeuq urlar-eu ghovkhaeq ma.

Yoˇhaˬ 6:53

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf, Tsawrhaq-euq Zaqyo-euq shaqjir maqdzaq-aer, aqyawf-euq shiq maqdawr nar-aq, nawmaf-euq lafkhoer daef-eu jeq maqanr-a.

Yoˇhaˬ 5:27

Khoeruqtaf, aqyawf-aq, Tsawrhaq-euq Zaqyo pyeuf-eu mirnae, aqyawf-anr yarkhaq dar-eu aryaq biftaq-euq mae.

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Maꞈtehˬ 9:6

Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoernar-aq, Yeqsur, kuirshir lafshir shir-eu khoerghaq-anr aernaeq-eu, “Tur-awr, nawq-euq yufzar baf-awr irkanr ghof-ir-awq.”

Maꞈtehˬ 8:20

Khoer-anr Yeqsur aernaeq-eu, “Byaqhir-aq, khaeqbanq baw-awr, mqtav zaw-eu arjir khawf banq jav-eu mae. Aerkhawf, Tsawrhaq-euq Zaqyo-aq, uqduq bafdarduq khawf maqjav.”

Yoˇhaˬ 16:23

“Khoerngae nan keuvlar nar-aq, nawmaf, ngaq-anr tiqjeq-iq maqpar shar-ar. Ngar, nawmaf-anr aqdirma-aer aernaeq nyar, ngaq-euq tsawrmyanr-anr ghoe-awr, nawmaf, Aqda-anr kharshar-eu jeq aqyawf, nawmaf-anr bifnaeqlaf taef-a.

Yoˇhaˬ 13:38

Yeqsur, aqyawf-anr aerkhof-eu, “Nawr, ngaq-euq gharduq nawq-euq zir shirdanpeuq le laer? Ngar, nawq-anr aqdirma-aer aernaeq nyar, yapoer maq doerlar-euq minav-aer, nawr, ngaq-anr maqsiq laer smq pov keuvni pyaer taef-a.”

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”

Yoˇhaˬ 8:34

Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, aqsur ghaq maqkaq, iqbax mr nar-aq, iqbax-euq zaqkhav mae.

Yoˇhaˬ 6:26

Yeqsur heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, nawmaf, ngaq-anr pov-eu-aq, bisiq bimawr-eu jeq ya’mawr-euq mirnae maqngeur-a. Aerkhawf, kaqmur tiqdaev yadzaq-euq mirnae pov-eu mae.

Yoˇhaˬ 1:50

Khoerngae, Yeqsur, aqyawf-anr aernaeq-eu, “ ‘Nawr siqguq arbawr-euq uqmov jawrluf ngae’ nae, ngar, nawq-anr mawr-euq ma laer ngar aer-eu mirnae nawr jan-eu le lor? Nawr heunav maqtser huiq-eu jeq-anr khawf ya’mawr taef-a.”