Yoˇhaˬ 1:49 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁹ Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Akha

⁴⁹ Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Yoˇhaˬ 1:49 Referans Kwoze

Yoˇhaˬ 1:34

Ngar khoer-anr ya’mawr-awr, tsawrhaq khoerghaq-aq, Miqyaer-euq Zaqyo mae laer ngar sarkir kamq-eu ma.”

Luˇkaꞈ 19:38

“ ‘Sanqpaq Miqyaer-euq tsawrmyanr-euq uqmov oeluf-eu Sanqpaq-anr jaceuq-awq.’ Mq-euq khoertav nuisar of-eu jeq jav luf-ur. Gor duidui-eu gar yawshaef khanqsaer jav luf-ur.” (Jc 118:26)

Maꞈtehˬ 27:42

“Aqyawf, aqcawq-anr bibuq-ir nya-eu khawf, yawqhar yawqha maqbi buq-ir nya nga-eq. Aqyawf, Irsaqleqlav tsawrhaq-euq Sanqpaq ngeur nar-aq, nymq-mr aqyawf, lafyaq-euq khoertav nae bi zafka le-awq, aqduimaf, aqyawf-anr jan ma.

Maꞈtehˬ 21:5

“Ziroq-euq zaqmiq-anr heulof-aer aernaeq-awq, ‘Hawsher-eq, nawq-euq Sanqpaq nuima nanqyuni, manq tanqlav-anr dziq-awr oeluf ngar-a, Manq tanqlavzaq-anr dziq-awr, nawr jawr-eu gar oeluf-eu mae.’ ” (Isy 62:11; Zkl 9:9)

Maꞈtehˬ 2:2

“Yurdav tsawrhaq-euq Sanqpaq geuf-eu laer daefle-euq ghaq aqgar jawr-eu la? Nga’maf, nanrma dovkhaeq paw aqyawf-euq aqguir-anr ya’mawr-awr, aqyawf-anr uqduq tanq-eu gharduq lar-euq ma.”

Yoˇhaˬ 1:38

Yeqsur nanrghof ghofhaw-awr, aqyawfnyaf cantae luf-eu gar ya’mawr ngae narhaq-eu, “Nawnyaf aqjeq sharpov luf-eu le?” Aqyawfnyaf narhaq-eu, “Laqbir-or! Nawr aqgar yaf-eu le?” (Laqbir laer aer-eu-aq, saqlaq laer aermawf-eu mae.)

Maꞈtehˬ 27:11

Yeqsur, meuqsanr-euq maeqshi yawfluf ngae, meuqsanr, aqyawf-anr narhaq-eu, “Nawr, Yurdav tsawrhaq-euq Sanqpaq le lor?” Khoerngae, Yeqsur, aqyawf-anr aerkhof naeq-eu, “Nawr aer-eu lof-aer ngeur ma.”

Maꞈtehˬ 14:33

Khoerngae, lawq-euq lafkhoer urluf-eu deuq, Yeqsur jawr-eu gar lar-awr uqduq tanqtanq-aer aer-eu, “Nawr-aq, aqdir aqmar Miqyaer-euq Zaqyo ngar-a.”

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Jaceuq 110:1

Ya’we Miqyaer, ngaq-euq Sanqpaq-anr aernaeq-eu, “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.”

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

Maꞈtehˬ 4:3

Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Maꞈtehˬ 23:7

Laev-euq lafkhoer, aqcawq, aqyawf maf-anr yawzeu baw-eu lafkhoer dawqcawq bi puqmawf-awr, aqcawq nae aqyawf maf-anr ‘Saqlaq-or! Saqlaq-or’ laer bikur mawf-eu mae.

Maꞈtehˬ 23:8

Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

Maˬkuˆ 15:32

Aqdui mawr-awr ya janni, Irsaqleqlav-euq Sanqpaq Kali nymq-mr minav-aer lafyaq-euq khoertav nae bi zafkale sher-eq.” Aqyawf naeq-aer tiqkawv lof-aer lafyaq-euq khoertav bi taftaeq taq-euq tsawrhaq khawf, aqyawf-anr yaeqbawq saerlu-aer aer-eu mae.

Luˇkaꞈ 1:35

Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Yoˇhaˬ 1:50

Khoerngae, Yeqsur, aqyawf-anr aernaeq-eu, “ ‘Nawr siqguq arbawr-euq uqmov jawrluf ngae’ nae, ngar, nawq-anr mawr-euq ma laer ngar aer-eu mirnae nawr jan-eu le lor? Nawr heunav maqtser huiq-eu jeq-anr khawf ya’mawr taef-a.”

Yoˇhaˬ 4:31

Khoer yawkaq-anr aqyawf-euq zaqlanr deuq, Yeqsur-anr shar-eu, “Laqbir-or! Dzaqlar-awq.”