Yoˇhaˬ 1:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Heu-aq, Yorhaq nae kamq-euq sarkir deuq mae. Khoerngae, Yeqlursaqlaeq-anr jawr-eu Yurdav tsawrhaq nae, Yorhaq jawr-eu gar pirma deuq hawr-eu Leqbir tsawrhaq deuq-anr khaerghae-awr, aqyawf-anr heulof-aer bi narhaq-ir-euq mae, “Nawr aqsur ghaq le?”

Akha

¹⁹ Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 1:19 Referans Kwoze

Yoˇhaˬ 10:24

Khoerngae, Yurdav tsawrhaq, aqyawf-euq tiqjawq uiqlar-awr aqyawf-anr aernaeq-eu, “Nawr, nga’maf-anr yawduq maqbaw-aer aqmyan keuvni bidawq-eu laer ghae-eu le? Nawr, Kali ngeur nar-aq, nga’maf-anr dawrcoeni aernaeq laf-awq.”

Gʼaˬkʼehˇ 19:4

Khoerngae, Pawrluv aer-eu, “Yorhaq-euq bartirsaq-aq, noeqpov noeqpar-eu bartirsaq mae. Yorhaq, tsawrhaq khoerdeuq-anr aqyawf-euq maeqnan oe-eu ghaq-anr jan-awq laer aernaeq-euq mae. Khoerghaq-aq, Yeqsur Kali mae.”

Gʼaˬkʼehˇ 13:25

Yorhaq, aqyawf-euq gar mrjirlaf ngae aer-eu, ‘Nawmaf, ngar, aqsur ghaq nga laer noeq-eu le? Ngar-aq, khoerghaq maqngeur. Ngaq-euq maeqnan tiq ghaq oeluf-eu mae. Ngar, aqyawf-euq saeqnawv arcav-anr puir-eu taef khawf maqgeux-a.’

Yoˇhaˬ 2:18

Khoermirnae, Yurdav tsawrhaq-euq aqyuif aqtsu deuq, Yeqsur-anr narhaq-eu, “Nawr heudeuq janr-euq heu, nga’maf-anr aqgeu jeq bisiq bimawr-eu laer janr-eu le?”

Yoˇhaˬ 5:10

Khoermirnae, Yurdav tsawrhaq, taqler-euq khoerghaq-anr aernaeq-eu, “Iqnan-aq, landaw jawrnan mae. Nawr yufzar baf-awr maq cankhmq-a.”

Yoˇhaˬ 6:52

Khoerngae, Yurdav tsawrhaq, aqyawf maf-euq yawkaq pyaer-eu, “Tsawrhaq teughaq, aqdui maf-anr aqyawf-euq shaqjir aqjox-aer bi dzaqnya-eu gar aer-eu nga?”

Yoˇhaˬ 6:41

Yeqsur, “Ngar-aq, mq-euq khoertav nae oe-euq kaqmur ma” laer aer-eu mirnae, Yurdav tsawrhaq, aqyawf-anr dawqghof dov-eu mae.

Yoˇhaˬ 1:7

Aqyawf-aq, sarkir kamq-eu ghaq pyeuf-awr, aqyawf-euq baqda’nae tsawrhaq dawqtawvluf janlarni yawshaef khoer-euq garkawv sarkir kamqle-euq mae.

Yoˇhaˬ 2:20

Khoerngae, Yurdav tsawrhaq narhaq-eu, “Uqduq tanqnymr nymrma heunymr 46 khof byanni tsov-euq mae. Nawr smq nan-euq lafkhoer taef-aer tsovpar nya-eu le lor?”

Yoˇhaˬ 5:15

Khoernar-aq, khoerghaq, Yurdav tsawrhaq jawr-eu gar ir-awr aer-eu, “Ngaq-anr bi taqler-euq khoerghaq-aq Yeqsur mae.”

Yoˇhaˬ 5:16

Heu-euq baqda’nae, Yurdav tsawrhaq, Yeqsur-anr khaeq-eu ardanq bae-awr Yeqsur-anr saef-eu laer sharpov-eu mae. Aqjeq mirnae aernar-aq, Yeqsur, landaw jawrnan ngae nan khoerlof-aer ghae-eu jeq mr-euq mae.

Yoˇhaˬ 5:18

Khoermirnae, yawbae navmaqtser, Yurdav tsawrhaq, Yeqsur-anr saef-eu laer tov-eu mae. Aqjeq mirnae aernar-aq, aqyawf-aq, landaw jawrnan-anr maq mrkhmq-eu jeq mr-euq uqtaf, Miqyaer-aq, aqyawf-euq Aqda ma laer aer-awr, aqyawf, Miqyaer naeq-aer tiqkawv dini taq-eu mae.

Yoˇhaˬ 7:1

Khoernar-aq, Yeqsur, Gaqliqlaer mirkhanq doedoe-aer can-euq mae. Yurdav tsawrhaq, aqyawf-anr saef-eu laer jawq-eu mirnae, aqyawf, Yurdav mirkhanq-anr maq canmawf-a.

Yoˇhaˬ 7:11

Yawbuibui ngae, Yurdav tsawrhaq, “Aqyawf aqgeugar jawr-eu la?” laer narhaq narhaq-aer povluf-eu mae.

Yoˇhaˬ 7:15

Yurdav tsawrhaq zanqler-awr aer-eu, “Tsawrhaq teughaq-aq, sanqbof maq dzawhaw-euq gar nae, sanqbof aqjox-aer siqnya-eu nga?”

Yoˇhaˬ 8:22

Khoerngae, Yurdav tsawrhaq aer-eu, “Aqyawf, yawqhar yawqha saef-eu laer ghae-eu mirnae, ‘Ngar ir-eu gar nawmaf maqoe nya-ar’ laer aer-eu nga lor?”

Yoˇhaˬ 8:48

Khoerngae, Yurdav tsawrhaq, aqyawf-anr aerkhof naeq-eu, nga’maf, “Nawr-aq, Saqmaqliv tsawrhaq pyeuf-eu uqtaf, naef ur-eu nga laer aer-eu khoer, tsaq-eu maqngeur-a lor?”

Yoˇhaˬ 8:52

Khoerngae, Yurdav tsawrhaq, Yeqsur-anr heulof-aer aernaeq-euq mae: “Nymq-mr pov-aq, nawq-euq lafkhoer naef ur-eu nga laer, nga’maf siqnya ma. Aqbyaqhaq shir-awr, Miqyaer gharduq ngaeqdan-eu tsawrhaq deuq khawf shirjir-euq mae. Nawr, ‘Ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya myeufhaw-ar’ laer aer-eu beu.

Yoˇhaˬ 8:57

Khoerngae, Yurdav tsawrhaq, aqyawf-anr aernaeq-eu, “Nawr 50 khof khawf maq khawvlar-euq gar, nawr, Aqbyaqhaq-anr mawrhaw-euq le lor?”

Yoˇhaˬ 10:31

Khoerngae, Yurdav tsawrhaq khaqlo parghov-awr, aqyawf-anr biqsaef-eu laer ghae-eu mae.

Yoˇhaˬ 11:19

Yurdav tsawrhaq ghawqmya’ni, Maqliv hawr-eu Maqta jawr-eu gar lar-awr, aqnyaf nmr-euq aqmanr shir-euq mirnae, aqyawfnyaf nuima bi sarlar-eu gharduq lartaq-euq mae.

1 Yoˇhaˬ 1:5

Miqyaer-aq, yawshaef mae. Aqyawf-euq lafkhoer yawzanr tiqpawf-iq maqanr-a. Heu-aq, nga’maf, Sanqpaq Yeqsur maeq-eu gar yagaq-awr, nawmaf-anr ja’maeq-eu ma.