Yoˇhaˬ 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Akha

¹⁶ Aˬ yawꞈ laꞈ kʼoeˇ gʼawˬ shaˬ gaˬ-eu jeˬ tiˬ byah ni ahˇ-awˇ, aˬ dui-ahˇ guiˬ lahˬ tiˬ jeˬ saˇ-iˬ tiˬ jeˬ biꞈ laꞈ luꞈ-eu meh.

Yoˇhaˬ 1:16 Referans Kwoze

Gawˇlawˇsehˇ 1:19

Aqjeq mirnae aernar-aq, aqyawf-euq lafkhoer byan-eu jeq dawqtawvluf byan-eu gar, Aqda nuikhanr shir-eu mae.

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

Eˇpeˇsu 3:19

Khoeruqtaf, tsawrhaqzaq-euq siqnya-eu tsawrganr taf-aer dzaeq-eu, Kali-euq gaq-eu jeq-anr nawmaf siqnya lar-awr, Miqyaer-euq lafkhoer byan-eu yawqjeq navluf, nawmaf-euq lafkhoer bi byanlar law.

Eˇpeˇsu 1:23

Kalizaq armur-aq, Kali tiqbyanni byan-eu Kali-euq mawrdo mae. Aqyawf-aq, yawqjeq navluf-anr bi byanlar-eu mae.

Lormav 5:17

Tsawrhaq tiq ghaq mrbanq lavlaeq-awr, shir-eu jeq aqyawf-euq baqda’nae uvlanr luf-eu ngeur nar-aq, Miqyaer-euq huiqdui myaq duidui-eu guiqlanq yawdzanr hawr-eu, tsaq-awr dawr-eu lafsawq za-euq tsawrhaq-aq, ngeurdzaeq, Yeqsur Kali-anr ghoe-awr daef-eu jeq-euq lafkhoer uvlanr taef-a.

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

Maꞈtehˬ 13:12

Aqsur ghaq maqkaq, jav-eu tsawrhaq-anr par biflanq naeq-awr, aqyawf par javkuf dzaeqlar taef-a. Maqjav-eu tsawrhaq-anr-aq, aqyawf kharjav-eu jeq khawf yurdovjir naeq taef-a.

Gawˇlawˇsehˇ 2:3

Poeq-awr lawq-eu zaqsiq tsawrganr hawr-eu siqnya-eu tsawrganr dawqtawvluf, Kali-euq lafkhoer zaftaq-euq mae.

Lormav 8:9

Miqyaer-euq Saflar, nawmaf-euq lafkhoer aqdir jawr nar-aq, nawmaf shiqshaq-euq lafkhoer maqpar jawr-aer, muiq-eu Saflar-euq lafkhoer jawr-eu mae. Tsawrhaq tiq ghaq-euq lafkhoer Kali-euq Saflar maqjawr nar-aq, khoerghaq Kali-anr maqtaf-a.

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Maꞈtehˬ 3:14

Yorhaq, Yeqsur-anr lavnaq-awr aer-eu, “Ngar, nawq nae bartirsaq bi mrnaeq-eu tsaq mae. Nawr ghaq, ngar jawr-eu gar paroe-euq le lor?”

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Lormav 5:20

Zanrdawq javle-awr mrbanq lavlaeq-eu jeq myaqlar-euq mae. Aerkhawf, iqbax myaq-eu jawrduq-anr-aq, Miqyaer-euq guiqlanq yawdzanr par myaqdzaeq lar-eu mae.

Jaceuq 84:7

Aqyawfmaf maeqhu paw ngaeq-aer leghae nar-aq, Ghaq ngaeq-aer anrdzaeq lar-awr; Aqyawf ghaq aqyawf, Ziroq-euq lafkhoer Miqyaer-euq maeqshi ya lekeuv-euq mae.