Yoˇhaˬ 1:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Tsawrhaq khoerdeuq, Miqyaer-euq zaq pyeuflar-euq-aq, tsawrjeuq tsawrca baqda’nae maqngeur-a. Shiqshaq-euq nuinoeq nuilov baqda’nae khawf maqngeur-aer, tsawrhaq-euq nuinoeq nuilov baqda’nae khawf maqngeur-a. Miqyaer nuima tsaq-eu baqda’nae pyeuflar-euq mae.

Akha

¹³ Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Yoˇhaˬ 1:13 Referans Kwoze

1 Yoˇhaˬ 3:9

Miqyaer-anr nae daefle-euq aqsur ghaq maqkaq, iqbax maqmr-a. Aqjeq mirnae aernar-aq, Miqyaer-euq aryoeq aqyawf-euq lafkhoer anr-eu mae. Aqyawf, Miqyaer-anr nae daefle-euq mirnae, iqbax maqpar mr-ar.

Yaˬkoˆ 1:18

Khar baetaq-euq yawqjeq navluf-euq lafkhoer, aqdui-aq, awfbae baelar-euq arsiq lof-aer pyeufni, aqyawf nuima khartsaq-eu lof-aer yawtsaq yawdawr-euq dawq-anr ghoe-awr, aqdui-anr bi daefle-euq mae.

1 Beˬtuˆluˆ 1:23

Nawmaf, cawv-ir nya-eu aryoeq-anr ghoe-awr nae maqngeur-eu, maqcawv-ir nya-eu aryoeq-anr ghoe-awr nae daefpov daefpar ghaq-euq mae. Aryoeq khoer-aq, li-eu maqbawni daef-awr zifluf-eu Miqyaer-euq dawq mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

1 Yoˇhaˬ 5:4

Aqjeq mirnae aernar-aq, Miqyaer-anr nae daefle-euq yawqghaq navluf, mirtsaq-anr ghaqler-eu mae. Aqdui-euq jan-eu jeq-euq baqda’nae mirtsaq-anr ghaqler-eu ma.

1 Yoˇhaˬ 4:7

Ngar zawr gaq-eu cawqdeuq-or! Aqdui tiqghaq tirghaq gaq kar-eur. Aqjeq mirnae aernar-aq, gaq-eu jeq-aq, Miqyaer-anr nae dovle-euq mae. Gaqnya-eu yawqghaq navluf, Miqyaer-anr nae daefle-awr, Miqyaer-anr siqnya-eu mae.

Tiˇtuˆ 3:5

aqyawf, aqdui-anr kakhof naeqlaf-euq khoer-aq, aqdui tsaq-awr dawr-eu jeq mr-euq mirnae maqngeur-a. Aerkhawf, aqyawf, aqdui-anr ghawqshaq gaq-eu mirnae, Yawshawr Saflar-euq lafkhoer lavshuif-eu jeq hawr-eu daefpov daeqpar-eu jeq-anr taf-eu tsiqshawr-eu jeq baqda’nae, aqyawf, aqdui-anr bibuq-ir naeqlaf-euq mae.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

1 Gawˇliˬtu 3:6

Ngar-aq, ka-eu ghaq pyeuf-awr, Aqpawrluv-aq, ircuf shaeq-eu ghaq pyeuf-eu mae. Aerkhawf, bihuiq bi maerlar-eu ghaq-aq Miqyaer mae.

1 Yoˇhaˬ 5:1

Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.

1 Yoˇhaˬ 5:18

Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Maꞈtehˬ 3:9

‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq zaq bi pyeuflar nya-eu mae.

Jaceuq 110:3

Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

1 Beˬtuˆluˆ 2:2

Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.