Yoˇhaˬ 1:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawf, aqyawf nae baetaq-euq mirtsaq-anr oe-euq khawf, aqyawf-euq tsawrhaq deuq, aqyawf-anr maq hageuf-a.

Akha

¹¹ Aˬ yawꞈ-euˬ miˇ kʼahˬ-ahˇ aˬ yawꞈ oe-euˬ kʼawꞈ, aˬ yawꞈ-euˬ tsawˇ haˬ deuˬ aˬ yawꞈ-ahˇ maˬ ha geuꞈ-a.

Yoˇhaˬ 1:11 Referans Kwoze

Luˇkaꞈ 19:14

“Aerkhawf, aqyawf-euq mirkhanq-euq zaqlanr deuq, aqyawf-anr byae-eu mirnae, aqyawf-euq maeqnan aqyawf maf-euq danzar khaerghae-awr heulof-aer bitsaf-ir-euq mae, ‘Nga’maf heughaq nae maqbi uvlanrmawf nya.’

Yoˇhaˬ 3:32

Aqyawf nae yagaq ya’mawr-euq deuq aqyawf sarkir kamq-eu mae. Aerkhawf, aqyawf nae sarkir kamq-euq gar tiqghaq-iq maq hageuf-a.

Maꞈtehˬ 15:24

Khoerngae, Yeqsur aerkhof naeq-eu, “Irsaqleqlav tsawrhaq-euq lafkhoer, byov-ir-euq yawrdeuq jawr-eu gar taef-aer ngaq-anr khaerghae lef-euq mae.”

Lormav 15:8

Nymq-mr ngar aermawf-eu-aq, arhu Miqyaer nae aqpoeq deuq-anr sarjax dzaqtaq-euq khoerdeuq biduq bi marlarni hawr-eu, Miqyaer-euq yawtsaq yawdawr bi dovlar-eu gharduq, Yeqsur Kali, bawkhov maeqdzaq yaeq-euq tsawrhaq deuq-euq kuirlaf zaqkhav geufle-euq mae.

Gʼaˬkʼehˇ 13:46

Khoermirnae, Pawrluv hawr-eu Baqnaqbar nuima khaqduqni anrlar-awr heulof-aer aernaeq-euq mae: “Miqyaer-euq dawq nawmaf-anr jeqhu maeqnaeq-eu-aq tsaq mae. Aerkhawf, nawmaf, Miqyaer-euq dawq-anr byaerdzae-awr, li-eu maqbawni daef-eu jeq za-eu-aq, yawqha maqgeux-a laer dar-eu mirnae, nga’nyaf, aqcawq tsawrjeuq tsawrca jawr-eu paw ciqpyawr ma.

Lormav 9:5

Aqpoeq deuq-aq, aqyawf maf-euq aqpoeq mae. Shiqshaq paw aerlef nar-aq, Kali khawf aqyawf maf-euq arjeuq arca mae. Aqyawf-aq, dawqtawv luf-euq khoertav uvlanr-awr, arsaq saq-eu maqbawni jaceuq-eu geux-eu Miqyaer mae. Aqmeq.

Gaˬlaˬtiˆ 4:4

Aerkhawf, aryamq byanlar ngae, Miqyaer, aqyawf-euq Zaqyo-anr bi’oe-awr, zaqmiq aqbur-anr nae bi daefle-euq uqtaf, zanrdawq-euq lafov daefle-euq mae.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Lormav 9:1

Ngar, Kali-euq lafkhoer jaqmyawf maqmyawfni yawtsaq yawdawr ngaeq-eu ma. Ngaq-euq zaqsiq nuisiq, Yawshawr Saflar-euq lafkhoer, ngaq-euq garkawv sarkir kamqluf-eu mae.

Yoˇhaˬ 1:10

Aqyawf, mirtsaq-euq khoertav jawr-eu mae. Mirtsaq heusiq aqyawf-anr ghoe-awr baetaq-euq khawf mirtsaqzaq, aqyawf-anr maq siqnya-a.

Yoˇhaˬ 1:12

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

Yoˇhaˬ 19:27

Khoernar-aq, zaqlanr khoerghaq-anr aernaeq-eu, “Haeq, nawqma-anr hawsher-eq!” Khoerngae yamq-anr nae nar-aq, zaqlanr khoerghaq, Yeqsur-euq aqma-anr aqyawf-euq irkanr-anr sheuqkhof ghae-awr bijawr-euq mae.

Gʼaˬkʼehˇ 21:6

Khoernar-aq, tiqghaq tirghaq ghawqdawq ngaeq-awr, nga’maf lawq-anr dziqler-euq nar-aq, aqyawfmaf irkanr ghofler-euq mae.