Yaˬkoˆ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqcawq-euq lafov teqni jawr-eu aqyuif aqnyir tiqghaqnav artiv gorler ngae, aqyawf laqkhaq caer-eu tsaq mae.

Akha

⁹ Iˇ shaˬ shaˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ ciˬ goˇ nehˬ ngeh laˬ kʼaˬ cehˇ-eu tsaˬ meh.

Yaˬkoˆ 1:9 Referans Kwoze

Dawqdaq 19:1

Dawrcoeni daef-eu irshaqzaq-aq, Aqdzawq argan gan-awr dawq birpyawv-aer ngaeq-eu tsawrhaq navmaqtser, muiqdzaeq-eu mae.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.

Panmaeq 2:9

“Ngar, nawq nae mr-euq jeq, khaeq-awr khav-eu gar yadaq-euq hawr-eu irshaq shaqluf-eu siqnya ma (aqdir aernar-aq, nawr-aq, smrmuiq smrbaw mae). Yurdav tsawrhaq maqngeur-eu gar, Yurdav tsawrhaq ma laer aer-eu tsawrhaq khoerdeuq, yaeqbawq saerlu-aer ngaeq-eu gar khawf ngar siqnya ma. Aqyawf maf-aq, naef Saqdaq-euq zanrdawq khawqnymr mae.

Luˇkaꞈ 1:52

Aqyawf, baoq jav-eu deuq-anr nuirmanq-anr nae bi oeka-awr, Teq-awr nyir-eu deuq-anr bidav ler-euq mae.

Dawqdaq 17:5

Irshaqzaq-anr aqjaf jafdoer-eu tsawrhaq-aq, Yawqha-anr bae-euq ghaq-anr hawdoer-eu jeq pyeuf-awr, Aqcawq shaqzanq daq-eu gar laqkhaq caer-eu tsawrhaq-aq, Dar-eu jeq-anr nae maqdzeur-ir nya-ar.

Jaceuq 62:9

Aqdir nar-aq, teq-eu nyirzaq-aq, safkhoeq lof-aer dur-awr, Gor-eu huiqzaq khawf jaqmyawf lof-aer taef mae; Aqyawf maf-anr pavyawq nae savhaw ngae, Aqyawfmaf dawqtawvluf safkhoeq navmaqtser pyar-eu mae.

Piˇliˇpiˆ 3:14

Yeqsur Kali-euq lafkhoer Miqyaer-euq zawr gor-eu kur-eu jeq-euq lafsawq za’ni, ngar arpyar-anr hawtsov taq-awr taeluf-eu ma.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Luˇkaꞈ 10:20

Aerkhawf, naefdeuq, nawmaf-euq aerdawq narhaq-eu mirnae laqkhaq taqcaer. Mq-euq khoertav nawmaf-euq tsawrmyanr bofanr taq-euq mirnae laqkhaq caer-awq.”

Luˇkaꞈ 9:48

Khoernar-aq, aqyawf, aqyawf maf-anr aernaeq-eu, “Ngaq-euq tsawrmyanr-euq uqmov zaq yawnyir heughaq-anr hageuf-eu tsawrhaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr bi’oe-euq ghaq-anr hageuf-eu mae. Nawmaf dawqtawv luf-euq lafkhoer aqcawq navmaqtser nyirdzaeq-eu ghaq-aq, aqcawq navmaqtser huiqdzaeq-eu ghaq pyeuflar taef-a.”

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Luˇkaꞈ 14:11

Aqjeq mirnae aernar-aq, yawqhar yawqha taqhuiq-eu aqsur ghaq maqkaq, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, taqhuiq-eu jeq yaza taef-a.”