Yaˬkoˆ 1:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Tsawrhaq tiqghaqnav, “Ngar uqduq tanq-eu zanr yawmuiq-aer tawqluf-eu ma” laer noeqluf-eu khawf, aqyawf-euq maeqlar-anr maeqkawf maqnyaef nar-aq, yawqhar yawqha jaqmyawf myawfluf-eu mae. Aqyawf zanr tawq-eu khoer-aq, gardanr maqtsoeq-a.

Akha

²⁶ Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Yaˬkoˆ 1:26 Referans Kwoze

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Jaceuq 141:3

Ya’we Miqyaer-or! Ngaq-euq khaqmae-anr hawlanr naeqlaf-awr, Ngaq-euq maeqluq-euq larghov-anr hawpir naeqlaf-awq.

1 Beˬtuˆluˆ 3:10

Aqjeq mirnae aernar-aq, “Yawqha-euq daefzir-anr gaq-awr, Arnan yawmuiq mawrmawf-eu tsawrhaq-aq, Yawqha-euq maeqlar-anr nae dawqdoer taqbi dovlar, Maeqluq-anr jaqmyawf maershuir dawq taqbi dovle.

Eˇpeˇsu 5:4

Jawflafni ghae-eu dawq, aqdzawq argan-euq dawq hawr-eu caeflaefka nirgha-eu dawq heudeuq, nawmaf tiqpawf-iq ngaeq-eu maqtsaq-a. Miqyaer-anr jaceuq-eu dawq taef-aer ngaeq-eu tsaq mae.

Dawqdaq 19:1

Dawrcoeni daef-eu irshaqzaq-aq, Aqdzawq argan gan-awr dawq birpyawv-aer ngaeq-eu tsawrhaq navmaqtser, muiqdzaeq-eu mae.

Jaceuq 34:13

Nawq-euq maeqlar yawdoer maqngaeqni yanr-awr, Nawq-euq maeqluq jaqmyawf maqmyawfni yanr-awq.

Dawqdaq 10:31

Tsaq-awr dawr-eu tsawrhaq-euq khaqmae-aq, Zaqsiq tsawrganr anr-eu dawq dovle taef-a. Aerkhawf, dawq yurpyawv-eu maeqlar-aq, Yabi tovtsaevdzae taef-a.

Dawqdaq 10:19

Dawq ngaeqmyaq-eu mirnae iqbax cuiv-ir-eu maqngeur-a. Aerkhawf, yawqha-euq maeqluq-anr lavnaq nya-eu tsawrhaq-aq, yawganr mae.

Gawˇlawˇsehˇ 4:6

Nawmaf ngaeq-eu dawqdeuq, aqmyanluf guiqlanq yawdzanr byan-awr, saqdeuf dawvkuir taq-euq lof-aer, aqsur ghaq-anr aqjox-aer ngaeqkhof naeq-eu tsaq nga laer siqnya-awr ngaeq-awq.

Yaˬkoˆ 1:22

Khoeruqtaf, nawmaf, naqbawr nae narhaq-eu tsawrhaq taef-aer maqpyeufni, Yaerdawq-anr mrcaw-eu tsawrhaq pyeuf-awq. Naqbawr nae narhaq-eu tsawrhaq taef-aer pyeuf nar-aq, yawqhar yawqha jaqmyawf myawf-eu tsawrhaq mae.

Yaˬkoˆ 1:19

Khoermirnae, ngar zawr gaq-eu aqyuif aqnyir deuq-or! Nawmaf yawqghaq navluf, aqcawq dawq ngaeq-eu gar yawkawr-aer narhaq-awq, dawq ngaeq-eu taqtaeq, nuima paer-eu taqkawr.

Dawqdaq 16:25

Tsawrhaqzaq-euq gharduq tsaq-eu gar dur-eu garma tiq kanr jav-eu mae. Aerkhawf, arsaqsaq ngae, shir-eu gar saqler-eu garma mae.

Luˇkaꞈ 8:18

Khoermirnae, nawmaf aqjox-aer narhaq-eu le laer yanr-awq. Aqjeq mirnae aernar-aq, jav-eu tsawrhaq-anr par biflanq naeq-awr, maqjav-eu tsawrhaq-anr-aq, jav ma laer noeq-euq jeq khawf yurdovjir naeq taef-a.”

Gaˬlaˬtiˆ 6:3

Tsawrhaq tiqghaqnav tiqjeq-iq gardanr maqtsoeq-eu gar nae, yawqhar yawqha gardanrtsoeq ma laer noeq nar-aq, yawqhar yawqha jaqmyawf myawf-eu mae.

Dawqdaq 14:12

Tsawrhaqzaq-euq gharduq, tsaq-eu gar dur-eu garma tiq kanr jav-eu mae. Aerkhawf, arsaqsaq ngae-aq, shir-eu gar saqler-eu garma mae.

Gaˬlaˬtiˆ 2:6

Ter dov-eu deuq-aq, aqyawfmaf aqjox-aer ghae-eu tsawrhaq law-awr khawf, ngaq naeq-aer tiqjeq-iq maq beugar-a. Miqyaer-aq, myavpyawq huiqnyir maqtser-a. Ter dov-eu khoerdeuq, ngaq-anr tiqjeq-iq maeqlanq maqka naeqlaf-aq.

Maˬkuˆ 7:7

Tsawrhaq-euq zanrtaq khoftaq deuq jan-eu jeq lof-aer maeq-eu mirnae, Aqyawfmaf, ngaq-anr uqduq tanq-eu-aq, tiqjeq-iq gardanr maqtsoeq-a.’ (Isy 29:13)

Dawqdaq 21:26

Nan’ga-i aqyawf geufmawf-eu yawlof maqbaw-a. Aerkhawf, tsaq-awr dawr-eu tsawrhaq-aq, Tsawrtsir maqtsirni bifdov ghae-eu mae.

1 Gawˇliˬtu 15:2

Ngaq nae nawmaf-anr maeqnaeq-euq guiqlanq dawq-anr yawqngaef-aer jan-eu maqngeur-aer, yawmuiq-aer nyaeftaeqtaq nar-aq, guiqlanqdawq heu-euq baqda’nae nawmaf yabuq-ir taef-a.

Maꞈtehˬ 15:9

Aqyawfmaf, tsawrhaq-euq zanrtaq khoftaq deuq, maeqdawq tsovdawq lof-aer maeq-eu mirnae, Aqyawfmaf, ngaq-anr uqduq tanq-eu-aq, tiqjeq-iq gardanr maqtsoeq-a.’ ” (Isy 29:13)

1 Gawˇliˬtu 15:15

Khoeruqtaf, nga’maf-aq, Miqyaer-euq tsawrkaq jaqmyawf pyeuf-ir taef-a. Aqjeq mirnae aernar-aq, Miqyaer, Kali-anr bi ghofdaef lar-euq mae laer nga’maf sarkir kamqluf-eu ma. Aqdir shir-euq tsawrhaq ghofdaef lar-eu maqbaw nar-aq, Miqyaer khawf Kali-anr maqbi ghofdaef lar-ar.

Dawqdaq 16:10

Sanqpaq-euq maeqluq aertsaev-eu dawq ngaeq-eu mae. Aqyawf-euq khaqmae yarkhaqdar ngae, yawbanq yawlaeq maqanr-a.

Dawqdaq 15:2

Tsawrganr-euq maeqlar-aq, Siqnya-eu tsawrganr yawmuiq-aer zmq-eu mae. Aqdzawq argan deuq-euq khaqmae-aq, Yawdzawq yawgan jeq yoerdov lef-eu mae.

Jaceuq 32:9

Ghovshaw nya-eu jeq maqanr-eu manq hawr-eu manqtanqlav lof-aer taqghae. Aqjeq mirnae aernar-aq, aqyawf maf-aq, maeqkawf hawr-eu maeqkaf dawv-awr nae tsanr-eu maqngeur nar-aq, nawq-euq dawqpae maqlar-a.”

Yaˬkoˆ 2:20

Maq sharnoeq nya-eu tsawrhaq deuq-or! Mr-awr shar-eu jeq maqanr-eu nuijan-aq, tiqjeq-iq gardanr maqtsoeq nga laer nawr siqnya’mawf mir-a lor?

Gaˬlaˬtiˆ 3:4

Nawmaf shaqzanq-anr khoermyav myav-aer yadaq-euq khoer, yawqngaef-aer daq-euq le lor? Khoerdeuq yawqngaef mae laer ngar maq noeqnya.

Gaˬlaˬtiˆ 2:9

Ngaq-anr bifnaeq laf-euq guiqlanq-anr ya’mawr ngae, Kalizaq armur-euq lafkhoer khawrzeur zeurzif pyeufluf-eu Yaqkov, Beqtuvluv hawr-eu Yorhaq aqha’maf, Baqnaqbar, nga’nyaf-anr armar laf nae laftsaf tsafnaeq laf-awr, gar mrcawq laer sawxnaeq laf-euq mae. Nga’nyaf-aq, aqcawq tsawrjeuq tsawrca jawr-eu gar ir-awr, aqyawf maf-aq, bawkhov maeqdzaq yaeq-euq tsawrhaq jawr-eu gar irni nuima tsaq-eu mae.

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.