Yaˬkoˆ 1:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoeruqtaf, nawmaf, naqbawr nae narhaq-eu tsawrhaq taef-aer maqpyeufni, Yaerdawq-anr mrcaw-eu tsawrhaq pyeuf-awq. Naqbawr nae narhaq-eu tsawrhaq taef-aer pyeuf nar-aq, yawqhar yawqha jaqmyawf myawf-eu tsawrhaq mae.

Akha

²² Aˬ yawꞈ-euˬ dawˬ-ahˇ naˬ bawˇ tehꞈ-ehˇ gaˬ-awˇ, yawˬ haˇ yawˬ ha jaˬ myawꞈ myawꞈ-eu tsawˇ haˬ taˬ bi pyeuꞈ. Naˇ haˬ geuꞈ-eu tsawˇ haˬ bi pyeuꞈ-awˬ.

Yaˬkoˆ 1:22 Referans Kwoze

Lormav 2:13

(Zanrdawq-anr yagaq-euq mirnae, Miqyaer-euq maeqshi tsaq-awr dawr-eu tsawrhaq pyeuflar-eu maqngeur-a. Zanrdawq-anr mrcaw-euq tsawrhaq deuq taef-aer mrshawr-euq tsawrhaq pyeuflar-eu mae.

Yoˇhaˬ 13:17

Nawmaf garkawv heudeuq siqnya-awr mr-ir nar-aq, guiqlanqhuiq taef-a.

Yaˬkoˆ 4:17

Khoermirnae, tsawrhaq tiq ghaq yawmuiq jeq mr-eu tsaq mae laer siqnya-eu khawf maqmr nar-aq, khoer-aq, aqyawf-euq gharduq iqbax mae.

1 Yoˇhaˬ 2:3

Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Maꞈtehˬ 12:50

Mq-euq khoertav jawr-eu ngaqDa nuima tsaqni kharmr-eu tsawrhaq-aq, ngaq-euq maernmr, ngaq-euq dmrma hawr-eu ngaq-euq aqma mae.”

Gawˇlawˇsehˇ 3:17

Nawmaf dawqngaeq dawqtmr mr-eu hawr-eu, mr-awr shar-eu yawqjeq navluf, Sanqpaq Yeqsur-euq tsawrmyanr-euq uqmov mr-awq. Aqyawf-anr ghoe-awr Aqda Miqyaer-euq guiqlanq-anr jaceuq-awq.

Panmaeq 22:7

“Hawde-eq. Ngar yawkawr-aer oe ma! Sanqbof heudmq-euq lafkhoer boftaq-euq, Miqyaer gharduq ngaeqdan-eu dawqdeuq-anr mrcaw-eu tsawrhaq-aq, guiqlanqhuiq taef-a.”

1 Yoˇhaˬ 3:7

Ngar gaq-eu zaqdeuq-or! Tiqghaq nae-iq nawmaf-anr maershuir taqbi shuirtawv. Tsaq-awr dawr-eu jeq mr-eu tsawrhaq-aq, Kali tsaq-awr dawr-eu lof-aer tsaq-awr dawr-eu tsawrhaq mae.

Yaˬkoˆ 1:26

Tsawrhaq tiqghaqnav, “Ngar uqduq tanq-eu zanr yawmuiq-aer tawqluf-eu ma” laer noeqluf-eu khawf, aqyawf-euq maeqlar-anr maeqkawf maqnyaef nar-aq, yawqhar yawqha jaqmyawf myawfluf-eu mae. Aqyawf zanr tawq-eu khoer-aq, gardanr maqtsoeq-a.

Gaˬlaˬtiˆ 6:7

Taq noeqbanq de-eq. Miqyaer-anr jaqmyawf maq myawfnya-a. Yawqha aqjeq ka nar-aq, khoerjeq yayaeq taef-a.

3 Yoˇhaˬ 1:11

Ngar zawr gaq-eu cawq-or! Yawdoer jeq-anr taq hawgeuf, taq dzawgeuf, yawmuiq jeq-anr taef-aer hawgeuf dzawgeuf-awq. Yawmuiq jeq mr-eu tsawrhaq-aq, Miqyaer-anr taf-eu tsawrhaq mae. Yawdoer jeq mr-eu tsawrhaq-aq, Miqyaer-anr maq mawrhaw-euq tsawrhaq mae.

Gaˬlaˬtiˆ 6:3

Tsawrhaq tiqghaqnav tiqjeq-iq gardanr maqtsoeq-eu gar nae, yawqhar yawqha gardanrtsoeq ma laer noeq nar-aq, yawqhar yawqha jaqmyawf myawf-eu mae.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

1 Yoˇhaˬ 1:8

Aqdui iqbax maqanr laer aernar-aq, yawqhar yawqha jaqmyawf myawf-awr, yawtsaq yawdawr jeq aqdui-euq lafkhoer maqanr-a.

Piˇliˇpiˆ 4:8

Aqyuif aqnyir deuq-or! Arsaq saq-eu dawq-aq, heudeuq-anr sharnoeq-awq laer aermawf-eu ma. Aqdir tsaq-eu jeq, noeqpoeq paq-aer ghae-eu jeq, tsaq-awr dawr-eu jeq, shawrjaevni ghae-eu jeq, hawmuiq-eu jeq, yawmuiq mae laer aer-eu jeq, muiq-awr jaq-eu jeq hawr-eu jaceuq paq-aer ghae-eu jeq, nawmaf garkawv heudeuq dzardziv dziv-awr sharnoeq sharsawx-awq.

1 Gawˇliˬtu 15:33

Maershuir-anr taq tawvler de-eq. “Cawq yawdoer-aq, shaevdzeuf yawmuiq-anr lavcawv-eu mae.”

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

2 Beˬtuˆluˆ 2:13

Aqyawfmaf nan’ghanr nan’gav-aer dzaqyaef dawryaef-awr, lurgha caergha-eu tsaq mae laer sharnoeq-eu mirnae, maqtsaq maqdawr-eu jeq mr-euq ghaqgarpoeq za taef-a. Aqyawf maf-aq, marbyawf baw-awr maqshawr-eu uqtaf, nawmaf naeq-aer yawbuibui ngae, yawqha-euq jaqmyawf maershuir-euq lafkhoer dzaqyaef dawryaef-eu mae.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.

2 Tiˆmoˇseˬ 3:13

Aerkhawf, yawdoer jeq mr-eu tsawrhaq hawr-eu jaqmyawf maershuir shuir-eu tsawrhaq deuq-aq, ngaeq-aer nar-aq ngaeq-aer doerdzaeqlar taef-a. Aqyawfmaf, aqcawq-anr maershuir shuir-eu lof-aer, aqcawq khawf aqyawf maf-anr maershuirshuir taef-a.

Yaˬkoˆ 4:11

Aqyuif aqnyir deuq-or! Nawmaf-euq yawkaq tiqghaq tirghaq taq jadoer, taq jacawv. Tsawrhaq tiqghaqnav aqyuif aqnyir-anr jadoer-awr, yarkhaqdar nar-aq, zanrdawq-anr jadoer-awr yarkhaq dar-eu mae. Nawr zanrdawq-anr yarkhaqdar nar-aq, nawr-aq, zanrdawq-anr narhaq geuf-eu tsawrhaq maqngeur-aer, zanrdawq-anr yarkhaq dar-eu tsawrhaq mae.