Yaˬkoˆ 1:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoermirnae, nawmaf-euq lafkhoer anr-eu yawjawf yawqjeq navluf hawr-eu yawcawv jeq dawqtawvluf byaerdzae jir-awq. Nawmaf-euq saflar-anr kakhof nya-eu, nawmaf-euq lafkhoer kataq-euq dawq-anr nuima nanqyuni anr-awr hageuf-awq.

Akha

²¹ Kʼoeˇ miˇ neh, yaw jawꞈ jeˬ dawˬ tawˆ luꞈ hawˇ-eu maˬ muiˬ maˬ jaˬ-eu jeˬ dawˬ tawˆ luꞈ byehˇ dzeh jiˇ-awˇ, Miˬyehˇ-euˬ nui noeˬ geuꞈ-eu laꞈ kʼoeˇ, aˬ yawꞈ neh naw maꞈ-euˬ nui ma laꞈ kʼoeˇ ka taˬ-euˬ naw maꞈ-ahˇ ka kʼoꞈ nya-eu dawˬ-ahˇ naˇ haˬ geuꞈ-awˬ.

Yaˬkoˆ 1:21 Referans Kwoze

Eˇpeˇsu 4:22

nawmaf, dzeurlaf ngae mr-euq yawqha-euq mrjeq sharkawv yawoer khoer laevdzae yaf-awq. Tsawroer khoerghaq-aq, jaqmyawf maershuir anr-eu nuikhanr nuilov-euq baqda’nae cawv-ir duidui luf-eu mae.

Eˇpeˇsu 1:13

Nawmaf-anr kakhof nya-eu yawtsaq yawdawr-euq guiqlanq dawq-anr yagaq ngae, nawmaf, Kali-anr ghoelar-euq mae. Khoermirnae, jan-eu lafkhoer sarjax biftaq-euq lof-aer, Yawshawr Saflar-anr ghoe-awr nawmaf-anr jmq diqtaq-euq mae.

1 Beˬtuˆluˆ 2:11

Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.

Yoˇhaˬ 6:63

Muiq-eu Saflar taef-aer daef-eu jeq bif-eu ghaq pyeuf-eu mae. Shiqshaq-aq, tiqjeq-iq gardanr maqtsoeq-a. Ngaq nae nawmaf-anr aernaeq-euq dawq-aq, saflar hawr-eu daef-eu jeq pyeuf-eu mae.

Jaceuq 25:9

Aqyawf, nuinanq nuiyu anr-eu deuq-anr, dawr-awr tsaq-eu paw sheuqghae naeq-awr; Aqyawf, nuinanq nuiyu anr-eu tsawrhaq-anr, aqyawf-euq garma maeqnaeq-eu mae.

1 Beˬtuˆluˆ 2:1

Khoermirnae, nawmaf maqmuiq maqjaq-eu yawqjeq navluf byaerdzae yaf-awq. Jaqmyawf maershuir, yawmuiq janrgeuf-eu, myavnav nav-eu hawr-eu dawqdoer ngaeq-eu dawqtawvluf byaerdzae jir-awq.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

Tiˇtuˆ 2:11

Aqjeq mirnae aernar-aq, tsawrhaqzaq dawqtawv luf-anr kakhof-eu laer Miqyaer-euq guiqlanq yawdzanr panmaeq naeqlaf-euq mae.

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

HeˬByehˇ 4:2

Aqjeq mirnae aernar-aq, aqyawf maf-anr guiqlanqdawq maeqnaeq-euq lof-aer, aqdui-anr khawf maeqnaeq laf-euq mae. Aqyawfmaf dawq khoer-anr yagaq-euq khawf maqjan-eu mirnae, yagaq-euq dawq khoer gardanr maqtsoeq-a.

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

1 Gawˇliˬtu 15:2

Ngaq nae nawmaf-anr maeqnaeq-euq guiqlanq dawq-anr yawqngaef-aer jan-eu maqngeur-aer, yawmuiq-aer nyaeftaeqtaq nar-aq, guiqlanqdawq heu-euq baqda’nae nawmaf yabuq-ir taef-a.

Lormav 6:17

Dzeurlaf ngae, nawmaf iqbax-euq zaqkhav geuf-euq mae. Aerkhawf, nymq-mr-aq, nawmaf-anr maeqnaeq-euq dawqmaeq dawqtsov-anr nuima nae narhaq geuf-euq mirnae, Miqyaer-euq guiqlanq-anr jaceuq ma.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

1 Beˬtuˆluˆ 1:9

Khoeruqtaf, nawmaf arsaqsaq ngae keuvni jan-eu mirnae, nawmaf-euq nuima saflar kakhof-eu jeq za-euq mae.

Lormav 11:17

Tsawrhaqzaq nae kataq-euq saqloq uqpyaq tiqdeuq nav-anr deuvdzae-awr, bawrtsanq-euq saqloq uqpyaq pyeuf-eu nawmaf-anr tsafnaeq laf-awr, uqpyaq nuideuq naeq-aer tiqkawv lof-aer saqloq-euq duqcir-euq ardziq-anr shuvluf-eu ngeur nar-aq,

Gʼaˬkʼehˇ 10:33

Khoermirnae, ngar tiqpov taef-aer nawr jawr-eu gar khaerghae lef-euq ma. Nawr lar-euq-aq zawr muiq-eu mae. Miqyaer nae nawq-anr biftaq-euq yawqdawq navluf-anr narhaq-eu laer, nymq-mr nga’maf, Miqyaer-euq maeqshi uiqlar taq-euq ma.”

Maꞈtehˬ 5:5

“Nuima nanqyuni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mirtsaq-aq, aqyawf maf-anr of-eu jeqbir mae.

1 Teˇsaˬloˇni 1:5

Nga’maf nae maeq-euq guiqlanq dawq-aq, nawmaf jawr-eu gar dawq taef-aer keuvle-euq maqngeur-a. Aerkhawf, baoq lafkhoer, Yawshawr Saflar-euq lafkhoer hawr-eu janduq duidui-eu lafkhoer keuvle-euq mae. Aqjeq mirnae aernar-aq, nga’maf, nawmaf naeq-aer jawr ngae, nawmaf-euq gharduq gardanr tsoeqni daef-euq gar nawmaf siqnya-eu mae.

Eˇpeˇsu 5:4

Jawflafni ghae-eu dawq, aqdzawq argan-euq dawq hawr-eu caeflaefka nirgha-eu dawq heudeuq, nawmaf tiqpawf-iq ngaeq-eu maqtsaq-a. Miqyaer-anr jaceuq-eu dawq taef-aer ngaeq-eu tsaq mae.

Eˇpeˇsu 4:25

Khoermirnae, nawmaf jaqmyawf myawf-eu jeq-anr byaerdzae-awr, “Nawmaf yawqghaq navluf yawqha-euq dawqpae jawr-eu tsawrhaq naeq-aer, yawtsaq yawdawr jeq ngaeq-awq.” (Zkl 8:16) Aqjeq mirnae aernar-aq, aqdui-aq, tiqghaq tirghaq-euq arsaer pyeuf-eu ma.

Yaˬkoˆ 5:20

iqbaxzaq laeq-ir-euq gar nae sheuqkhof laf-eu khoer-aq, iqbaxzaq-euq saflar shir-eu jeq-anr nae bibuq-ir-awr, iqbax ghawqmya jeq-anr daeqkaq-eu mae laer sheuqkhof-eu khoerghaq siqnya paq-aer ghae-eu mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.