Yaˬkoˆ 1:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoermirnae, ngar zawr gaq-eu aqyuif aqnyir deuq-or! Nawmaf yawqghaq navluf, aqcawq dawq ngaeq-eu gar yawkawr-aer narhaq-awq, dawq ngaeq-eu taqtaeq, nuima paer-eu taqkawr.

Akha

¹⁹ Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

Yaˬkoˆ 1:19 Referans Kwoze

Dawqdaq 17:27

Siqnya-eu tsawrganr anr-eu tsawrhaq-aq, Dawq kharngeur-eu maqngaeq-aer, Ghovshaw nya-eu tsawrhaq-aq, saflar sarlaevni jav-eu mae.

Dawqdaq 21:23

Yawqha-euq khaqmae hawr-eu, Maeqlar-anr hawpir nya-eu tsawrhaq-aq, Yawqha-euq nuima saflar-anr hawpir-awr, Shaqzanq-anr nae bidzeur-ir nya taef-a.

Dawqdaq 14:29

Zawr-aer ghovshaw nya-eu tsawrhaq-aq, Nuima paerlar-eu maqkawr-a. Aerkhawf, nuima suq-eu tsawrhaq-aq, Yawdzawq yawgan-anr taqhuiq-eu mae.

Dawqdaq 10:19

Dawq ngaeqmyaq-eu mirnae iqbax cuiv-ir-eu maqngeur-a. Aerkhawf, yawqha-euq maeqluq-anr lavnaq nya-eu tsawrhaq-aq, yawganr mae.

Dawqdaq 18:13

Garkawv maqgaq-euq minav-aer aerkhof-eu tsawrhaq-aq, Daqgalar paq-aer ghae-eu, aqdzawq argan-anr dur-eu mae.

Dawqdaq 13:3

Yawqha-euq khaqmae-anr lofpir nya-eu tsawrhaq-aq, Yawqha-euq daefzir-anr bosav nya-eu mae. Aerkhawf, yawqha-euq maeqluq ghawqloeni mrnga taq-euq tsawrhaq-aq, yacawv-ir-eu mae.

Dawqdaq 16:32

Nuima paer-eu maqkawr-eu tsawrhaq-aq, Ghaq khav-eu navmaqtser muiqdzaeq-awr, Meuq tiq meuq deuvdzaq-eu navmaqtser, Yawqha-euq nuima-anr uvlanr nya-eu-aq, muiqdzaeq-eu mae.

Eˇpeˇsu 4:26

“Nuima paernya taef-a. Aerkhawf, iqbax taqmr.” (Jc 4:4) Nanrma ga’anr ngae keuvni nuima paerpaer-aer taqjawr.

Dawqdaq 15:18

Nuima zawr suq-eu tsawrhaq-aq, iqdaeq iqcae lavdov-eu mae. Aerkhawf, nuima paer-eu maqkawr-eu tsawrhaq-aq, caedzaq-eu jeq lavbyov-eu mae.

Gawˇlawˇsehˇ 3:8

Aerkhawf, nymq-mr-aq, nawmaf heudeuq dawqtawv luf-anr ya byaerdzae-eu mae: nuima dav-eu jeq, nuima paer-eu jeq, muir-eu nuinoeq, yaeqbawq saerlu-aer aer-eu jeq hawr-eu, nawmaf-euq khaqmae-anr nae jawflafni ghae-eu dawq ngaeq-eu jeq.

Eˇpeˇsu 4:31

Nawmaf, nuima khaqjawfni ghae-eu jeq, nuima dav-eu jeq, nuima paer-eu jeq, pyaerdzaq-eu jeq, dawqdoer ngaeq-eu jeq hawr-eu, aqcawq-anr coeqler civlerni janrmawf-eu yawqjeq navluf, nawmaf-euq lafkhoer nae byaerdzae jir-awq.

Dawqdaq 18:21

Maeqlar-aq, toeqshir toeqdaef-eu baoq anr-eu mae. Maeqlar-euq baoq-anr gaq-eu tsawrhaq-aq, Baoq khoer-euq arsiq yadzaq-eu mae.

Gawˇlawˇsehˇ 3:15

Khoeruqtaf, Miqyaer-euq nuisar of-eu jeq nae nawmaf-euq nuima-anr bi uvlanr-awq. Khoerlof-aer bi uvlanr-eu laer, mawrdo tiq do taef-aer pyeuflarni Miqyaer, nawmaf-anr kurtaq-euq mae. Khoermirnae, nawmaf, Miqyaer-euq guiqlanq-anr noeqmuiq-awq.

Dawqdaq 19:11

Noeqdanr doe-eu tsawrhaq-aq, Nuima paerlar-eu maqkawr-aer, Aqcawq-euq yawbanq yawlaeq hawdzeur nya-eu khoer-aq, Aqyawf-euq khanqsaer mae.

Dawqdaq 15:2

Tsawrganr-euq maeqlar-aq, Siqnya-eu tsawrganr yawmuiq-aer zmq-eu mae. Aqdzawq argan deuq-euq khaqmae-aq, Yawdzawq yawgan jeq yoerdov lef-eu mae.

Dawqdaq 25:28

Yawqha-euq nuima-anr maq uvlanr nya-eu tsawrhaq-aq, Meuqlanr maqjav-aer, bi deuvpyavjir taq-euq meuq-anr dur-eu mae.

Dawqdaq 14:17

Nuima paer-eu yawkawr tsawrhaq-aq, yawdzawq yawgan jeq mrdov laf-awr, Yawdoer jeq tov-eu tsawrhaq-anr-aq, aqcawq byae-eu mae.

Maꞈtehˬ 5:22

Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Dawqdaq 17:14

Iqdaeq iqcae ardanq bae-eu-aq, irtsanr tanqpav-eu gar dur-eu mirnae, Dawqpyaer pyaer-eu ardanq maqbae lar-euq minav-aer lavnaq-eu tsaq mae.

Yaˬkoˆ 1:26

Tsawrhaq tiqghaqnav, “Ngar uqduq tanq-eu zanr yawmuiq-aer tawqluf-eu ma” laer noeqluf-eu khawf, aqyawf-euq maeqlar-anr maeqkawf maqnyaef nar-aq, yawqhar yawqha jaqmyawf myawfluf-eu mae. Aqyawf zanr tawq-eu khoer-aq, gardanr maqtsoeq-a.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

Gʼaˬkʼehˇ 17:11

Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

Luˇkaꞈ 19:48

Aerkhawf, tsawrhaq dawqtawvluf, aqyawf-anr yawmuiq-aer narhaq luf-eu mirnae, aqyawfmaf tiqjeq-iq maq janrnya-a.

Maˬkuˆ 2:2

Tsawrhaq ghawqmya’ni uiqlar-euq mirnae, nymr-euq lafkhoer jawrbyan taq-euq uqtaf, nymr-euq larghov-euq lafnyir paw khawf jawrkhar maqza-a. Khoerngae, Yeqsur, aqyawf maf-anr dawqmaeq maeqnaeq luf-eu mae.

Dawqdaq 19:19

Nuima yawkhav-aer paercoer-eu tsawrhaq-aq, Khaeq-awr khav-eu gar yadaq taef-a. Nawr, aqyawf-anr cawba le laer nar-aq, Tiqpov sair tiqpov ya cawba naeq-eu mae.

Gʼaˬkʼehˇ 10:33

Khoermirnae, ngar tiqpov taef-aer nawr jawr-eu gar khaerghae lef-euq ma. Nawr lar-euq-aq zawr muiq-eu mae. Miqyaer nae nawq-anr biftaq-euq yawqdawq navluf-anr narhaq-eu laer, nymq-mr nga’maf, Miqyaer-euq maeqshi uiqlar taq-euq ma.”

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Luˇkaꞈ 15:1

Khoerngae, jeq taf-eu tsawrhaq hawr-eu iqbaxzaq dawqtawvluf Yeqsur-euq dawq narhaq-eu laer aqyawf-euq dawqpae jivlar-euq mae.

1 Yoˇhaˬ 2:21

Nawmaf yawtsaq yawdawr-anr maq siqnya-eu mirnae, ngar, nawmaf-anr sanqbof bofanr lef-euq maqngeur. Aerkhawf, nawmaf yawtsaq yawdawr-anr siqnya-eu uqtaf, jaqmyawf kharmyawf-eu yawqjeq navluf tsaq-awr dawr-eu jeq-anr nae dovle-euq maqngeur-a laer nawmaf siqnya-eu mirnae bofanr lef-euq ma.

Gʼaˬkʼehˇ 13:48

Aqcawq tsawrjeuq tsawrca deuq, dawq khoerdawq-anr yagaq ngae, laqkhaq caertavni Sanqpaq Miqyaer-euq dawq-anr ciqhuiq ciqmanr-eu mae. Li-eu maqbawni daef-eu jeq za-eu gharduq kharbi tserdov taq-euq deuq, Kali-anr janlar-euq mae.

Maˬkuˆ 12:37

Daqbir, aqyawf-euq mawrdo khawf aqyawf-anr ‘Sanqpaq’ laer kur-eu ngeur nar-aq, aqyawf aqjox-aer Daqbir-euq Zaqyo par pyeufnya-eu la?” Tsawrhaq armaf mafma laqkhaq caertavni aqyawf maeq-eu gar narhaq luf-eu mae.

Dawqdaq 29:20

Nawr, dawq ardzaeq-aer ngaeqdov kawr-eu tsawrhaq-anr mawrhaw-euq ma laq? Aqdzawq argan-anr-aq, heughaq-anr navmaqtser noeqtmqkhar za-eu mae.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Yaˬkoˆ 1:2

Ngaq-euq aqyuif aqnyir deuq-or, tsermr haw-eu ghawqmya jeq nawmaf-euq khoertav keuvle ngae, laqkhaqcaer duidui-awq.

Yaˬkoˆ 1:16

Ngar zawr gaq-eu aqyuif aqnyir deuq-or! Taq noeqbanq de-eq.

Yaˬkoˆ 2:1

Ngaq-euq aqyuif aqnyir deuq-or! Nawmaf myavpyawq huiqnyir tser-eu jeq hawr-eu yawshaef khanqsaer huiq-eu Sanqpaq Yeqsur Kali-anr jan-eu jeq taq nyaefbawv.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Yaˬkoˆ 3:10

Khaqmae tiq mae-anr nae jaceuq-eu dawqkawq hawr-eu yaqkhaer yaq-eu dawq dovle-eu mae. Ngaq-euq aqyuif aqnyir deuq-or! Khoer-aq, maqtsaq-a de-eq.

Yaˬkoˆ 4:11

Aqyuif aqnyir deuq-or! Nawmaf-euq yawkaq tiqghaq tirghaq taq jadoer, taq jacawv. Tsawrhaq tiqghaqnav aqyuif aqnyir-anr jadoer-awr, yarkhaqdar nar-aq, zanrdawq-anr jadoer-awr yarkhaq dar-eu mae. Nawr zanrdawq-anr yarkhaqdar nar-aq, nawr-aq, zanrdawq-anr narhaq geuf-eu tsawrhaq maqngeur-aer, zanrdawq-anr yarkhaq dar-eu tsawrhaq mae.

Yaˬkoˆ 5:12

Ngaq-euq aqyuif aqnyir deuq-or! Huiq duidui-eu dawq-aq heudawq mae. Tiqjeq-anr-iq ghoe-awr taqkamq. Mq-anr ghoe-awr taqkamq, mirtsaq-anr ghoe-awr nae khawf taqkamq, tiqjeq-anr-iq ghoeghoe-aer taqkamq. Nawmaf yarkhaq dar-eu gar maqya daqni, nawq-euq dawq-aq, ngeur nar-aq “Ngeur ma,” maqngeur nar-aq “Maqngeur” laer taef-aer aer-awq.

Yaˬkoˆ 5:19

Ngaq-euq aqyuif aqnyir deuq-or! Nawmaf-euq lafkhoer tiqghaqnav yawtsaq yawdawr jeq-anr nae garbanq banq-ir-euq gar sheuqkhoflaf nar-aq,