Yaˬkoˆ 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ngar zawr gaq-eu aqyuif aqnyir deuq-or! Taq noeqbanq de-eq.

Akha

¹⁶ Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, taˬ noeˬ lehˬ.

Yaˬkoˆ 1:16 Referans Kwoze

Yaˬkoˆ 1:19

Khoermirnae, ngar zawr gaq-eu aqyuif aqnyir deuq-or! Nawmaf yawqghaq navluf, aqcawq dawq ngaeq-eu gar yawkawr-aer narhaq-awq, dawq ngaeq-eu taqtaeq, nuima paer-eu taqkawr.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

Gaˬlaˬtiˆ 6:7

Taq noeqbanq de-eq. Miqyaer-anr jaqmyawf maq myawfnya-a. Yawqha aqjeq ka nar-aq, khoerjeq yayaeq taef-a.

Gawˇlawˇsehˇ 2:8

Tsawrganr siqzaq-euq dawqmaeq hawr-eu gardanr maqtsoeq-eu jaqmyawf maershuir dawqdeuq ngaeqngaeq-aer, nawmaf-anr shuirlar-eu tsawrhaq-anr yanr-awr, tiqghaq nae-iq taqbi shuirtawv. Dawq khoerdeuq-aq, Kali-anr maqtaf-aer, tsawrhaqzaq-euq zanroer-anr taf-eu dawq hawr-eu, mirtsaq-euq zanrsanrkhof-anr taf-eu dawqdeuq mae.

HeˬByehˇ 13:1

Aqyuif aqnyir maernmr yawkaq gaq-eu lof-aer aqmyanluf gaq-awq.

Gawˇlawˇsehˇ 2:4

Aqcawq, nawmaf-anr gheupyawr lar-eu dawq ngaeqngaeq-aer maqbi shuirtawvni, ngar heulof-aer aer-eu ma.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

2 Tiˆmoˇseˬ 2:18

Aqyawfnyaf, “Ghofdaef lar-eu laer aer-eu jeq-aq dzeur-euq mae” laer aeraer-aer, yawtsaq yawdawr jeq-anr garbanq banq-awr, tsawrhaq ghawqmya ghaq-euq jan-eu nuima-anr lavcawv luf-eu mae.

Piˇliˇpiˆ 4:1

Khoermirnae, ngar zawr gaq-awr, mawrmawf duidui-eu aqyuif aqnyir deuq-or! Nawmaf-aq, ngaq-euq laqkhaq caerduq hawr-eu ngaq-euq shuir uqkhov ma. Ngar gaq-eu cawqdeuq-or! Nawmaf, Sanqpaq Miqyaer-euq lafkhoer zifdanni yawf-awq.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

Maˬkuˆ 12:27

Miqyaer-aq, shirbyov-euq tsawrhaq-euq Miqyaer maqngeur-a. Aerkhawf, daefluf-eu tsawrhaq-euq Miqyaer mae. Teumirnae, nawmaf noeq-eu-aq laeq duidui ngar-a.”

Maˬkuˆ 12:24

Khoerngae, Yeqsur, aqyawf maf-anr heulof-aer aerkhof naeq-euq mae: “Nawmaf Yaerbof-anr khawf, Miqyaer-euq baoq-anr khawf maq siqnya-eu mirnae laeq-ir-euq maqngeur nga lor?

Maꞈtehˬ 22:29

Yeqsur heulof-aer aerkhof naeq-euq mae, “Nawmaf-aq, Yaerbof-anr khawf, Miqyaer-euq baoq-anr khawf maq siqnya-eu mirnae yawlaeq mae.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Yaˬkoˆ 1:2

Ngaq-euq aqyuif aqnyir deuq-or, tsermr haw-eu ghawqmya jeq nawmaf-euq khoertav keuvle ngae, laqkhaqcaer duidui-awq.

Yaˬkoˆ 2:1

Ngaq-euq aqyuif aqnyir deuq-or! Nawmaf myavpyawq huiqnyir tser-eu jeq hawr-eu yawshaef khanqsaer huiq-eu Sanqpaq Yeqsur Kali-anr jan-eu jeq taq nyaefbawv.

Yaˬkoˆ 2:14

Ngaq-euq aqyuif aqnyir deuq-or! Ngar jan ma laer tsawrhaq tiqghaqnav aer-eu khawf, maqmr maqshar nar-aq, aqjeq gardanr tsoeq-eu la? Jan-eu khoerjeq aqyawf-anr kakhofnya taef-a lor?

Yaˬkoˆ 3:1

Ngaq-euq aqyuif aqnyir deuq-or! Ghawqmya ghaq-aer maeqnaeq tsovnaeq-eu tsawrhaq taqgeuf. Aqjeq mirnae aernar-aq, aqdui maeqnaeq tsovnaeq-eu deuq-aq, aqcawq navmaqtser yarkhaq dar-eu gar yadaq-eu mae laer nawmaf siqnya-eu mae.

Yaˬkoˆ 3:10

Khaqmae tiq mae-anr nae jaceuq-eu dawqkawq hawr-eu yaqkhaer yaq-eu dawq dovle-eu mae. Ngaq-euq aqyuif aqnyir deuq-or! Khoer-aq, maqtsaq-a de-eq.

Yaˬkoˆ 4:11

Aqyuif aqnyir deuq-or! Nawmaf-euq yawkaq tiqghaq tirghaq taq jadoer, taq jacawv. Tsawrhaq tiqghaqnav aqyuif aqnyir-anr jadoer-awr, yarkhaqdar nar-aq, zanrdawq-anr jadoer-awr yarkhaq dar-eu mae. Nawr zanrdawq-anr yarkhaqdar nar-aq, nawr-aq, zanrdawq-anr narhaq geuf-eu tsawrhaq maqngeur-aer, zanrdawq-anr yarkhaq dar-eu tsawrhaq mae.

Yaˬkoˆ 5:12

Ngaq-euq aqyuif aqnyir deuq-or! Huiq duidui-eu dawq-aq heudawq mae. Tiqjeq-anr-iq ghoe-awr taqkamq. Mq-anr ghoe-awr taqkamq, mirtsaq-anr ghoe-awr nae khawf taqkamq, tiqjeq-anr-iq ghoeghoe-aer taqkamq. Nawmaf yarkhaq dar-eu gar maqya daqni, nawq-euq dawq-aq, ngeur nar-aq “Ngeur ma,” maqngeur nar-aq “Maqngeur” laer taef-aer aer-awq.

Yaˬkoˆ 5:19

Ngaq-euq aqyuif aqnyir deuq-or! Nawmaf-euq lafkhoer tiqghaqnav yawtsaq yawdawr jeq-anr nae garbanq banq-ir-euq gar sheuqkhoflaf nar-aq,