Tiˇtuˆ 3:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawf-euq guiqlanq yawdzanr baqda’nae, aqdui tsaq-awr dawr-eu tsawrhaq pyeuflar-awr, mqmaq maqbyav yarzir daef-eu jeq-anr noeqtmqkhar za-eu aqyawf-euq jeqbir of-eu tsawrhaq ma.

Akha

⁷ Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh.

Tiˇtuˆ 3:7 Referans Kwoze

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Lormav 3:24

Aerkhawf, nymq-mr-aq, Miqyaer-euq guiqlanq yawdzanr baqda’nae, Yeqsur Kali-euq lafkhoer anr-eu kakhof-eu jeq-anr ghoe-awr, yawqngaef-aer mrshawr naeqlaf-euq mae.

Tiˇtuˆ 2:11

Aqjeq mirnae aernar-aq, tsawrhaqzaq dawqtawv luf-anr kakhof-eu laer Miqyaer-euq guiqlanq yawdzanr panmaeq naeqlaf-euq mae.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Gaˬlaˬtiˆ 2:16

Tsawrhaq tiq ghaq zanrdawq-anr mrcaw-euq mirnae, tsaq-awr dawr-eu tsawrhaq pyeuflar-eu maqngeur-a. Yeqsur Kali-anr jan-eu mirnae taef-aer pyeuflar-eu mae laer aqdui siqnya-eu ma. Aqduimaf khawf zanrdawq-anr mrcaw-euq mirnae, tsaq-awr dawr-eu tsawrhaq pyeuflar-euq maqngeur-aer, Kali-anr jan-eu mirnae tsaq-awr dawr-eu tsawrhaq bi pyeuflar naeqlaf-euq mae. Aqjeq mirnae aernar-aq, shiqshaq khar piluf-eu tsawrhaq tiqghaq-iq zanrdawq-euq maeqnan cantae-euq mirnae, tsaq-awr dawr-eu tsawrhaq maq pyeuflar nya-a.

Lormav 11:6

Guiqlanq yawdzanr-euq baqda’nae za-euq ngeur-eu law nar-aq, mr-awr shar-eu jeq-anr maqtaf-a. Mr-awr shar-eu jeq-anr taf-eu law nar-aq, guiqlanq yawdzanr maqpar ngeur-eu mae. Aerkhawf, mr-awr shar-eu jeq-euq baqda’nae ngeur-eu law nar-aq, guiqlanq yawdzanr-anr maqtaf-a. Guiqlanq yawdzanr-anr taf-eu law nar-aq, mr-awr shar-eu jeq maqpar ngeur-eu mae.

Gaˬlaˬtiˆ 3:29

Nawmaf Kali-anr taf-eu tsawrhaq ngeur nar-aq, Aqbyaqhaq-euq aryoeq pyeuf-awr, dawqma sarjax aertaq-euq lof-aer jeqbir of-eu tsawrhaq mae.

Lormav 4:16

Khoermirnae, jan-eu baqda’nae jeqbir za-eu mae. Jan-eu lafkhoer sarjax aertaq-euq lof-aer aryoeq dawqtawvluf za’nya-eu khoer-aq, guiqlanq yawdzanr baqda’nae nga laer bi dovlar-eu gharduq mae. Zanrdawq-anr ghoe-eu tsawrhaq taef-aer sarjax za-eu maqngeur-aer, aqdui dawqtawv luf-euq aqda yawdzanr Aqbyaqhaq jan-eu lof-aer kharjan-eu tsawrhaq yawqghaq navluf za-eu mae.

Lormav 3:28

Khoermirnae, zanrdawq-anr mrcaw-eu gar maqtafni, jan-eu baqda’nae taef-aer bi mrshawr-euq tsawrhaq pyeuflar-euq mae laer nga’maf sawx-eu ma.

1 Beˬtuˆluˆ 3:7

Khoerlof-aer durni, khaqdzerzaq deuq khawf, yawqha-euq miqzaq-anr ghovshaw-awr daeftaf jawrtaf-awq. Aqyawf, nawq-euq navmaqtser yawnanq nanqdzaeq-eu khawf, nawq naeq-aer tiqkawv lof-aer daefzir-euq guiqlanq yawdzanr jeqbir za-eu mirnae, aqyawf-anr taqhuiq taqmanr-awq. Khoerlof-aer janr nar-aq, nawmaf guiqlanq shar-eu gar lavtsoeq-eu jeq maqjav-ar.

HeˬByehˇ 11:9

Aqyawf jan-eu mirnae, Miqyaer nae sarjax dzaqtaq-euq mirtsaq-anr aqcawq-euq mirkhanq-anr jawr-eu lof-aer jawr-ir-euq mae. Aqyawf-anr durni, Miqyaer-euq sarjax za-euq Irtsav hawr-eu Yaqkov khawf, aqyawf lof-aer saeqghawv ghawv-awr jawr-euq mae.

HeˬByehˇ 11:7

Noraq jan-eu mirnae, maq mawrhaw-euq jeq Miqyaer, aqyawf-anr aernaeq ngae, yawzeu baw-awr guv-eu lafkhoer narhaq geuf-awr, aqyawf-euq nymrkhanq yabuq-ir ni lawq lawqma tiq lawq tsov-euq mae. Aqyawf jan-eu khoer-aq, mirtsaqzaq-anr dar-eu jeq pyeuf-awr, aqyawf-anr tsaq-awr dawr-eu jeqbir of-eu tiq ghaq bi pyeuflar-euq mae.

HeˬByehˇ 6:17

Khoernav maqtser, Miqyaer nae jeqbir of-eu tsawrhaq deuq-anr maq parlar nya-eu sarjax dzaq-euq khoer, byacaevni bi mawrmawf-eu mirnae, aqyawf noeqtsaev-awr kamqtaq-euq mae.

Gaˬlaˬtiˆ 4:7

Khoermirnae, nawr, zaqkhav maqpar ngeur-aer, zaqyo pyeuflar-euq mae. Zaqyo pyeuflar-euq mirnae, Kali-euq baqda’nae Miqyaer-euq jeqbir of-eu mae.

Lormav 4:4

Gar mr-eu tsawrhaq ghaqgarpoeq za-euq khoer-aq, lafsawq za-euq laer maqsawx-aer, mrpoeq za-euq laer sawx-eu mae.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maˬkuˆ 10:17

Khoernar-aq, Yeqsur garma dov-ir-eu laer luv-ir ngae, tsawrhaq tiq ghaq caevghae laf-awr, aqyawf-euq maeqshi pawqtsuif pawqdmq gadmq-awr nae Yeqsur-anr narhaq-eu, “Muiq-eu saqlaq-or! Ngar mqmaq maqbyav yarzir daef-eu jeqbir za’ni aqjeq yajanr-eu la?”

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

HeˬByehˇ 1:14

Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?