Tiˇtuˆ 3:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ aqyawf, aqdui-anr kakhof naeqlaf-euq khoer-aq, aqdui tsaq-awr dawr-eu jeq mr-euq mirnae maqngeur-a. Aerkhawf, aqyawf, aqdui-anr ghawqshaq gaq-eu mirnae, Yawshawr Saflar-euq lafkhoer lavshuif-eu jeq hawr-eu daefpov daeqpar-eu jeq-anr taf-eu tsiqshawr-eu jeq baqda’nae, aqyawf, aqdui-anr bibuq-ir naeqlaf-euq mae.

Akha

⁵ Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

Tiˇtuˆ 3:5 Referans Kwoze

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Eˇpeˇsu 2:4

Aerkhawf, ghawqshaq gaq-eu jeq sanr-eu Miqyaer-aq, aqyawf-euq huiq duidui-eu gaq-eu jeq nae aqdui-anr gaqnaeq laf-awr,

Eˇpeˇsu 5:26

Kali, Kalizaq armur-anr lavshawr-awr tsiqshawr-eu laer, ircuf nae tsiqshawr-eu lof-aer Yaerdawq-anr ghoe-awr nae lavshawr-eu mae.

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Lormav 11:6

Guiqlanq yawdzanr-euq baqda’nae za-euq ngeur-eu law nar-aq, mr-awr shar-eu jeq-anr maqtaf-a. Mr-awr shar-eu jeq-anr taf-eu law nar-aq, guiqlanq yawdzanr maqpar ngeur-eu mae. Aerkhawf, mr-awr shar-eu jeq-euq baqda’nae ngeur-eu law nar-aq, guiqlanq yawdzanr-anr maqtaf-a. Guiqlanq yawdzanr-anr taf-eu law nar-aq, mr-awr shar-eu jeq maqpar ngeur-eu mae.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.

Gawˇlawˇsehˇ 3:10

tsawrhaq yawshuif dmdav-euq mae. Yawshuif khoerghaq-aq, aqyawf-anr bae-euq ghaq-euq shaevdzeuf lof-aer bi durlarni, siqnya-eu tsawrganr bi lavshuif-euq mae.

Jaceuq 86:15

Aerkhawf, Sanqpaq Miqyaer-or, Nawr-aq, ghoer-awr gaq-eu jeq hawr-eu guiqlanq yawdzanr byan-awr, Nuinoeq ghawqmanrni noeqnya-eu uqtaf; Yawtsaq yawdawr hawr-eu, Ghawqshaq gaq-eu jeq byan-eu Miqyaer mae.

Gaˬlaˬtiˆ 2:16

Tsawrhaq tiq ghaq zanrdawq-anr mrcaw-euq mirnae, tsaq-awr dawr-eu tsawrhaq pyeuflar-eu maqngeur-a. Yeqsur Kali-anr jan-eu mirnae taef-aer pyeuflar-eu mae laer aqdui siqnya-eu ma. Aqduimaf khawf zanrdawq-anr mrcaw-euq mirnae, tsaq-awr dawr-eu tsawrhaq pyeuflar-euq maqngeur-aer, Kali-anr jan-eu mirnae tsaq-awr dawr-eu tsawrhaq bi pyeuflar naeqlaf-euq mae. Aqjeq mirnae aernar-aq, shiqshaq khar piluf-eu tsawrhaq tiqghaq-iq zanrdawq-euq maeqnan cantae-euq mirnae, tsaq-awr dawr-eu tsawrhaq maq pyeuflar nya-a.

Lormav 3:20

Zanrdawq-anr mrcaw-eu baqda’nae, tsawrhaq tiqghaq-iq Miqyaer-euq maeqshi tsaq-awr dawr-eu tsawrhaq maq pyeuflar nya-a. Aqjeq mirnae aernar-aq, zanrdawq-euq baqda’nae iqbax-anr siqnya-eu tsawrganr anrlar-eu mae.

1 Beˬtuˆluˆ 2:10

Yawbae, nawmaf-aq, tsawrmyanr maqjav-eu tsawrjeuq tsawrca pyeuf-eu mae. Aerkhawf, nymq-mr-aq, Miqyaer-euq tsawrhaq pyeuflar-euq mae. Yawbae, nawmaf, Miqyaer-euq ghawqshaq gaq-eu jeq maqza-aq. Aerkhawf, nymq-mr-aq, ghawqshaq gaq-eu jeq za-euq mae.

Eˇpeˇsu 4:23

Khoermirnae, nawmaf-euq nuima saflar, yawshuif bi lavshuif-awq.

Lormav 3:28

Khoermirnae, zanrdawq-anr mrcaw-eu gar maqtafni, jan-eu baqda’nae taef-aer bi mrshawr-euq tsawrhaq pyeuflar-euq mae laer nga’maf sawx-eu ma.

Lormav 9:11

Zaqdzm khoer nyiq ghaq maq daefle-euq minav-aer, yawmuiq yawdoer khawf maqmr-euq siq khoer nae, Miqyaer tserdov-eu jeq zifni, aqyawfmaf mr-awr shar-eu gar haw-awr maqngeur-aer, kur-eu ghaq pyeuf-eu Miqyaer nae noeqtsaev taq-euq lof-aer tser-eu jeq pyeuf-eu mae.

Luˇkaꞈ 1:78

Aqdui-euq Miqyaer ghawqshaq gaq-eu nuima anr-eu mirnae, Kakhof-eu jeq uqshawq paw-euq yawshaef mqtav nae aqdui-euq khoertav bi byale-awr,

Luˇkaꞈ 1:54

Aqyawf, aqyawf-euq kuirlaf zaqkhav Irsaqleqlav-anr cawba naeq-awr, Maqngaer naeqni ghawqshaq gaqnaeq-euq mae.

Luˇkaꞈ 1:50

Aqyawf-anr yawzeu baw-eu tsawrhaq-euq khoertav, Aqyawf-euq ghawqshaq gaq-eu jeq tiqzir sair tiqzir jav-eu mae.

Jaceuq 143:2

Nawq-euq kuirlaf zaqkhav-anr yarkhaq taq darnaeqlaf. Aqjeq mirnae aernar-aq, Nawq-euq maeqshi tsaq-awr dawr-eu tsawrhaq tiqghaq-iq maqjawr-a.

Jaceuq 130:7

Irsaqleqlav-or! Ya’we Miqyaer-anr noeqtmq-awq! Aqjeq mirnae aernar-aq, Ya’we Miqyaer jawr-eu gar maqtsaev-ir nya-eu gaq-eu jeq jav-awr, Aqyawf naeq-aer tiqbyanni kakhof-eu jeq jav-eu mae.

Tiˇtuˆ 3:4

Aerkhawf, aqdui-euq Kakhof-eu ghaq pyeuf-eu Miqyaer, tsawrhaqzaq-anr ghawqshaq gaq-eu jeq hawr-eu aqyawf gaq-eu jeq bimawr naeqlaf ngae,

Lormav 9:30

Tox-aer mar-iq, aqdui aqjox-aer aer-eu paq nga? Aqcawq tsawrjeuq tsawrca deuq-aq, tsaq-awr dawr-eu jeq-anr maq sharpov-euq khawf, tsaq-awr dawr-eu jeq-anr zataq-euq mae. Tsaq-awr dawr-eu jeq za-euq khoer-aq, jan-eu mirnae za-euq mae.

Lormav 9:16

Khoermirnae, khoer-aq, tsawrhaqzaq-euq nuikhanr-euq baqda’nae za-eu maqngeur-a. Tsawrhaqzaq laejae-awr mr-eu mirnae za-eu khawf maqngeur-a. Miqyaer ghawqshaq gaq-eu baqda’nae taef-aer za’nya-eu mae.

Lormav 4:5

Aerkhawf, jan-eu tsawrhaq-anr tsaq-awr dawr-eu tsawrhaq mae laer Miqyaer sawx-eu mae. Aqyawf nae mr-awr shar-euq mirnae maqngeur-aer, iqbaxzaq-anr mrshawr nya-eu ghaq-anr jan-eu mirnae mae.

Luˇkaꞈ 1:72

Aqyawf, aqdui-euq aqpoeq deuq-anr ghawqshaq gaq-eu lafkhoer janrnaeq-awr, Aqyawf-euq shawr-eu dawqma sarjax-anr noeqkeuv-euq mae.

HeˬByehˇ 6:6

coq-ir nar-aq, lavshuif-eu laer maqpar noeqpov noeqpar nya-aer noeqtmqkhar maqpar za-eu mae. Aqjeq mirnae aernar-aq, aqyawfmaf, yawqha-euq gharduq, Miqyaer-euq Zaqyo-anr lafyaq-euq khoertav par taftaeq pov-awr, aqcawq-euq maeqshi daqga paq-aer janrnaeq-eu gar dur-eu mae.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Jaceuq 62:12

Sanqpaq Miqyaer-or! Ghawqshaq gaq-eu jeq khawf nawq-euq mae; Aqjeq mirnae aernar-aq, nawr, tiqghaq sair tiqghaq-anr, Yawqha nae mrtaq-euq gar tsaqni mrpoeq lafsawq bif-eu mae.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Lormav 11:14

Ngar heulof-aer mr-eu mirnae, ngaq-anr shiqshaq taf-eu tsawrhaq myavnav navlar-awr, aqyawfmaf tiqpavnav deuq-anr bibuq-ir nya’ni ngar noeqtmq luf-eu ma.

HeˬByehˇ 10:22

Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.