Biblia Todo Logo
Bib sou entènèt

- Piblisite -




Tiˇtuˆ 2:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

15 Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.

Gade chapit la Kopi

Akha

15 Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.

Gade chapit la Kopi




Tiˇtuˆ 2:15
10 Referans Kwoze  

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.


Heulof-aer aertaq-euq dawq heudawq-aq tsaq mae. Khoermirnae, aqyawfmaf jan-eu jeq byanlar ziflarni, nawr, aqyawf maf-anr yawkhav-aer maeqnaeq tsovnaeq-awq.


Iqbax mrluf-eu deuq-anr tsawrhaq dawqtawv luf-euq maeqshi daeqdaeq-aer maeqnaeq-awq. Khoerlof-aer janr nar-aq, nuideuq khawf guv-eu nuima anrlar taef-a.


Aqjeq mirnae aernar-aq, Yeqsur-aq, zanr maeq-eu deuq lof-aer maqngeurni, aryaq jav-eu tiq ghaq lof-aer maeqnaeq tsovnaeq-eu mae.


Aqyawfmaf, Yeqsur maeqnaeq tsovnaeq-eu gar zanq duidui ler-euq mae. Aqjeq mirnae aernar-aq, aqyawf-aq, zanr maeq-eu deuq lof-aer maqngeurni, aryaq jav-eu tiq ghaq lof-aer maeqnaeq tsovnaeq-eu mae.


Tsawrhaq khoerdeuq dawqtawvluf zanq duidui ler-awr aqyawf maf-euq yawkaq ja-eu, “Dawq teudawq aqjox-aer ghae-eu dawq nga? Aqyawf aryaq za-awr baoq anr-eu lafkhoer naef yawjawf deuq-anr dawq bif ngae, naef yawjawf khoerdeuq dovle-eu nga.”


Tsawrhaq khoerdeuq dawqtawvluf zanqler jir-awr, aqyawf maf-euq yawkaq ja-eu, “Aqjeq aqjox-aer nga heu? Aqgar-euq dawqmaeq dawqtsov yawshuif nga? Aqyawf aryaq jav-eu lafkhoer naef yawjawf deuq-anr dawq bif ngae, naef yawjawf deuq khawf, aqyawf-euq dawq-anr narhaq geuf-eu nga.”


Khoermirnae, aqyawf-anr tiqghaq-iq maq hawdoer-aer, aqyawf, ngar jawr-eu gar ghofle-eu gharduq, aqyawf nuisar of-eu lafkhoer maeqhu paw sheuqha dovle naeq-awq. Aqjeq mirnae aernar-aq, aqyawf, aqyuif aqnyir deuq naeq-aer ghofle-eu gar ngar dawqluf-eu ma.


Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.


Swiv nou:

Piblisite


Piblisite