Tiˇtuˆ 2:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Akha

¹³ aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

Tiˇtuˆ 2:13 Referans Kwoze

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

1 Gawˇliˬtu 1:7

Khoermirnae, aqdui-euq Sanqpaq Yeqsur Kali ghofle-eu gar nuima keuv-awr dawqluf ngae, nawmaf-euq lafkhoer lafsawq tiqjeq-iq maqteq-a.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

Maˬkuˆ 14:62

Khoerngae, Yeqsur aer-eu, “Ngar ngeur ma. Tsawrhaq-euq Zaqyo Baoq-euq armar paw nuirluf-eu gar maqaer, (Jc 110:1) mqtav-euq mqdmr-anr dziq-awr zafka le-eu gar maqaer, nawmaf ya’mawr taef-a.” (Dyl 7:13)

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

1 Beˬtuˆluˆ 1:7

Miqdzaq nae tsermr haw-euq khawf, cawv-ir nya-eu shuir navmaqtser poeq-eu, nawmaf-euq jan-eu jeq yawmar ngar-a laer, Yeqsur Kali-anr byacaevni ya’mawr ngae nan, nawmaf-anr jaceuq naeqlaf-awr, yawshaef khanqsaer bifnaeq laf-eu uqtaf, taqhuiq taqmanr naeqlaf taef-a.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

2 Tiˆmoˇseˬ 4:1

Miqyaer hawr-eu Sanqpaq Yeqsur Kali-euq maeqshi, ngar, nawq-anr dawq bif-eu ma. Yeqsur dovle ngae, aqyawf uvlanr-eu lafkhoer daefluf-eu tsawrhaq hawr-eu shirdzeur-euq tsawrhaq-anr yarkhaqdar taef-a.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Gʼaˬkʼehˇ 24:15

Aqkar, tsawrmuiq tsawrdoer dawqtawvluf ghofdaeflar taef-a laer aqyawfmaf noeqtmq-eu lof-aer, ngar khawf Miqyaer-anr ghoeghoe-aer noeqtmq luf-eu ma.

Maˬkuˆ 8:38

Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Tiˇtuˆ 3:4

Aerkhawf, aqdui-euq Kakhof-eu ghaq pyeuf-eu Miqyaer, tsawrhaqzaq-anr ghawqshaq gaq-eu jeq hawr-eu aqyawf gaq-eu jeq bimawr naeqlaf ngae,

Gawˇlawˇsehˇ 3:4

Aqdui-euq daef-eu jeq pyeuf-eu Kali dovle ngae, nawmaf khawf aqyawf naeq-aer tiqkawv lof-aer yawshaef khanqsaer-euq lafkhoer dovle taef-a.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

Maꞈtehˬ 26:64

Khoerngae, Yeqsur, aqyawf-anr aernaeq-eu, “Nawr aer-eu lof-aer ngeur ma. Ngar, nawmaf-anr aernaeq nyar, aqkar, Tsawrhaq-euq Zaqyo, Baoq-euq armar paw nuirluf-eu gar nawmaf ya’mawr-awr, mqtav-euq mqdmr-anr dziq-awr zafka le-eu gar khawf ya’mawr taef-a.” (Jc 110:1; Dyl 7:13)

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

Lormav 8:18

Ngar heulof-aer sharnoeq-eu ma. Heuzir-anr yadaq-eu shaqzanq-aq, aqkar aqdui-anr panmaeq naeqlaf-eu yawshaef khanqsaer-anr tiqpawf-iq sheucaevnyaf maqnyeuv-a.

1 Tiˆmoˇseˬ 1:1

Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.

2 Tiˆmoˇseˬ 1:2

Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

Tiˇtuˆ 1:4

Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.