Tiˇtuˆ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aerkhawf, nawr-aq, tsaq-awr tsanr-eu dawqmaeq dawqtsov-anr tsaqler-eu lof-aer taef-aer maeq-awq.

Akha

¹ Ehˇ kʼawꞈ, nawˇ-aˬ, tsaˬ-eu muiˬ-eu jah-eu jeˬ-ahˇ tsaˬ leˇ-eu jeˬ ya mehˬ ya tsoˆ meh.

Tiˇtuˆ 2:1 Referans Kwoze

2 Tiˆmoˇseˬ 1:13

Nawr, ngaq nae maeq-euq gar yagaq-euq jancoer paq-aer ghae-eu dawq khoer-anr daefcaw ghae-awr, Yeqsur Kali-euq lafkhoer anr-eu jan-eu jeq hawr-eu gaq-eu jeq-anr khawf zifdanni tuvtaeq taq-awq.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

Tiˇtuˆ 1:9

Sarjax zif-eu dawq maeqmaeq-aer, aqcawq-anr ghaq bifnya-eu uqtaf, tsawrpyaer pyaer-eu tsawrhaq-anr maeqghaq nya’ni, aqyawf nae yadzaw-euq tsaq-awr tsanr-eu dawqmaeq dawqtsov-anr zifdanni nyaeftaeq taq-euq tsawrhaq khawf yapyeuf-eu mae.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

1 Tiˆmoˇseˬ 1:10

banq-awr joe-eu tsawrhaq, aqli yawkaq aqli yuftaf joetaf-eu tsawrhaq, tsawrhaq khoeqanq-eu tsawrhaq, jaqmyawf myawf-eu tsawrhaq, maqngeur-eu jeq kamq-eu tsawrhaq hawr-eu tsaq-awr tsanr-eu jan-eu jeq-euq dawqmaeq dawqtsov-anr lavtsoeq lar-eu jeq-euq gharduq zanrdawq bijav-euq mae laer aqdui siqnya-eu ma.

1 Beˬtuˆluˆ 4:11

Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.