Piˇliˇpiˆ 4:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aqdui-euq Aqda Miqyaer, mqmaq maqbyav yarzir yawshaef khanqsaer huiq luf-ur. Aqmeq.

Akha

²⁰ Aˬ dui-euˬ Aˬda Miˬyehˇ mˬ maˬ maˬ byaˆ zaˇ ziˇ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Piˇliˇpiˆ 4:20 Referans Kwoze

Lormav 11:36

Aqjeq mirnae aernar-aq, kharjawr kharjav-eu yawqjeq navluf, aqyawf-anr nae dovle-awr aqyawf-euq baqda’nae javluf jawrluf-awr, aqyawf-euq gharduq taef mae. Mqmaq maqbyav yarzir aqyawf-anr yawshaef khanqsaer damqnaeq kar-eur. Aqmeq.

Jaceuq 115:1

Ya’we Miqyaer-or! Nga’maf-anr maqngeur-eu, nga’maf-anr maqngeur-eu; Nawq-euq tsawrmyanr yawshaef khanqsaer huiq luf-ur. Aqjeq mirnae aernar-aq, Nawq-euq ghawqshaq gaq-eu jeq hawr-eu, Nawq-euq yawtsaq yawdawr-euq baqda’nae mae.

Panmaeq 14:7

Aqyawf, tersar yawkhav khav-aer aer-eu, “Miqyaer-anr guv-awr, aqyawf-anr ciqhuiq ciqmanr-awq. Aqjeq mirnae aernar-aq, aqyawf yarkhaq dar-eu aryamq keuvle-euq mae. Mq hawr-eu mir, iqmalavshav hawr-eu ircuf irbyoe deuq-anr bae-euq ghaq-anr uqduq tanq-awq.”

Panmaeq 7:12

aer-eu, “Aqmeq. Jaceuq-eu jeq hawr-eu yawshaef khanqsaer, Zaqsiq tsawrganr hawr-eu guiqlanq-anr jaceuq-eu jeq, Taqhuiq taqmanr-eu jeq, baoq hawr-eu ghaq dawqtawvluf, Mqmaq maqbyav yarzir, aqdui-euq Miqyaer-anr of luf-ur. Aqmeq.”

Panmaeq 5:12

Aqyawfmaf tersar yawkhav khav-aer aer-eu, “Saef-euq gar yadaq-euq Yawrzaq-aq, Baoq hawr-eu pyurshuir myawqganq, zaqsiq tsawrganr hawr-eu ghaq, Taqhuiq taqmanr-eu jeq, yawshaef khanqsaer hawr-eu jaceuq-eu jeq, Heudeuq dawqtawvluf za-eu geux-eu mae!”

Panmaeq 1:6

Khoeruqtaf, aqyawf, aqdui-anr aqyawf-euq Aqda Miqyaer-euq pirma hawr-eu sanqpaq bi pyeuflarni janrnaeq laf-euq mae. Yawshaef khanqsaer hawr-eu uvlanr-eu baoq, li-eu maqbawni aqyawf-anr of luf-ur. Aqmeq.

Yuˇdaˆ 1:25

Yawshaef khanqsaer hawr-eu huiq duidui-eu khanqsaer, Uvlanr-eu baoq hawr-eu aryaq, Nymq-mr nae mqmaq maqbyav yarzir, Aqdui-euq Kakhof-eu ghaq pyeuf-eu, Aqyawf tiq ghaq taef-aer tsawrganr byan-eu Miqyaer-euq pyeuf luf-ur. Aqmeq.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Eˇpeˇsu 3:21

Yeqsur Kali-anr ghoe-awr, Kalizaq armur-euq lafkhoer tiqzir sair tiqzir, li-eu maqbawni Miqyaer-euq yawshaef khanqsaer huiq luf-ur. Aqmeq.

Jaceuq 72:19

Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.

Panmaeq 11:13

Khoerngae yamq-anr, mirluvluv duidui lar-awr, meuq heumeuq tser bymr-anr nae tiq bymr gabyav-euq mae. Mirluv luv-euq baqda’nae, tsawrhaq 7,000 ghaq shir-euq mae. Nuideuq-aq, guv duidui-ir-awr, mq-euq khoertav jawr-eu Miqyaer-anr ciqhuiq ciqmanr-eu mae.

1 Tiˆmoˇseˬ 1:17

Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.

Piˇliˇpiˆ 4:23

Sanqpaq Yeqsur Kali-euq guiqlanq yawdzanr nawmaf yawqghaq navluf-euq khoertav jav luf-ur. Aqmeq.

Lormav 16:27

Miqyaer tiq ghaq taef-aer tsawrganr byan-eu mirnae, Yeqsur Kali-anr ghoe-awr, mqmaq maqbyav yarzir aqyawf-anr ciqhuiq ciqmanr kar-eur. Aqmeq.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Maꞈtehˬ 6:9

Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.