Piˇliˇpiˆ 4:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

Akha

¹⁸ Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

Piˇliˇpiˆ 4:18 Referans Kwoze

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.

Piˇliˇpiˆ 4:12

Ngar, nym ngae khawf daefnya-awr, javmyaq ngae khawf daefnya ma. Daev ngae khawf, maef ngae khawf, yaw’aw tiv-anr khawf, yawgor tiv-anr khawf, yawqgar navluf hawr-eu yawqjeq navluf-euq lafkhoer, ngar aqjox-aer yadaef-a laer siqnya ma.

2 Gawˇliˬtu 9:12

Aqjeq mirnae aernar-aq, guiqlanq-euq gar heu-aq, tsawrshawr deuq mawf-eu jeq-anr cawba-eu taef-aer maqngeur-eu, tsawrhaq ghawqmya’ni Miqyaer-euq guiqlanq-anr jaceuq duidui-eu jeq khawf dovlar-eu mae.

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

1 Beˬtuˆluˆ 2:5

Nawmaf khawf, daefluf-eu khaqlo mae. Miqyaer nae saflar paw-euq nymr tsov-eu gar bizmq-awq. Nawmaf shawr-eu pirma geuf-awr, Yeqsur Kali-anr ghoe-awr nae, Miqyaer nuikhanr shir-eu saflar paw-euq lawrnaeq-eu jeq lawrnaeq-awq.

2 Teˇsaˬloˇni 1:3

Aqyuif aqnyir deuq-or! Nga’maf, aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, nawmaf jan-eu jeq huiqlar myaqlar duidui luf-awr, nawmaf yawqghaq navluf tiqghaq tirghaq gaq-eu jeq myaqlar duidui luf-eu mirnae, nga’maf khoerlof-aer jaceuq-eu-aq tsaq mae.

Lormav 12:1

Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.

Gʼaˬkʼehˇ 10:4

Khoerngae, Gorneqlir, aqyawf-anr hawtsov taq-awr guv duidui-eu lafkhoer aer-eu, “Sanqpaq-or! Aqjeq aer-eu le?” Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae: “Nawq-euq guiqlanq shardawq hawr-eu nawq nae gamfnaeq-euq jeq Miqyaer-euq maeqshi larkeuv-awr, aqyawf noeqmawr luf-eu mae.

2 Gawˇliˬtu 11:8

Ngar, nawmaf-euq gharduq guiqlanq-euq gar mrpoeq Kalizaq armur yawqmur yawq-anr yur-euq khoer-aq, tanrjoe joe-euq lof-aer dur-eu mae.