Piˇliˇpiˆ 4:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Pirlirpiv-anr jawr-eu deuq-or! Ngar, Maqgeqdawrniv mirkhanq-anr nae dov-ir-awr guiqlanqdawq maeqbae bae-ir ngae, pyur yurnya’ni bifnaeq laf-euq-aq, nawmaf maqngeur nar-aq, Kalizaq armur nuideuq maq bifnaeq laf-aq laer nawmaf siqnya-eu mae.

Akha

¹⁵ Kʼoeˇ ngeh, ngaˇ Laˬ kʼaˬ cehˇ-eu Guiˬ lahˬ dawˬ mehˬ dahˬ beh ngeh, Maˬgeˬdawˇniˆˆ miˇ kʼahˬ-ahˇ neh ngaˇ gʼoꞈ ka le gaˇ caw ba nehˬ laꞈ-euˬ-aˬ, naw maꞈ-euˬ Ka li zaˬ aˇ muˇ tiˬ muˇ tehꞈ meh. Ngaˬ nehˬ-ehˇ jeˬ ma taꞈ-eu tsawˇ haˬ-aˬ, naw maꞈ tehꞈ meh.

Piˇliˇpiˆ 4:15 Referans Kwoze

Piˇliˇpiˆ 1:5

Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.

Gʼaˬkʼehˇ 16:40

Aqyawfnyaf kuv-anr nae dovle-awr, Luqdir-euq irkanr-anr urler-euq mae. Aqyuif aqnyir deuq-anr ya’mawr ngae, aqyawf maf-anr ghaq bif-awr ghawq-euq mae.

Lormav 15:26

Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Piˇliˇpiˆ 1:12

Aqyuif aqnyir deuq-or! Ngaq-anr khar pyeuflar-euq jeq khoer-aq, guiqlanqdawq bikhawq-ir-eu gharduq law hawrngaq laer nawmaf-anr bi siqnya’mawf mir-a.

Piˇliˇpiˆ 1:16

Yawbae deuq-aq, yawqha, aqcawq taf-aer dzaeqler nya’ni sharnoeq-awr nuima maqshawr-eu lafkhoer, ngar shmrcav yadaq-eu heu yawbae navmaqtser lavshaq dzaeq-eu laer, Kali-euq garkawv dawqmaeq maeq-eu mae.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.