Piˇliˇpiˆ 4:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngar tiqjeqpaq mawf-eu mirnae heulof-aer aer-eu maqngeur. Ngar aqgeu tiv-anr yajawr-eu law-awr khawf, khoertiv-euq lafkhoer nuikhanrshir nya’ni dzawtaq-euq ma.

Akha

¹¹ Naw maꞈ ngaˬ-ahˇ byehˇ dzeh nehˬlaꞈ-euˬ meh lehˇ noeˬ-eu baˬ da neh ngaˇ heu loꞈ-ehˇ ehˇ-eu maˬ ngeuˇ. Aˬ jeˬ miˇ neh ehˇ naˇ, ngaˇ-aˬ, yawˬ ha kʼaˇ jaˆ-eu myaˆ ni tehꞈ-ehˇ kʼawꞈ dehꞈ nya jawˇ nya laˇ-euˬ tsawˇ haˬ ma.

Piˇliˇpiˆ 4:11 Referans Kwoze

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

2 Gawˇliˬtu 9:8

Nawmaf aqmyanluf yawqjeq navluf javlof-awr, yawmuiq yawqjeq navluf tiqbyan tiqlof mrnya’ni, Miqyaer, nawmaf-anr guiqlanq yawdzanr dawqtawvluf tiqbyanni bifnaeq nya-eu mae.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

HeˬByehˇ 10:34

Aqjeq mirnae aernar-aq, shmrcav nae bi paftaq-euq ngaq-anr khawf, nawmaf ghawqshaq gaq-awr, aqcawq, nawmaf-euq myawqdeuq-anr khaeqgeuf khavgeuf-euq khawf, nawmaf laqkhaq caertavni daq-awr hageuf coer-eu mae. Aqjeq mirnae aernar-aq, heunav maqtser muiqdzaeq zifdzaeq-eu jeqbir nawmaf-euq gharduq jav-eu mae laer nawmaf siqnya-eu mae.

2 Gawˇliˬtu 11:27

Laejae-awr gar mr-euq mirnae ghaqdoerdoer duidui-awr, maqmyanr kaq-anr maqya yufdaev-eu uqtaf, hawq maef-awr ircuf maef-eu hawr-eu ghawqmya pov maqdzaq maqdawrni dzanq-euq ma. Yawgav gavgav-aer nermyawvni khawf ya shaqhaw-euq ma.

Luˇkaꞈ 3:14

Guirzaq deuq khawf, aqyawf-anr narhaq-eu, “Nga’maf lawr nae aqjox-aer yaghae-eu la?” Khoerngae, Yorhaq, aqyawf maf-anr aernaeq-eu, “Tiqghaq-iq-euq myawq-anr taqkhaeq taq khavgeuf, aqcawq-euq pyur-anr taqmyawf taq shuirdzaq, yawqha zaluf-eu ghaqgar poeq-anr nuikhanr shir-awq.”