Piˇliˇpiˆ 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoermirnae, ngar zawr gaq-awr, mawrmawf duidui-eu aqyuif aqnyir deuq-or! Nawmaf-aq, ngaq-euq laqkhaq caerduq hawr-eu ngaq-euq shuir uqkhov ma. Ngar gaq-eu cawqdeuq-or! Nawmaf, Sanqpaq Miqyaer-euq lafkhoer zifdanni yawf-awq.

Akha

¹ Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Piˇliˇpiˆ 4:1 Referans Kwoze

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

1 Gawˇliˬtu 16:13

Nawmaf yawbeur beur-aer jawr-awr, jan-eu lafkhoer zifdanni yawf-awq. Nuima khaqduqni ghae-awr, ghaq khavlar-awq.

Piˇliˇpiˆ 2:16

Daef-eu jeq bif-eu dawq-anr zifdanni nyaeftaeq taq-awq. Khoerlof-aer mr nar-aq, Kali-euq arnan keuvle ngae, ngaq nae caev-awr, ngaq nae mr-awr shar-euq yawqngaef maqngeur nga laer ngar laqkhaq yacaer taef-a.

Jaceuq 27:14

Ya’we Miqyaer-anr dawq-awq. Yawmuiq-aer mrghanr-awq. Aqyawf, nawq-euq nuima-anr nuighaq bifnaeqlaf taef-a. Ya’we Miqyaer-anr dawq-awq.

1 Gawˇliˬtu 15:58

Khoermirnae, ngar zawr gaq-eu aqyuif aqnyir deuq-or! Nuima zifdanni ghae-awr maqpov maq parlarni, aqmyanluf Sanqpaq Miqyaer-euq gar laejae-awr mr-eu tsawrhaq pyeuf-awq. Aqjeq mirnae aernar-aq, nawmaf nae Sanqpaq Miqyaer-euq gharduq mr-awr shar-eu jeq-aq, yawqngaef maqngeur-a laer siqnya-awq.

Piˇliˇpiˆ 1:8

Yeqsur Kali-euq ghoer-awr gaq-eu jeq nae, ngar, nawmaf yawqghaq navluf-anr mawrmawf duidui luf-eu ma. Heu-euq gharduq, Miqyaer, ngaq-euq sarkir pyeuf-eu mae.

HeˬByehˇ 10:23

Aqdui nae aerdov dzeur-euq noeqtmq-eu jeq-anr povpov lavlav-aer maqghaeni, zifdanni nyaeftaeqtaq kar-eur. Aqjeq mirnae aernar-aq, aqdui-anr sarjax bif-euq ghaq-aq, sarjax zif-eu mae.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Yoˇhaˬ 8:31

Khoerngae, Yeqsur, aqyawf-anr jan-eu Yurdav tsawrhaq deuq-anr heulof-aer aernaeq-euq mae, “Nawmaf, ngaq-euq dawq-euq lafkhoer jawr nar-aq, aqdir aqmar ngaq-euq zaqlanr pyeuf-eu mae.

2 Tiˆmoˇseˬ 2:1

Khoermirnae, ngaqli-or! Nawr, Yeqsur Kali-euq guiqlanq yawdzanr-euq lafkhoer ghaq khavlar-awq.

Piˇliˇpiˆ 2:26

Aqyawf, nawmaf yawqghaq navluf-anr mawrmawf duidui-eu mae. Aqyawf nar-euq garkawv nawmaf yagaq-euq mirnae, aqyawf noeqshaq duidui-euq mae.

2 Gawˇliˬtu 1:14

Nawmaf, nga’maf-anr uicuiv siqnya-eu mae. Khoermirnae, aqdui-euq Sanqpaq Yeqsur-euq arnan ngae nan, nawmaf-euq baqda’nae nga’maf khanqsaer jaevnya-eu lof-aer, nawmaf khawf nga’maf-euq baqda’nae khanqsaer jaevnya taef-a.

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Jaceuq 125:1

Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

2 Beˬtuˆluˆ 3:17

Aerkhawf, ngar zawr gaq-eu cawqdeuq-or! Nawmaf yawbae ngae nae, garkawv heudeuq-anr siqnya-eu mae. Tsawrcawv deuq-euq yawlaeq jeq nae nawmaf-anr maqbi sheuqbanq ghae-aer, nawmaf nyaefzif taq-euq jeq-anr nae maqya coq-ir ni yanr-awq.

HeˬByehˇ 4:14

Aqdui, Pirma yawhuiq ghaq jawr-eu ma. Aqyawf-aq, mqtav mirkhanq-anr cantsaev-euq Miqyaer-euq Zaqyo Yeqsur mae. Aqdui nae aerdov-euq jeq-anr aqdui zifdanni nyaeftaeqtaq kar-eur.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

2 Teˇsaˬloˇni 2:15

Khoermirnae, aqyuif aqnyir deuq-or! Nawmaf zifdanni jawr-awq. Nga’maf, nawmaf-anr maeqboeq nae maeqnaeq-euq deuq hawr-eu sanqbof bof-awr maeqnaeq-euq deuq-anr khawf, kharmaeq khartsov naeq-euq jeq-anr zifdanni nyaeftaeq taq-awq.

Gawˇlawˇsehˇ 4:12

Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.

Gaˬlaˬtiˆ 5:1

Aqdui buq-ir-euq tsawrhaq pyeufni, Kali, aqdui-anr bibuq-ir naeqlaf-euq mae. Khoermirnae, zifdanni jawr-awr zaqkhav-euq khavbaf taqpar baf.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

1 Teˇsaˬloˇni 3:13

Khoernar-aq, aqdui-euq Sanqpaq Yeqsur Kali, aqyawf-euq tsawrshawr dawqtawvluf naeq-aer zafkale ngae, aqdui-euq Aqda Miqyaer-euq maeqshi nuima shawrjaevni, aerkhar maqza-aer, aqyawf, nawmaf-euq nuima-anr bi ziflaf taef-a.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.