Piˇliˇpiˆ 3:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, aqdui-aq, mqtav-euq mirkhanqzaq pyeuf-awr, Kakhof-eu ghaq Sanqpaq Yeqsur Kali-anr nuima keuv duidui-eu lafkhoer dawqluf-eu ma.

Akha

²⁰ Aˬ dui-aˬ, mˬ taˆ miˇ kʼahˬ zaˬ deuˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li mˬ kʼoeˇ taˆ neh zaꞈ ka le gaˇ nui ma keuˆ-awˇ dawˬ luꞈ-eu tsawˇ haˬ deuˬ ma.

Piˇliˇpiˆ 3:20 Referans Kwoze

Eˇpeˇsu 2:19

Khoermirnae, nawmaf-aq, yawqkhanq yawqmir yawq-euq tsawrhaq hawr-eu, maqsiq maqsux-eu tsawrhaq maqpar ngeur mae. Tsawrshawr deuq naeq-aer mirkhanq tiq khanq-euq tsawrhaq hawr-eu, Miqyaer-euq nymrkhanq-euq zaq pyeuflar-euq mae.

2 Gawˇliˬtu 4:18

Khoermirnae, nga’maf-aq, mawrlar-eu jeq-anr hawluf-eu maqngeur. Aerkhawf, maq mawrlar-eu jeq-anr hawluf-eu ma. Aqjeq mirnae aernar-aq, mawrlar-eu jeq-aq, tiqkhaeq larkhaeq taef-aer jav-awr, maq mawrlar-eu jeq-aq, mqmaq maqbyav yarzir gmq-eu mae.

HeˬByehˇ 12:22

Aerkhawf, nawmaf-aq, Ziroq gawqjawq hawr-eu daefluf-eu Miqyaer-euq meuq-anr larkeuv-euq mae. Meuq heumeuq-aq, mqtav-euq Yeqlursaqlaeq pyeuf-awr, heugar maq guijir coerni myaq-eu mqtav ghaqkhaer deuq uiqlarduq pyeuf-eu mae.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

Eˇpeˇsu 2:6

Miqyaer, aqdui-anr Kali naeq-aer tiqkawv lof-aer bi ghofdaef lar-awr, Yeqsur Kali-euq lafkhoer, mq-euq khoertav aqyawf naeq-aer tiqkawv lof-aer binuir naeqlaf-euq mae.

2 Gawˇliˬtu 5:8

Aqdui yawduqbaw ma. Mawrdo heu-anr ghawqmawf-awr, Sanqpaq Miqyaer naeq-aer jawrler mawfdzaeq mir-a.

2 Tiˆmoˇseˬ 4:8

Nymq-mr tsaq-awr dawr-eu uqdzanq ngaq-euq gharduq laeqhmq taq-euq mae. Arnan khoernan keuvle ngae, tsaq-awr dawr-eu lafkhoer yarkhaq dar-eu ghaq pyeuf-eu Sanqpaq Yeqsur-aq, uqkhov khoersiq ngaq-anr bifnaeqlaf taef-a. Ngaq-anr taef-aer maqngeur-eu aqyawf zafka le-eu gar gaq-eu tsawrhaq yawqghaq navluf-anr khawf bifnaeq taef-a.

1 Teˇsaˬloˇni 1:10

Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

Gaˬlaˬtiˆ 4:26

Aerkhawf, mqtav jav-eu Yeqlursaqlaeq-aq, nymrsanr aqma ghaq mae. Aqyawf-aq, aqdui, yawqghaq navluf-euq aqma mae.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

1 Gawˇliˬtu 1:7

Khoermirnae, aqdui-euq Sanqpaq Yeqsur Kali ghofle-eu gar nuima keuv-awr dawqluf ngae, nawmaf-euq lafkhoer lafsawq tiqjeq-iq maqteq-a.

Gʼaˬkʼehˇ 1:11

Aqyawfnyaf aer-eu, “Gaqliqlaer tsawrhaq deuq-or! Nawmaf aqjeq mirnae yawf-awr mq-anr hawluf-eu le? Nawmaf-anr nae mq-anr bi sheuqdav lef-euq Yeqsur heughaq-aq, aqyawf mq-anr bi sheuqdav lef-eu gar nawmaf nae ya’mawr-euq lof-aer, aqyawf tiq pov par zafka le-eu mae.”

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

1 Teˇsaˬloˇni 4:16

Aqjeq mirnae aernar-aq, Sanqpaq Yeqsur, mq-euq khoertav nae zafkale ngae, dawq bif-eu tersar gurdov lef-awr, mqtav ghaqkhaer yawhuiq ghaq-euq tersar hawr-eu Miqyaer-euq darhae tersar manrdovlef taef-a. Khoerngae, Kali-euq lafkhoer shir-euq deuq jeqhu ghofdaeflar taef-a.

Luˇkaꞈ 14:14

Khoerdeuq-anr kur nar-aq, nawr guiqlanq za taef-a. Aqjeq mirnae aernar-aq, aqyawfmaf, nawq-anr guiqlanq maq janrkhof naeqlaf nya-a. Tsaq-awr dawr-eu tsawrhaq ghofdaef lar-eu aryamq keuvlar ngae, nawr guiqlanq za taef-a.”

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Dawqdaq 15:24

Daef-eu jeq bif-eu cankawv-aq, tsawrganr anr-eu tsawrhaq-anr laftav paw sheuqdav lef-eu mae. Khoer-aq, aqyawf-anr lafov paw jav-eu shir-eu mirkhanq-anr sheuqjaw-eu gharduq mae.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

Jaceuq 16:11

Nawr, ngaq-anr daef-eu jeq bif-eu garma toeqmaeq naeqlaf-euq mae; Nawq-euq maeqshi laqkhaq caer-eu jeq byan-awr; Nawq-euq armar laf-anr, mqmaq maqbyav yarzir lurgha caergha-eu jeq jav-eu mae.

Luˇkaꞈ 12:21

“Yawqha-euq gharduq pyurshuir myawqganq povuiq taq-euq khawf, Miqyaer-euq maeqshi smrmuiq maqmuiq-eu tsawrhaq lof-aer dur-eu mae.”

1 Gawˇliˬtu 15:48

Mirtsaq-anr taf-eu tsawrhaq-aq, mirtsaq-euq shaqjaev-anr nae pyeufdov lar-euq ghaq-anr dur-eu mae. Mq-anr taf-eu tsawrhaq-aq, mq-anr nae oe-euq ghaq-anr dur-eu mae.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.