Piˇliˇpiˆ 3:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqyawf maf-euq uqmav-aq, aqyawf maf-euq miqyaer pyeuf-awr, aqyawf maf-euq khanqsaer-aq, shafdawr paq-aer ghae-eu jeq-euq lafkhoer jav-eu uqtaf, aqyawf maf-euq nuinoeq-aq, mirtsaq-anr taf-eu jeq-anr sharnoeq-eu mirnae, arsaq saqlar ngae-aq, aqyawfmaf yacawv-ir taef-a.

Akha

¹⁹ Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

Piˇliˇpiˆ 3:19 Referans Kwoze

Lormav 16:18

Aqjeq mirnae aernar-aq, khoerlof-aer ghae-eu tsawrhaq deuq-aq, aqdui-euq Sanqpaq Yeqsur Kali-euq gar maqmr-aer, yawqha-euq uqmav-euq gharduq taef-aer mr-eu mae. Aqyawf maf-aq, narhaq muiq-eu dawq hawr-eu jaceuq-eu dawq nae, maqdzaw-euq tsawrhaq-anr shuirtawv-eu mae.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

Gawˇlawˇsehˇ 3:2

Nawmaf-euq nuinoeq, mirtsaq-euq khoertav jav-eu jeq-anr maqngeur-eu, mq-euq khoertav jav-eu jeq-anr noeqtsov taq-awq.

2 Beˬtuˆluˆ 2:1

Aerkhawf, tsawrhaq-euq ghanrcae, Miqyaer gharduq ngaeqdan-eu jaqmyawf deuq jawr-awr, nawmaf-euq ghanrcae khawf, maeqzaq jaqmyawf deuq dovlar taef-a. Aqyawfmaf lavcawv-eu janbanq janlaeq-eu jeq yuranrkhoeq laf-awr, aqyawf maf-anr zeurkhof-euq Sanqpaq-anr khawf “Maqsiq” laer pyaer taef-a. Khoermirnae, aqyawf maf-euq khoertav cawv-ir-eu jeq yawkawr-aer keuvleni yawqhar yawqha janr-eu mae.

2 Gawˇliˬtu 11:15

Khoermirnae, aqyawf-euq ghaqzaq ghaqkhaer deuq khawf, tsaq-awr dawr-eu kuirlaf zaqkhav janrgeuf-eu gar zanqlerkhar maqza-a. Aqyawfmaf nae kharmr-euq lof-aer arsaqsaq ngae aqyawfmaf yadaq taef-a.

2 Gawˇliˬtu 11:12

Ngar aqjox-aer janr-eu tsaq la. Tsawrhaq khoerdeuq, nga’maf kharmr-eu jeq mrluf-eu ma laer aeraer-aer, khanqsaer jaev-eu laer laejae luf-eu gar lavtsoeq-eu gharduq, nymq-mr ngar khar mrluf-eu lof-aer maeqhu paw khawf mrdavlef ma.

2 Beˬtuˆluˆ 2:13

Aqyawfmaf nan’ghanr nan’gav-aer dzaqyaef dawryaef-awr, lurgha caergha-eu tsaq mae laer sharnoeq-eu mirnae, maqtsaq maqdawr-eu jeq mr-euq ghaqgarpoeq za taef-a. Aqyawf maf-aq, marbyawf baw-awr maqshawr-eu uqtaf, nawmaf naeq-aer yawbuibui ngae, yawqha-euq jaqmyawf maershuir-euq lafkhoer dzaqyaef dawryaef-eu mae.

Gaˬlaˬtiˆ 6:13

Aqdir aernar-aq, aqyawfmaf bawkhov maeqdzaq yaeq-euq khawf, zanrdawq-euq maeqnan maq cantae-a. Aerkhawf, nawmaf bawkhov maeqdzaq yaeq-euq mirnae, aqyawfmaf khanqsaer jaevkhar zalarni, nawmaf-anr bawkhov maeqdzaq bi yaeqmawf-eu taef mae.

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

1 Gawˇliˬtu 3:3

Nawmaf-aq, shiqshaq paw-euq tsawrhaq lof-aer daefluf nga siq. Nawmaf tiqghaq tirghaq myavnav nav-awr, iqdaeq iqcae dovluf-eu uqtaf, nawmaf-euq yawkaq armaf birpav luf-eu nga. Khoerlof-aer janr-eu-aq, nawmaf, shiqshaq paw-euq tsawrhaq lof-aer pyeuf-awr, tsawrhaqzaq lof-aer taef-aer daefluf-eu maqngeur le laq?

Jaceuq 17:14

Ya’we Miqyaer-or! Nawq-euq aqlaf nae Heulof-aer ghae-eu tsawrhaqzaq, heuzir-euq lafkhoer shaqbymr za-euq mirtsaqzaq-anr nae bibuq-ir naeqlaf-awq. Nawq nae aqyawf maf-euq uqmav-anr pyurshuir myawqganq tiqbyanni shardawv naeq-awr, Aqyawfmaf, yawqha-euq zaqdeuq-anr nuikhanr shir-eu uqtaf, Aqyawf maf-euq zaq-euq gharduq myawqganq zanqnaeq yaf-euq mae.

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.

Yuˇdaˆ 1:16

Tsawrhaq heudeuq-aq, dawqghof dovcoer-awr, aqgeu jeq-anr khawf aerkhar za-eu uqtaf, yawqha kharnoeq kharlov-eu lof-aer daef-eu tsawrhaq mae. Aqyawfmaf dawqma ngaeq-awr jasae-eu lafkhoer khanqsaer jaev-awr, yawqha-anr muiqni aqcawq-anr jaceuq-eu tsawrhaq mae.

2 Tiˆmoˇseˬ 3:4

yawqha-euq cawq-anr anqdzaq-eu, kharnoeq khar lovlar-eu jeq mr-eu, nuima huiq-eu, Miqyaer-anr maqgaq-aer lurgha caergha-eu jeq-anr gaq-eu tsawrhaq pyeuflar taef-a.

1 Tiˆmoˇseˬ 6:5

Khoeruqtaf, sharnoeq sharsawx nya-eu nuima cawv-ir-awr, yawtsaq yawdawr jeq maqpar anr-eu tsawrhaq deuq-euq yawkaq, tsawrpyaer pyaer-eu jeq bi dovlar-eu mae. Aqyawfmaf, Miqyaer-anr yawzeu baw-eu jeq-aq, jirjeuq jeuqlar taef-a laer noeqtaq-euq mae. Nawr khoerlof-aer ghae-eu tsawrhaq-anr garjaw jaw-awq.

2 Teˇsaˬloˇni 2:12

yawtsaq yawdawr-anr maqjan-aer, maqtsaq maqdawr-eu jeq-anr nuikhanr shir-eu tsawrhaq dawqtawv luf-anr yarkhaqdar taef-a.

Piˇliˇpiˆ 2:21

Tiqghaq-iq Yeqsur Kali-euq gharduq maq sharnoeq-aer, yawqghaq navluf yawqha-euq gharduq taef-aer povluf-eu mae.

1 Gawˇliˬtu 5:6

Nawmaf khanqsaer jaev-eu maqtsaq-a. Daeqtseq uicuiv taef khawf, kaqmur tiq siq siqlanni-anr bi poqlar nya-eu mae laer nawmaf maq siqnya-eu le lor?

1 Gawˇliˬtu 5:2

Khoerlof-aer mrluf-eu tsawrhaq-anr nawmaf-euq lafkhoer nae taedov-eu gharduq, dawqkawq kawqkawq-aer tsawrngoer ngoer paq-aer ghae-eu khawf, nawmaf nuima huiqhuiq-aer parjawr nya-eu nga.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Yaˬkoˆ 4:16

Aerkhawf, nymq-mr nawmaf nuima huiq-awr, khanqsaer jaevluf-eu mae. Khanqsaer jaev-eu dawqtawvluf yawdoer mae.

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

Luˇkaꞈ 18:4

Yarkhaq dar-eu heughaq maq darnaeqni tiqkhaeq jawr-euq mae. Khoernar-aq, aqyawf-euq nuima-euq lafkhoer heulof-aer noeq-eu mae, ‘Ngar-aq, Miqyaer-anr maqguv-aer, tsawrhaq-anr yawzeu maqbaw-eu khawf,

Luˇkaꞈ 16:19

“Smrmuiq smrbaw tiq ghaq jawr-eu mae. Aqyawf nerpuir puir-eu maeqtsoeq hawr-eu sheqsha maeqtsoeq dm-awr, yawqnan navluf byaeqlaeq shaevdae-aer yawbui builuf-eu mae.

Luˇkaꞈ 12:19

Khoernar-aq, ngar, ngaq-euq saflar-anr heulof-aer aernaeq ma, “Ngaq-euq nuima-or! Nawr-aq, ghawqmya khof-euq gharduq myawqganq ghawqmya’ni povuiq taq-euq mae. Sarlaevni daef-awr, tiqdaev dzaq, tiqdaev dawrdawr-aer laqkhaq caertavni daef-awq.” ’

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Maꞈtehˬ 16:23

Khoerngae, Yeqsur nanrghof ghofhaw-awr Beqtuvluv-anr aernaeq-eu, “Naef Saqdaq-or! Ngaq-euq narkhan paw caev-awq. Nawr, ngaq-anr sanqtif bitif-eu laer ghae-eu nga. Aqjeq mirnae aernar-aq, nawq-euq nuinoeq-aq, Miqyaer-euq nuinoeq maqngeur-eu, tsawrhaq-euq nuinoeq sharnoeq luf-eu nga.”

Jaceuq 52:1

Baoq huiq-eu tsawrhaq-or! Nawr aqjeq ghae-eu yawdoer jeq-anr khanqsaer jaev-eu le? Miqyaer-euq yawmuiq-aq, li-eu maqbawni zif-eu mae.

Panmaeq 18:7

Aqyawf yawqhar yawqha taqhuiq taqmanr-awr, byaeqlaeq shaevdae-aer daef-euq lof-aer, Aqyawf-euq khoertav khaeq-awr khav-eu jeq hawr-eu noeqshaq-eu jeq bi keuvle-awq. Aqjeq mirnae aernar-aq, nuima-euq lafkhoer aqyawf aer-eu, ‘Ngar-aq, miqcoeq miqma maqngeur, sanqpaqma geuf-awr nuirluf-eu ma. Noeqshaq-eu jeq, ngaq-anr tiqjawr-iq maq keuvlar-ar.’

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Lormav 6:21

Nawmaf khoerlof-aer mrluf ngae aqjeq za-euq le? Khoerlof-aer mr-euq mirnae, nymq-mr nawmaf shafdawr-eu mae. Aqjeq mirnae aernar-aq, khoer-euq arsaq saqduq-aq yashir-eu mae.

2 Teˇsaˬloˇni 1:9

Tsawrhaq khoerdeuq-aq, Sanqpaq Miqyaer-euq maeqshi hawr-eu aqyawf-euq baoq yawshaef khanqsaer-anr nae yaghawq-ir-awr, mqmaq maqbyav yarzir yacawv-ir taef-a.

Yuˇdaˆ 1:10

Aerkhawf, tsawrhaq heudeuq-aq, aqyawfmaf maq siqnya-eu garkawv dawqdoer ngaeq-eu mae. Aqyawf maf-aq, tiqjeq-iq maq sharnoeq nya-eu bawrtsanq-euq jeqzaq siqnya-eu lovni taef-aer, yawqha siqnya-eu jeq-euq lafkhoer, yawqhar yawqha lavcawv luf-eu mae.