Piˇliˇpiˆ 3:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqjeq mirnae aernar-aq, dzeurlaf ngae, khoerdeuq-euq garkawv, ngar, nawmaf-anr ghawqmya pov aernaeq-euq ma. Nymq-mr khawf myavbir dovdov-aer tiq pov par aernaeq nyar. Aqyawf maf-aq, Kali-euq lafyaq-anr muir-eu tsawrhaq mae.

Akha

¹⁸ Ngaˇ naw maꞈ-ahˇ gʼawˬ mya poˆ ehˇ dzeuˇ-euˬ dawˬ kʼoeˇ dawˬ-ahˇ, nymˬ-mˇ myaˆ biˇ doˆ-eu laꞈ kʼoeˇ tiˬ poˆ paˇ ehˇ poˆ-eu ma. Tsawˇ haˬ gʼawˬ mya gʼaˬ, Ka li kamˇ shiˇ-euˬ laꞈ yaꞈ-ahˇ muiˇ-eu jeˬ-ehˇ yaw dehꞈ dehꞈ luꞈ meh lehˇ ngaˇ paˇ ehˇ poˆ-eu ma.

Piˇliˇpiˆ 3:18 Referans Kwoze

Eˇpeˇsu 4:17

Khoermirnae, ngar, Sanqpaq Miqyaer-euq maeqshi sarkir kamq-eu lafkhoer nawmaf-anr aer-eu ma. Nawmaf, aqcawq tsawrjeuq tsawrca daef-eu lof-aer taqpar daef. Aqyawf maf-euq nuinoeq nuidur-aq, tiqjeq-iq gardanr maqtsoeq-a.

Gaˬlaˬtiˆ 6:12

Shiqshaq-euq lafkhoer yawmuiq janrgeuf mawf-awr tsawrhaq khoerdeuq, nawmaf-anr bawkhov maeqdzaq yaeq laer katir lar-eu khoer-aq, aqyawfmaf, Kali-euq lafyaq-euq baqda’nae khaeq-awr khav-eu gar maqya daqni janr-eu taef mae.

Gaˬlaˬtiˆ 2:14

Ngar, aqyawfmaf, guiqlanq dawq-euq yawtsaq yawdawr-euq maeqnan dawrcoeni maq cantae-eu gar ya’mawr ngae, aqyawfmaf dawqtawv luf-euq maeqshi Beqtuvluv-anr heulof-aer aernaeq-euq ma, “Nawr, Yurdav tsawrhaq pyeuf-eu khawf, Yurdav tsawrhaq lof-aer maqdaef-aer, aqcawq tsawrjeuq tsawrca lof-aer daef-eu gar nae, aqjeq mirnae, aqcawq tsawrjeuq tsawrca, Yurdav tsawrhaq lof-aer yadaef-eu mae laer katir-eu le?”

Gaˬlaˬtiˆ 1:7

Aqdir aernar-aq, guiqlanqdawq yawqdawqyawq maqjav-a. Aerkhawf, tsawrhaq tiqghaqnav, nawmaf-anr yawbanq yawlanr-aer bipyeuf-ir-awr, Kali-euq guiqlanq dawq-anr yurpyawv mawf-eu mae.

2 Beˬtuˆluˆ 2:10

Aqcawq-anr navmaqtser, aryaq-euq uqmov maq jawrmawf-aer, jawflafni ghae-eu shiqshaq-euq nuikhanr-euq maeqnan cantae-eu tsawrhaq-anr khaeqnaeq khavnaeq taef-a. Tsawrhaq heudeuq-aq, nuima huiq-awr yawqha-euq nuikhanr taef-aer geuf-eu mae. Aqyawfmaf, khanqsaer jav-eu deuq-anr khawf maqguvni dawqdoer ngaeq-eu mae.

1 Teˇsaˬloˇni 4:6

Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

Piˇliˇpiˆ 1:4

Ngar, nawmaf yawqghaq navluf-euq gharduq guiqlanq kharshar ngae, laqkhaq caertavni sharluf-eu ma.

Gaˬlaˬtiˆ 5:21

maerjuir juir-eu, tsawrhaq lavsaef-eu, dzaqyaef dawryaef-eu, byaeqlaeq shaevdae-aer yawbui bui-eu hawr-eu heulof-aer ghae-eu deuq mrdov laf-eu mae. Heulof-aer ghae-eu deuq mr-eu tsawrhaq-aq, Miqyaer uvlanr-eu lafkhoer maqya urler-a laer arhu ngar, nawmaf-anr aernaeq-awr, nymq-mr khawf par aernaeq-eu ma.

Gaˬlaˬtiˆ 2:21

Ngar, Miqyaer-euq guiqlanq-anr maq byaerdzae. Zanrdawq-euq baqda’nae tsaq-awr dawr-eu tsawrhaq pyeuflarnya lawnmr-aq, Kali shir-euq-aq, yawqngaef mae.”

2 Gawˇliˬtu 11:29

Tsawrhaq tiqghaqnav ghaqbaqbaq nar-aq, ngar khawf ghaq maqbaq-a lor? Tsawrhaq tiqghaq nav-anr sanqtif bitif nar-aq, ngar nuima maqpaer-ar laq?

2 Gawˇliˬtu 11:13

Tsawrhaq khoerdeuq-aq, ghaqkhaer janrgeuf-eu deuq mae. Aqyawf maf-aq, Kali-euq ghaqkhaer deuq lof-aer janrgeuf-awr, jaqmyawf maershuir-euq gar mr-eu tsawrhaq mae.

2 Gawˇliˬtu 2:4

Dzeurlaf ngae, ngar nuima-euq lafkhoer shaqzanq mr duidui-awr, khanqlanr duidui-eu lafkhoer, myavbir juju-aer nawmaf-anr sanqbof khoer bofanr lef-euq ma. Nawmaf-anr bi noeqshaq-eu laer bofanr lef-euq maqngeur, ngar, nawmaf-anr gaq duidui ngar-a laer nawmaf yasiqni bofanr lef-euq ma.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

1 Gawˇliˬtu 1:18

Aqjeq mirnae aernar-aq, lafyaq-euq garkawv-aq, cawv-ir luf-eu tsawrhaq-euq gharduq-aq, zaqsiq tsawrganr maqanr-eu dawq pyeuf-eu mae. Aerkhawf, kakhof-eu jeq zaluf-eu aqdui-euq gharduq-aq, Miqyaer-euq baoq pyeuf-eu mae.

Lormav 9:2

Ngar noeqshaq duidui-awr, aqmyanluf nuima ghawqshaq-aer ghaeluf mir-a.

Luˇkaꞈ 19:41

Khoerngae, Yeqsur, Yeqlursaqlaeq-euq dawqpae lekeuv-awr, meuq-anr ya’mawr ngae, khoermeuq-euq gharduq tsawrngoer ngoerngoer-aer heulof-aer aer-eu mae:

Yuˇdaˆ 1:13

Aqyawf maf-aq, iqmalavshav-euq lafkhoer irluv dzae duidui-awr, buirmeuf bi meuflar-eu lof-aer yawqha-euq shafdawr-eu jeq-anr bi dovlar-eu mae. Aqyawf maf-aq, yawqha-euq garma-anr maqcan-eu aqguir lof-aer dur-awr, aqyawf maf-euq gharduq, li-eu maqbawni zanr duidui-eu yawzanr laeqhmq taq-euq mae.

2 Teˇsaˬloˇni 3:11

Aqjeq mirnae aernar-aq, nawmaf-euq lafkhoer, tsawrhaq tiqpavnav deuq-aq yawdoer doer-awr, tiqjeq-iq maqmr-aer, aqcawq kharngeur-eu jeq mr-eu gar lavbanq luf-eu mae jer laer, nga’maf yagaq-euq ma.

Gʼaˬkʼehˇ 20:19

Ngar nuima nanqyuni tiqbyan tiqlof taq-awr, myavbir ghawqmya’ni dovdov-aer Sanqpaq Yeqsur-euq gar mr-euq ma. Yurdav tsawrhaq, ngaq-anr yawdoer janr-eu laer jawqluf-eu mirnae, shaqzanq ghawqmya jeq-anr yadaq-euq gar khawf nawmaf siqnya-eu mae.

Jaceuq 119:136

Tsawrhaqzaq, nawq-euq zanrdawq-anr maq daefcaw-eu mirnae, Ngaq-euq myavnuiv-anr nae myavbir lawrgawv yoerluf-eu mae.

Gaˬlaˬtiˆ 6:14

Aerkhawf, ngar lawnmr-aq, aqdui-euq Sanqpaq Yeqsur Kali-euq lafyaq-anr taef-aer nuima huiq-awr, nuijeq tiqjeq-anr-iq nuima maqhuiq. Aqyawf-euq baqda’nae, mirtsaq heu-aq, ngaq-euq gharduq lafyaq-euq khoertav taftaeq dzeur-awr, ngar khawf, mirtsaq-euq gharduq-aq, lafyaq-euq khoertav bi tafsaef dzeur-euq ma.