Piˇliˇpiˆ 3:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar zadzeur-euq ma laer aer-eu maqngeur. Nymq-mr ngar byanlar-euq ma laer aer-eu khawf maqngeur. Yeqsur Kali, ngaq-anr nyaeftaeq taq-euq lof-aer, ngar khawf byan-eu jeq-anr nyaefza nya’ni laejae-eu lafkhoer taeluf-eu ma.

Akha

¹² Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

Piˇliˇpiˆ 3:12 Referans Kwoze

Jaceuq 138:8

Ngaq-anr taf-eu garkawv deuq-aq, Ya’we Miqyaer mrbyan taef-a. Ya’we Miqyaer-or! Nawq-euq ghawqshaq gaq-euq jeq mqmaq maqbyav yarzir zif-eu mae. Nawq-euq aqlaf-euq gardeuq-anr taq ngaerbyov naeqlaf.

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Piˇliˇpiˆ 3:16

Aqjox-aer law-awr khawf, aqdui nuima tiqgar taf-awr, aqdui aqgeu tiv-anr zataq-euq ngeur nar-aq, khoertiv-anr geuxni daef kar-eur.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

Yaˬkoˆ 3:2

Aqdui yawqghaq navluf, ghawqmya jeq-anr sanqtif tifnya mir-a. Aerkhawf, dawq maq ngaeqbanq maq ngaeqlaeq-eu tsawrhaq-aq, byan-eu tsawrhaq pyeuf-awr, yawqha-euq mawrdo dawqtawv luf-anr ghaqler nya-eu maeqkawf dawvtaq-euq tsawrhaq mae.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

Gaˬlaˬtiˆ 5:17

Aqjeq mirnae aernar-aq, shiqshaq-euq nuikhanr-aq, muiq-eu Saflar-anr lavtsoeq-awr, muiq-eu Saflar khawf, shiqshaq-euq nuikhanr-anr lavtsoeq-eu mae. Nawmaf mrmawf-eu jeq maq mrnya’ni, heu nyiq jeqluf tiqjeq tirjeq muir-eu mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

Eˇpeˇsu 4:12

Heu-aq, tsawrshawr deuq-anr maeqbym-awr, guiqlanq-euq gar mr-eu mirnae, Kali-euq mawrdo bihuiq bi manrlar-eu gharduq bifnaeq laf-euq mae.

2 Gawˇliˬtu 13:9

Nga’maf ghaqbaqbaq ngae, nawmaf ghaq khav-eu mirnae, nga’maf laqkhaqcaer mir-a. Nawmaf kuflar byanlarni khawf, nga’maf guiqlanq sharluf-eu ma.

1 Gawˇliˬtu 13:10

Aerkhawf, byan-eu jeq keuvle ngae, maqbyan-eu jeq byov-ir taef-a.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Jaceuq 119:5

Or-oq, ngar, nawq-euq zanrtaq khoftaq-anr mrcaw nya’ni, Ngaq-euq garma zifdanni lavzif naeqlaf-awq.

Jaceuq 84:2

Ya’we Miqyaer-euq nymr-euq povka jawrler mawfsaef-awr, Ngaq-euq nuima saflar ngeurdzaeq myafler paq-aer ghae nya. Ngaq-euq nuima hawr-eu shiqshaq, Daefluf-eu Miqyaer-anr kurluf-eu ma.

Jaceuq 63:8

Ngaq-euq nuima saflar, nawq-euq narkhan dawqpae taeqni cantae luf-eu ma; Nawq-euq armar laf, ngaq-anr nyaeftaeq luf-eu mae.

1 Teˇsaˬloˇni 5:15

Nawmaf, aqgeu ghaq maqkaq, aqcawq yawdoer jeq janrlar khawf, yawdoer jeq taq janrkhofnaeq. Nawmaf aqmyanluf laejae-awr tiqghaq tirghaq hawr-eu yawqghaq navluf-anr yawmuiq jeq taef-aer janrnaeq-awq.

1 Tiˆmoˇseˬ 6:19

Heulof-aer janr-eu-aq, aqyawfmaf mqmaq maqbyav yarzir daef-eu jeq-anr nyaefza’ni, aqkar karzir-euq gharduq muiq-eu dawqpaeq pyeuf-eu, pyurshuir myawqganq povuiq taq-eu jeq pyeuf-eu mae.

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

Jaceuq 94:15

Yarkhaq dar-eu jeq, tsaq-awr dawr-eu jeq-anr ghofkhof-ir-awr; Nuima-euq lafkhoer dawrcoeni ghae-eu tsawrhaq dawqtawvluf cantae taef-a.

HeˬByehˇ 12:23

Mq-euq khoertav bofanr taq-euq huqbaw zaqyo deuq-euq Kalizaq armur uiqlar duq-anr larkeuv-euq mae. Tsawrhaqzaq yawqghaq navluf-anr yarkhaq dar-eu Miqyaer hawr-eu, bi byanlar-euq tsaq-awr dawr-eu tsawrhaq-euq saflar khawf jawr-eu mae.

Jaceuq 42:1

Khaqtsaev ircuf lawrgawv-anr nuikhanr jav-eu lof-aer, Miqyaer-or! Ngaq-euq nuima saflar khawf, nawq-anr nuikhanr jav-eu ma.

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

Lormav 8:39

yawgor jeq, yawnaf jeq, khar baetaq-euq aqgeu jeq maqkaq, aqdui-euq Sanqpaq Yeqsur Kali-euq lafkhoer anr-eu, Miqyaer, aqdui-anr gaq-eu jeq-anr nae maq lavghawqlar nya-a.

1 Gawˇliˬtu 9:24

Caevcae cae ngae, yawqghaq navluf caev-eu khawf, tiq ghaq taef-aer lafsawq za-eu mae laer nawmaf maq siqnya-eu le lor? Nawmaf khawf, lafsawq khoer-anr za’ni caevcae cae-awq.

1 Gawˇliˬtu 13:12

Nymq-mr aqdui-aq, maq mawrshawr lar-eu pyawqhaw-anr hawluf-eu gar dur-eu mae. Aerkhawf tiqnan-aq, myavpyawq dzoer-awr ya mawrduq taef-a. Nymq-mr ngar siqnya-eu maqbyan-a. Aerkhawf, khoerngae nan keuvlar nar-aq, Miqyaer, ngaq-anr siqnya-eu lof-aer, ngar khawf tiqbyanni siqnyalar taef-a.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.