Piˇliˇpiˆ 3:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, Kali hawr-eu aqyawf ghofdaef lar-euq baoq-anr siqnya mawf-awr, aqyawf-euq shaqzanq-anr daqcaw mawf-eu uqtaf, aqyawf shir-euq lof-aer shirmawf mir-a.

Akha

¹⁰ Ngaˇ geuꞈ mawꞈ-eu jeˬ-aˬ, Ka li-ahˇ siˬ nya-awˇ gʼoꞈ dehꞈ laˇ-euˬ Ka li neh mˇ yaꞈ-euˬ jeˬ-ahˇ mˇ nya laˇ mawꞈ-eu tiˬ jeˬ, aˬ yawꞈ kʼaˇ ya daˬ-euˬ loꞈ-ehˇ daˬ-awˇ aˬ yawꞈ kʼaˇ shiˇ-euˬ loꞈ-ehˇ shiˇ mawꞈ-eu tiˬ jeˬ,

Piˇliˇpiˆ 3:10 Referans Kwoze

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

1 Yoˇhaˬ 2:3

Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.

Gawˇlawˇsehˇ 3:1

Nawmaf aqdir Kali naeq-aer tiqkawv lof-aer ghofdaef lar-euq ngeur nar-aq, yawgor-anr jav-eu jeq-anr sharpov-eu tsaq mae. Kali-aq, khoergar Miqyaer-euq armar paw nuirluf-eu mae.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

2 Gawˇliˬtu 1:5

Kali yadaq-euq shaqzanq deuq aqdui-euq lafkhoer ghawqmya’ni jav-eu lof-aer, Kali-euq baqda’nae nuima sarlar-eu jeq khawf ghawqmya’ni jav-eu mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

2 Gawˇliˬtu 13:4

Aqyawf, ghaq baq-eu lafkhoer lafyaq-euq khoertav bi tafsaef-euq mae. Aerkhawf, Miqyaer-euq baoq baqda’nae daefluf-eu mae. Nga’maf khawf, aqyawf-euq lafkhoer ghaq baq-eu tsawrhaq ma. Aerkhawf, Miqyaer-euq baoq baqda’nae, nawmaf-euq gharduq nga’maf, Kali naeq-aer yadaef taef-a.

1 Yoˇhaˬ 2:5

Aerkhawf, Sanqpaq Miqyaer-euq dawq khar narhaq geuf-eu tsawrhaq-aq, Miqyaer-anr gaq-eu jeq aqyawf-euq lafkhoer aqdir byanlar-euq mae. Heu-euq baqda’nae, aqdui, aqyawf-euq lafkhoer jawrluf ma laer siqlar-eu ma.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Lormav 8:29

Aqjeq mirnae aernar-aq, aqyawfmaf, aqyawf-euq Zaqyo-euq shaevdzeuf anrlarni, yawbae ngae nae Miqyaer siqnya-awr tserdov taq-euq mae. Maernmr ghawqmya ghaq-anr nae, aqyawf-euq Zaqyo-anr huqbaw zaqyo ghaq bigeuf-eu laer Miqyaer khoerlof-aer janr-euq mae.

Panmaeq 1:18

Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.

Gawˇlawˇsehˇ 2:13

Dzeurlaf ngae, nawmaf-aq, mrbanq lavbanq-eu lafkhoer hawr-eu shiqshaq paw bawkhov maeqdzaq maqyaeq-euq lafkhoer, shir-euq tsawrhaq pyeuf-eu khawf, Miqyaer, nawmaf-anr Kali naeq-aer tiqkawv lof-aer yawdaef bi daeflar-awr, nawmaf nae mrbanq lavbanq-euq dawqtawv luf-anr pyaeqnaeq jir-euq mae.

Eˇpeˇsu 4:13

Aqdui dawqtawvluf, Miqyaer-euq Zaqyo-anr siqnya-eu tsawrganr hawr-eu jan-eu jeq-euq lafkhoer nuima tiqsiq taef-aer taqnya lar-awr, aerkhar maqza-eu tsawrhaq pyeuflar-eu uqtaf, Kali byan-eu lof-aer byanlar ngae keuvni mr-eu gharduq mae.

2 Gawˇliˬtu 1:10

Aqyawf-aq, khoernavni khav-eu shir-eu jeq-euq lafkhoer nga’maf-anr bibuq-ir naeqlaf-awr, nymq-mr khawf bibuq-ir naeqlaf luf-eu uqtaf, aqkar khawf parbi buq-ir naeqlaf taef-a laer nga’maf, aqyawf-anr noeqtmq luf-eu ma.

Yoˇhaˬ 10:18

Ngaq-anr tiqghaq-iq maq lavsaef nya-a. Aerkhawf, ngar, yawqha yawqha shirdan-eu ma. Ngar shirdan-eu baoq jav-awr, ngar ghofdaef lar-eu baoq khawf jav-eu ma. Biftaq-euq dawq heudawq-aq, ngar, ngaqDa-anr nae za-euq ma.”

Maꞈtehˬ 20:23

Yeqsur, aqyawf nyaf-anr aernaeq-eu, “Nawnyaf, ngaq nae dawr-euq khmqmaq, aqdir yadawr-awr, ngaq nae hageuf-euq bartirsaq-anr khawf nawnyaf ya hageuf taef-a. Aerkhawf, ngaq-euq arcar paw hawr-eu armar paw ya’nuirni ngar bifnya-eu maqngeur. Nuirduq khoer-aq, ngaqDa nae aqsur ghaq-euq gharduq laeqhmq taq-euq nar-aq, khoerghaq ya’nuir-eu mae.”

Lormav 8:36

Yaerbof-euq lafkhoer boftaq-euq lof-aer, “Nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.” (Jc 44:22)

Gaˬlaˬtiˆ 6:17

Iqnan tafnar-aq, tsawrhaq tiqghaq-iq ngaq-anr taq banqghalar. Aqjeq mirnae aernar-aq, ngaq-euq mawrdo-anr Sanqpaq Yeqsur nae tsaqtsov taq-euq marbyawf baw-eu ma.

2 Beˬtuˆluˆ 1:13

Ngar saeqghawv heu-euq lafkhoer kharjawr-eu khoerkeuvni, nawmaf-anr maqbi ngaerni, aernoeq-awr lavzor-eu tsaq taef-a laer ngar noeq-eu ma.