Piˇliˇpiˆ 2:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Aqjeq mirnae aernar-aq, nawmaf nae ngaq-anr maq cawba jirnya-euq jeq-anr cawba-eu gharduq, aqyawf-euq daefzir lawrnaeq-awr, shirtaw taeqni Kali-euq gar mr-euq mae.

Akha

³⁰ Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.

Piˇliˇpiˆ 2:30 Referans Kwoze

1 Gawˇliˬtu 16:17

Saqteqpaqna, Pawqdurnav hawr-eu Aqgaqyaqgur aqha’maf, ngar jawr-eu gar oe-euq mirnae, ngar laqkhaqcaer duidui nya. Aqjeq mirnae aernar-aq, nawmaf nae maq mrluiv-euq jeq-anr aqyawfmaf mrbyan naeqlaf-euq mae.

Piˇliˇpiˆ 4:10

Dzeurlaf ngae, nawmaf, ngaq-anr noeqkeuv-eu khawf cawba-eu aryamq maqza-aq. Aerkhawf, nymq-mr par noeqkeuv naeqlaf-eu mirnae, ngar, Sanqpaq Miqyaer-euq lafkhoer laqkhaqcaer duidui nya.

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Piˇliˇpiˆ 4:18

Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

2 Gawˇliˬtu 12:15

Ngar, nawmaf-anr gaq-eu myaqlarluf ngae, nawmaf, ngaq-anr gaq-eu cuiv-ir luf-eu khawf, nawmaf-euq nuima saflar gharduq, laqkhaq caertavni ngar jav-eu jeq zmq-awr, ngaq-euq mawrdo-anr khawf bizmq ma.

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

Piˇleˇmoˬ 1:13

Guiqlanqdawq baqda’nae, ngar kuv-anr urluf-eu yawkaq, aqyawf, nawq-euq danzar geuf-awr, ngaq-anr bi cawba-eu gharduq, ngaq naeq-aer bi jawrmawf-eu law mir-a.

Piˇliˇpiˆ 2:27

Aqdir aernar-aq, aqyawf shirtaw taeqni nar-euq mae. Aerkhawf, Miqyaer, aqyawf-anr ghawqshaq gaqnaeq-euq mae. Aqyawf-anr taef-aer ghawqshaq gaq-euq maqngeur-aer, ngar noeqshaq duidui luf-eu gar maqbi noeqshaq dzaeq-eu laer, ngaq-anr khawf ghawqshaq gaqnaeq laf-euq mae.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

1 Gawˇliˬtu 16:10

Tivmorseq, nawmaf jawr-eu gar lar nar-aq, aqyawf, nawmaf naeq-aer jawr ngae maqya guvni hawnaeq-awq. Aqjeq mirnae aernar-aq, aqyawf khawf, ngar lof-aer Sanqpaq Miqyaer-euq gar mr-eu mae.

1 Gawˇliˬtu 15:53

Buf-ir shov-ir nya-eu heu-anr, maqbuf maqshov-ir nya-eu jeq yadmdav-awr, shirnya-eu heu-anr, maq shirnya-eu jeq yadmdav taef-a.

Lormav 16:4

Ngaq-euq daefzir-euq gharduq, aqnyaf dzerzaq, yawqha-euq kawqlanr nae kamqpeuq-euq mae. Ngar taef-aer aqnyaf dzerzaq-anr jaceuq-eu maqngeur-a. Aqcawq tsawrjeuq tsawrca pyeuf-eu Kalizaq armur dawqtawvluf khawf jaceuq-eu mae.

2 Gawˇliˬtu 4:12

Khoermirnae, nga’maf-euq lafkhoer shir-eu jeq gar mrluf-eu khawf, nawmaf-euq lafkhoer daef-eu jeq gar mrluf-eu mae.