Piˇliˇpiˆ 2:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqyawf, nawmaf yawqghaq navluf-anr mawrmawf duidui-eu mae. Aqyawf nar-euq garkawv nawmaf yagaq-euq mirnae, aqyawf noeqshaq duidui-euq mae.

Akha

²⁶ Aˬ yawꞈ naw maꞈ yawˬ gʼaˬ na luꞈ-ahˇ gʼoꞈ haw mawˇ laˇ mawꞈ dui dui meh. Aˬ yawꞈ naˇ-eu gaˇ kawˆ naw maꞈ jawˇ gaˇ gaˬ keuˆ leˇ-euˬ miˇ neh nui ma tiˬ pawꞈ-iˬ maˬ saˇ-a.

Piˇliˇpiˆ 2:26 Referans Kwoze

Piˇliˇpiˆ 1:8

Yeqsur Kali-euq ghoer-awr gaq-eu jeq nae, ngar, nawmaf yawqghaq navluf-anr mawrmawf duidui luf-eu ma. Heu-euq gharduq, Miqyaer, ngaq-euq sarkir pyeuf-eu mae.

Eˇpeˇsu 3:13

Khoermirnae, ngar, nawmaf-euq gharduq shaq-awr zanq-eu jeq ya daqluf-eu baqda’nae, nuighaq taqbaq laer ngar, nawmaf-anr shar-eu ma. Heu-aq, nawmaf-euq gharduq yawshaef khanqsaer pyeuf-eu mae.

Lormav 12:15

Laqkhaq caer-eu tsawrhaq naeq-aer laqkhaq cawcaer-awr, ngoer-eu tsawrhaq naeq-aer cawngoer-awq.

Dawqdaq 12:25

Tsawrhaq-euq nuima-euq lafkhoer khanqlanr-eu jeq, Yawqha-anr ghawqshaq-aer bi ghaelar-eu mae. Aerkhawf, dawqmuiq-aq, laqkhaq bi caerlar-eu mae.

Piˇliˇpiˆ 4:1

Khoermirnae, ngar zawr gaq-awr, mawrmawf duidui-eu aqyuif aqnyir deuq-or! Nawmaf-aq, ngaq-euq laqkhaq caerduq hawr-eu ngaq-euq shuir uqkhov ma. Ngar gaq-eu cawqdeuq-or! Nawmaf, Sanqpaq Miqyaer-euq lafkhoer zifdanni yawf-awq.

Lormav 9:2

Ngar noeqshaq duidui-awr, aqmyanluf nuima ghawqshaq-aer ghaeluf mir-a.

Maꞈtehˬ 26:37

Aqyawf, Beqtuvluv hawr-eu Zeqbeqdaer-euq zaqyo nyiq ghaq sheuq-awr ir-euq mae. Khoerngae, aqyawf noeqshaq duidui-eu uqtaf, nuima-euq lafkhoer shaqzanq naf duidui-awr, aqyawf maf-anr aernaeq-eu,

Maꞈtehˬ 11:28

Khavbaev yawkan pi-awr ghaqdoer doer-eu tsawrhaq yawqghaq navluf, ngar jawr-eu gar lar-awq. Ngar, nawmaf-anr ghaqnaq bi’naq ma.

Jaceuq 69:20

Dawqdoer ngaq-euq nuima-anr lavcawv-awr, Kantuivni ghae-eu jeq ngaq-euq lafkhoer byanluf mir-a. Ngaq-anr ghawqshaq gaq-awr nuima lavsar naeqlaf-eu, Tiqghaqnav jawr nga laq laer pov ngae, Tiqghaq-iq maqjawr nga, tiqghaq-iq maq povmawr nya-a.

1 Beˬtuˆluˆ 1:6

Nymq-mr tiqkhaeq-euq lafkhoer, nawmaf tsermr haw-eu ghawqmya jeq-anr yadaq-eu khawf, heu-euq lafkhoer laqkhaqcaer duidui-awq.

Piˇliˇpiˆ 1:3

Ngar, nawmaf-anr khar noeqdovlar ngae, ngaq-euq Miqyaer-anr jaceuq-eu ma.

Gaˬlaˬtiˆ 6:2

Nawmaf, Kali-euq zanr-anr mrbyanni, tiqghaq tirghaq-euq khavbaev cawpi-awq.

2 Gawˇliˬtu 9:14

Miqyaer-euq guiqlanq yawdzanr nawmaf-euq lafkhoer jav-eu myaq duidui-eu mirnae, aqyawfmaf, nawmaf-anr mawrmawf duidui-awr, nawmaf-euq gharduq guiqlanqshar taef-a.

1 Gawˇliˬtu 12:26

Arsaer tiq saer shaq-eu gar yadaq nar-aq, arsaer dawqtawvluf cawdaq-eu mae. Arsaer tiq saer khanqsaer za nar-aq, arsaer dawqtawvluf laqkhaq cawcaer-eu mae.

Lormav 1:11

Aqjeq mirnae aernar-aq, ngar, nawmaf-anr mawrmawf duidui nya. Ya’mawr nar-aq, nawmaf ziflarni, nawmaf-anr saflar paw-euq lafsawq tiqjeqnav bifnaeqmawf mir-a.

Gʼaˬkʼehˇ 21:13

Khoerngae, Pawrluv aer-eu, “Aqjeq mirnae nawmaf teunav nav-aer ngoerngoer-aer ngaq-euq nuima tsawqpav-ir paq-aer janrnaeq laf-eu le? Ngar, Sanqpaq Yeqsur-euq tsawrmyanr-euq gharduq aqcawq nae bipaf-eu taef-aer maqngeur-eu, Yeqlursaqlaeq-anr yashir-eu law-awr khawf laeqhmqdan taq-euq ma.”

Piˇliˇpiˆ 2:25

Ngaq-euq maernmr Irbaqpawqdir-anr nawmaf jawr-eu gar bighofle-eu tsaq-eu paq laer khawf ngar sharnoeq luf-eu ma. Aqyawf-aq, ngaq-euq gar mrcawq hawr-eu, saflar paw-euq guirdeuv deuvcawq mae. Nawmaf nae ngar mawf-eu jeq-anr bi cawba-eu laer khaerlef-euq tiq ghaq khawf pyeuf-eu mae.

Piˇliˇpiˆ 2:27

Aqdir aernar-aq, aqyawf shirtaw taeqni nar-euq mae. Aerkhawf, Miqyaer, aqyawf-anr ghawqshaq gaqnaeq-euq mae. Aqyawf-anr taef-aer ghawqshaq gaq-euq maqngeur-aer, ngar noeqshaq duidui luf-eu gar maqbi noeqshaq dzaeq-eu laer, ngaq-anr khawf ghawqshaq gaqnaeq laf-euq mae.