Piˇliˇpiˆ 2:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Ngaq-euq maernmr Irbaqpawqdir-anr nawmaf jawr-eu gar bighofle-eu tsaq-eu paq laer khawf ngar sharnoeq luf-eu ma. Aqyawf-aq, ngaq-euq gar mrcawq hawr-eu, saflar paw-euq guirdeuv deuvcawq mae. Nawmaf nae ngar mawf-eu jeq-anr bi cawba-eu laer khaerlef-euq tiq ghaq khawf pyeuf-eu mae.

Akha

²⁵ Laˬ kʼaˬ cehˇ-eu Guiˬ lahˬ dawˬ gʼaˇ duˬ, ngaˬ nehˬ-ehˇ mˇ caw shaˇ caw-awˇ guiˇ deuˆ caw luꞈ-eu tsawˇ haˬ tiˬ gʼaˬ pyeuꞈ-eu ngaˇ loˬ-eu jeˬ-ahˇ bi caw ba-eu lehˇ naw maꞈ neh kʼehˇ gʼeh leꞈ-euˬ aˬ dui-euˬ aˬ nyiˇ Iˬbaˬpawˬdiˇ-ahˇ kʼawꞈ, naw maꞈ jawˇ gaˇ ya bi laˇ meh lehˇ ngaˇ noeˬ-eu ma.

Piˇliˇpiˆ 2:25 Referans Kwoze

Piˇliˇpiˆ 4:18

Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

Gawˇlawˇsehˇ 1:7

Nga’maf naeq-aer tiqkawv lof-aer kuirlaf zaqkhav geufluf-eu, nga’maf zawr gaq-eu Irbaqpaqlar-anr nae, nawmaf garkawv khoer yadzaw-euq mae. Aqyawf-aq, nawmaf-euq gharduq sarjax zif-eu lafkhoer, Kali-euq kuirlaf zaqkhav pyeuf-eu mae.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

1 Gawˇliˬtu 3:9

Nga’nyaf-aq, Miqyaer-euq gar mrcawq ma. Nawmaf-aq, Miqyaer-euq daeyar mae. Nawmaf-aq, Miqyaer tsovluf-eu nymr mae.

Piˇleˇmoˬ 1:24

Ngaq-euq gar mrcawq Maqkuv, Aqliqdaqgur, Deqmav hawr-eu Lurkaf, aqha’maf khawf dawqtsaf tsafanr lef-euq mae.

Dawqdaq 25:13

Mrkar lavluiv-eu yamq-anr, ircuf yawtsaef yadawr-euq lof-aer, Sarjax zif-eu ghaqzaq ghaqkhaer tiq ghaq-anr, Khaerghae-euq ghaq-euq nuima-anr shiqkheurni bi ghaeler-eu mae.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

1 Teˇsaˬloˇni 3:2

Nawmaf jan-eu jeq zifdanni ghaelarni, ghaq bibif-eu gharduq, nga’maf nae nawmaf jawr-eu gar aqdui-euq maernmr Tivmorseq bilar-euq ma. Aqyawf-aq, Miqyaer-euq kuirlaf zaqkhav pyeuf-awr, Kali-euq guiqlanqdawq maeq-eu, nga’maf-euq gar mrcawq pyeuf-eu mae.

Gawˇlawˇsehˇ 4:11

Yurtuq laer kur-eu Yeqsur khawf, nawmaf-anr dawqcawq puqanr lef-euq mae. Bawkhov maeqdzaq yaeq-euq tsawrhaq deuq-euq lafkhoer, ngaq naeq-aer Miqyaer uvlanr-eu jeq-euq gharduq gar mrluf-eu-aq, heu smr ghaq taef mae. Aqyawfmaf, ngar nuima sarlarni janrnaeq laf-euq mae.

2 Gawˇliˬtu 2:13

Aerkhawf, ngar, ngaq-euq maernmr Tirtuv-anr maqya mawr-euq mirnae nuima ghaqnaq maqdan-aer, khoergar jawr-eu tsawrhaq deuq-anr ghawq-awr, Maqgeqdawrniv mirkhanq-anr lar-euq ma.

Yoˇhaˬ 17:18

Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.

Yoˇhaˬ 13:16

Ngar, nawmaf-anr aqdirma-aer aernaeq nyar, kuirlaf zaqkhav-aq, yawqha-euq yawsanr navmaqtser maq huiqdzaeq-a. Bikhaer-eu ghaq khawf, aqyawf-anr khaer-euq ghaq navmaqtser maq huiqdzaeq-a.

Lormav 16:3

Ngaq naeq-aer Yeqsur Kali-euq gar mrcawq pyeuf-eu, Birgirla hawr-eu Aqgurla-anr dawqcawq puq-eu ma.

Lormav 16:9

Kali-euq lafkhoer aqdui-euq gar mrcawq Urlaqbaq hawr-eu ngar zawr gaq-eu Seqdaqgur-anr khawf dawqcawq puq-eu ma.

Piˇliˇpiˆ 2:26

Aqyawf, nawmaf yawqghaq navluf-anr mawrmawf duidui-eu mae. Aqyawf nar-euq garkawv nawmaf yagaq-euq mirnae, aqyawf noeqshaq duidui-euq mae.