Piˇliˇpiˆ 2:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

Akha

¹⁵ Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

Piˇliˇpiˆ 2:15 Referans Kwoze

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

Maꞈtehˬ 5:45

Khoerlof-aer mr nar-aq, nawmaf-aq, mq-euq khoertav jawr-eu Aqda-euq zaqdeuq pyeuf-eu mae. Aqjeq mirnae aernar-aq, aqyawf-aq, tsawrmuiq-euq gharduq khawf tsawrdoer-euq gharduq khawf nanrma bi dovlar-awr, tsaq-awr dawr-eu tsawrhaq-euq khoertav khawf, maqtsaq maqdawr-eu tsawrhaq-euq khoertav khawf uqyaer bi yaerle-eu mae.

1 Teˇsaˬloˇni 5:23

Nuisar bif-eu Miqyaer aqyawfghaq, yawqjeq navluf-euq lafkhoer, nawmaf-anr lavshawr-awr, aqdui-euq Sanqpaq Yeqsur Kali zafkale ngae, nawmaf-euq saflar, nuima hawr-eu mawrdo dawqtawvluf aerkhar maqza’ni bosavnaeq luf-ur.

2 Beˬtuˆluˆ 3:14

Khoermirnae, ngar zawr gaq-eu cawqdeuq-or! Nawmaf khoerdeuq-anr noeqtmq-awr dawq-awq. Aqyawf-euq maeqshi, nawmaf nuisar of-eu lafkhoer, marbyawf maqbaw-aer aerkhar maqza nga laer aqyawf mawrni laejae-awq.

1 Gawˇliˬtu 1:8

Aqdui-euq Sanqpaq Yeqsur Kali-euq arnan ngae nan, nawmaf-anr aerkhar maqbi za’ni, arsaqsaq ngae keuvni aqyawf, nawmaf-anr bizif naeqlaf taef-a.

Tiˇtuˆ 2:10

Myawq maqkhoeq-aer, yawqjeq navluf-euq lafkhoer sarjax zif-awq laer khawf maeqnaeq-awq. Khoerlof-aer janr nar-aq, yawqjeq navluf-euq lafkhoer aqdui-euq Kakhof-eu ghaq pyeuf-eu Miqyaer-euq dawqmaeq dawqtsov-anr ciqpoeq ciqgor taef-a.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

1 Tiˆmoˇseˬ 3:10

Aqyawf maf-anr khawf jeqhu tsermr haw-awr, aerkhar maqza nar-aq, aqyawf maf-anr cawba-eu tsawrhaq bigeuf-awq.

1 Tiˆmoˇseˬ 3:2

Kalizaq armur-anr hawlanr-eu tsawrhaq-aq, aerkhar maqza-eu, miqzaq tiq ghaq taef-aer baw-eu, kharnoeq kharlov-eu lof-aer maqdzaq maqdawr-eu, yawqha-euq nuima-anr ghaqler-eu, yawzeu bawlar paq-aer ghae-eu, daqyan-anr ha’nya-eu hawr-eu maeqnaeq tsovnaeq nya-eu tsawrhaq yapyeuf-eu mae.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Eˇpeˇsu 5:27

Khoer-aq, marbyawf maqbaw-aer, aerkhar maqza-eu uqtaf, shawrjaevni ghae-awr, yawshaef khanqsaer byan-eu Kalizaq armur bi pyeuflar-awr, aqyawf-anr bi a’naeq-eu gharduq mae.

Lormav 16:19

Nawmaf, Miqyaer-euq dawq narhaq geuf-eu garkawv, yawqghaq navluf siqnya lar-euq mae. Khoermirnae, ngar, nawmaf-euq gharduq laqkhaqcaer nya. Aerkhawf, nawmaf yawmuiq jeq-anr tsawrganr anr-awr, yawdoer jeq-anr maq sharnoeq nya-eu tsawrhaq bi pyeufmawf mir-a.

Gʼaˬkʼehˇ 2:40

Khoeruqtaf, Beqtuvluv dawq ghawqmya’ni ngaeq-awr, aqyawf sarkir kamq-awr aqyawf maf-anr ghaq bifnaeq-eu, “Nawmaf, nanrpov-aer ghae-eu heuzir-anr yabuq-ir ni laejae-awq.”

Maꞈtehˬ 10:16

“Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

HeˬByehˇ 7:26

Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

Tiˇtuˆ 2:15

Garkawv heudeuq, nawr yawmuiq-aer maeqnaeq-awq. Aryaq dawqtawvluf anr-eu lafkhoer ngaeq-awr, ghaq bif-eu uqtaf, yawlaeq toeqmaeq naeq-awq. Tsawrhaq tiqghaq nae-iq, nawq-anr taqbi hawdoer.

Tiˇtuˆ 1:6

Tsawrhaq tiqghaqnav, iqbax taqkhar maqza-eu, miqzaq tiq ghaq taef-aer baw-eu, zaqdeuq khawf Sanqpaq Yeqsur-anr jan-awr, aqcawq aerkhar maqza’ni yawmuiq yawshawr shawr-aer daef-eu uqtaf, zaqdeuq aerdawq narhaq-eu ngeur nar-aq, nawr khoerghaq-anr aqyuif aqtsu bigeuf-awq.

1 Tiˆmoˇseˬ 5:20

Iqbax mrluf-eu deuq-anr tsawrhaq dawqtawv luf-euq maeqshi daeqdaeq-aer maeqnaeq-awq. Khoerlof-aer janr nar-aq, nuideuq khawf guv-eu nuima anrlar taef-a.

Gʼaˬkʼehˇ 20:30

Khoeruqtaf, nawmaf-euq lafkhoer tsawrhaq tiqpavnav deuq dovlar-awr, zaqlanr deuq, aqyawf maf-euq maeqnan cantae larni, yawtsaq yawdawr-euq dawq-anr yurpyawv taef-a.

Yoˇhaˬ 5:35

Yorhaq-aq, dofbya taq-euq tsirkhmq lof-aer dur-eu mae. Nawmaf, aqyawf-euq yawshaef-euq lafkhoer tiqkhaeq-euq lafkhoer laqkhaq caer-eu nuima anr-eu mae.

Luˇkaꞈ 6:35

Nawmaf-aq, nawmaf-anr muir-eu deuq-anr gaq-awr, yawmuiq jeq janrnaeq-awq. Bifkhof laf-eu gar maq noeqtmqni aqcawq-anr ngaqnaeq-awq. Khoerlof-aer janr nar-aq, nawmaf-euq mrpoeq lafsawq ghawqmya’ni jav-awr, nawmaf, Gor duidui-eu ghaq-euq zaqyo pyeuflar taef-a. Aqjeq mirnae aernar-aq, aqyawf-aq, guiqlanq-anr maq noeqmawr nya-eu tsawrhaq hawr-eu tsawrdoer deuq-anr khawf ghawqshaq gaqnaeq-eu mae.

Maꞈtehˬ 17:17

Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr ya’or-eu la siq? Aqyawf-anr, ngar jawr-eu gar sheuqlaf-awq.”

Jaceuq 122:5

Aqjeq mirnae aernar-aq, Yarkhaq dar-eu nuirmanq pyeuf-eu Daqbir-euq nymrkhanq-euq nuirmanq khoergar jav-eu mae.

Panmaeq 3:9

Aqdir Yurdav tsawrhaq maqngeur-eu gar, Yurdav tsawrhaq ma laer jaqmyawf myawf-eu, naef Saqdaq-euq zanrdawq khawqnymr-anr gawf-eu deuq, nawq-euq aqkuir-euq dawqpae lar-awr awbyavni ngar janr ma. Khoerngae, ngar, nawq-anr gaq-eu ngar-a laer aqyawfmaf yasiq taef-a.

1 Tiˆmoˇseˬ 5:14

Khoermirnae, miqcoeq miqma zaqguq deuq-aq, smrmir ir-awr, zaqciq zaqcu mr-eu lafkhoer, nymrdanq yawmuiq-aer danqdzaq-eu gar ngar geufmawf mir-a. Khoerlof-aer janr nar-aq, aqdui-anr muir-eu tsawrhaq, aqdui-anr yaeqbawq saerlu-aer aerlarkhar maqza-ar.

1 Tiˆmoˇseˬ 5:7

Aqcawq, aqyawf maf-anr aerkhar maqza’ni, garkawv heudeuq nawr, aqyawf maf-anr dawq bif-awq.

2 Gawˇliˬtu 6:17

Khoermirnae, “Aqyawf maf-euq lafkhoer nae dovlar-awr, aqyawf maf-anr ghawqtsaev tsaev-awq. Maqshawr-eu jeq-anr taq toeqciv. Maq toeqciv nar-aq, ngar, nawmaf-anr hageuf ma.” (Isy 52:11; Ezk 20:34)

Luˇkaꞈ 1:6

Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Dawqdaq 8:8

Ngaq-euq khaqmae-anr nae dovle-euq dawq dawqtawvluf, Tsaq-awr dawr-eu dawq pyeuf-awr, Dawq khoerdeuq-euq lafkhoer, Yawngof jeq hawr-eu yurpyawv-eu jeq tiqjeq-iq maqanr.

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

Panmaeq 2:5

Khoermirnae, nawr aqgeugar nae gaka lef-euq le laer sharnoeq-awr, noeqpov noeqpar mr-eu uqtaf, nawq nae yawbae mr-euq lof-aer mr-awq. Nawr noeqpov noeqpar maqmr nar-aq, ngar, nawr jawr-eu gar yawkawr-aer oe-awr, nawq-euq tsirkhmq, ciqtaq duq-anr nae ciqdzae ma.