Piˇliˇpiˆ 2:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Akha

¹³ Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Piˇliˇpiˆ 2:13 Referans Kwoze

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

2 Gawˇliˬtu 3:5

Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

Lormav 9:16

Khoermirnae, khoer-aq, tsawrhaqzaq-euq nuikhanr-euq baqda’nae za-eu maqngeur-a. Tsawrhaqzaq laejae-awr mr-eu mirnae za-eu khawf maqngeur-a. Miqyaer ghawqshaq gaq-eu baqda’nae taef-aer za’nya-eu mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

Yoˇhaˬ 3:27

Yorhaq heulof-aer aerkhof naeq-euq mae, “Mq-euq khoertav jawr-eu Miqyaer nae bifnaeq-euq jeq maqngeur nar-aq, tsawrhaqzaq-aq tiqjeq-iq maqza nya-a.

Eˇpeˇsu 1:11

Aqdui khawf Kali-euq lafkhoer jeqbir of-eu tsawrhaq pyeuflar-euq ma. Miqyaer-euq arpyar jav-eu lof-aer, aqyawf yawbae ngae nae tserdov taq-awr, dawqtawv luf-euq lafkhoer aqyawf nuinoeq nuidur jav-awr nuima tsaq-eu lof-aer mr-euq mae.

1 Gawˇliˬtu 12:6

Mrdov laf-eu jeq beugar-eu mae. Aerkhawf, tsawrhaq yawqghaq navluf-euq lafkhoer yawqjeq navluf mr-eu ghaq-aq, Miqyaer tiq ghaq taef mae.

2 Teˇsaˬloˇni 1:11

Khoermirnae, aqdui-euq Miqyaer, nawmaf-anr kur-euq gar geux-awr, aqyawf-euq baoq baqda’nae nawmaf mrmawf-eu yawmuiq yawqjeq navluf hawr-eu jan-awr, mr-euq dawqtawvluf bi pyeuflarni, nga’maf aqmyanluf nawmaf-euq gharduq guiqlanq sharluf-eu ma.

Eˇpeˇsu 1:5

Miqyaer nuima tsaq-awr nuikhanr shir-eu lof-aer, Yeqsur Kali-anr ghoe-awr nae aqdui, aqyawf-euq zaq pyeuflarni, Miqyaer yawbae ngae nae tserdov taq-euq mae.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Jaceuq 119:36

Yawqjeq yawq-anr maerjuir juir-eu maqngeur-eu, Nawq-euq dawqdzawr-anr za’mawf-eu nuima bi anrlar naeqlaf-awq.

Luˇkaꞈ 12:32

“Yawr yawrmaf mafzaq-or! Taqguv. Aqjeq mirnae aernar-aq, nawmaf-euq Aqda-aq, aqyawf-euq mirkhanq, nawmaf-anr nuikhanr tiqshir bifmawf-eu mae.

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Yoˇhaˬ 6:65

Yeqsur aer-eu, “Khoermirnae, ngaqDa nae maqbi lar-euq nar-aq, tsawrhaq tiqghaq-iq ngar jawr-eu gar maq larnya-a laer ngar, nawmaf-anr aernaeq-euq ma.”

Lormav 9:11

Zaqdzm khoer nyiq ghaq maq daefle-euq minav-aer, yawmuiq yawdoer khawf maqmr-euq siq khoer nae, Miqyaer tserdov-eu jeq zifni, aqyawfmaf mr-awr shar-eu gar haw-awr maqngeur-aer, kur-eu ghaq pyeuf-eu Miqyaer nae noeqtsaev taq-euq lof-aer tser-eu jeq pyeuf-eu mae.

Dawqdaq 21:1

Sanqpaq-euq nuima-aq, Ya’we Miqyaer-euq aqlaf-euq lafkhoer, Yoerluf-eu ircuf lawrgawv-anr dur-awr, Ya’we Miqyaer khar yurpyawr mawf-eu paw ir-eu mae.

Yoˇhaˬ 6:45

Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Jaceuq 141:4

Ngar, yawlaeq yawca jeq mr-eu tsawrhaq naeq-aer yawcawv jeq mr-ir paq-aer, Ngaq-euq nuima yawdoer jeq tiqjeq-anr-iq taqbi pyawr-ir naeqlaf. Khoeruqtaf, aqyawfmaf dzaq-eu dzarkuir deuq taqbi dzaq-ir naeqlaf.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

Gʼaˬkʼehˇ 11:21

Sanqpaq Miqyaer-euq aqlaf, aqyawf maf-anr sheuqghae luf-eu mirnae, tsawrhaq ghawqmya’ni Sanqpaq Miqyaer-anr janlar-awr, aqyawf jawr-eu paw pyawrlar-euq mae.

Jaceuq 110:3

Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

Lormav 12:3

Ngaq-anr bifnaeq laf-euq guiqlanq yawdzanr baqda’nae, nawmaf-euq lafkhoer jawr-eu yawqghaq navluf-anr ngar heulof-aer aernaeq-eu ma. Yawqhar yawqha sharnoeq paq-aer ghae-eu taf-aer taqnoeq huiqdzeur. Aerkhawf, Miqyaer nae tiqghaq sair tiqghaq-anr jan-eu jeq bifnaeq taq-euq gar tsaqni taef-aer, yawmuiq-aer sharnoeq sharsawx-awq.