Piˇliˇpiˆ 2:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.

Akha

¹¹ Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Piˇliˇpiˆ 2:11 Referans Kwoze

1 Yoˇhaˬ 4:15

Yeqsur-aq, Miqyaer-euq Zaqyo mae laer khar aerdov-eu tsawrhaq-aq, Miqyaer, aqyawf-euq lafkhoer jawr-awr, aqyawf khawf Miqyaer-euq lafkhoer jawrluf-eu mae.

Lormav 14:11

Yaerbof-euq lafkhoer boftaq-euq, “Sanqpaq Miqyaer aer-eu, Ngar-aq, aqmyanluf daefluf ma. Yawqghaq navluf, ngaq-euq maeqshi pawqtsuif pawqdmq ya dmqlar-awr, Maeqlar yawqlar navluf, Miqyaer-euq maeqshi ya aerdov taef-a.” (Isy 49:18; 45:23)

Yoˇhaˬ 13:13

Nawmaf, ngaq-anr Saqlaq hawr-eu Sanqpaq laer kurluf-eu mae. Nawmaf kur-eu-aq tsaq mae. Aqjeq mirnae aernar-aq, ngar-aq, nawmaf kur-eu lof-aer ngeur-eu ma.

1 Yoˇhaˬ 4:2

Miqyaer-euq Saflar ngeur nar-aq, nawmaf-anr heulof-aer siqlar taef-a: Yeqsur Kali-aq, shiqshaq pi-awr zafka le-euq mae laer kharaer-eu saflar-aq, Miqyaer-anr taf-eu mae.

Lormav 14:9

Heu-euq baqda’nae, shir-euq tsawrhaq hawr-eu daefluf-eu tsawrhaq-euq Sanqpaq Miqyaer pyeufni, Kali shir-awr ghofdaef lar-awr daefluf-eu mae.

1 Gawˇliˬtu 12:3

Khoermirnae, ngar, nawmaf-anr heulof-aer bi siqnya’mawf mir-a. Tsawrhaq tiqghaq-iq Miqyaer-euq Saflar-anr ghoe-awr nae, Yeqsur-anr yaqkhaer yaq-eu dawq maqngaeq-ar. Khoeruqtaf, Yawshawr Saflar-anr maqghoe nar-aq, Yeqsur-aq, Sanqpaq mae laer tsawrhaq tiqghaq-iq maqaer nya-a.

Yoˇhaˬ 14:13

Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

Panmaeq 3:5

Ghaqler-eu tsawrhaq-aq, maeqtsoeq yawpyur yadm taef-a. Ngar, aqyawf-euq tsawrmyanr, Daef-eu jeq bif-eu sanqbof-anr nae maq sivbyovni, ngaqDa hawr-eu aqyawf-euq mqtav ghaqkhaer deuq-euq maeqshi, aqyawf-euq tsawrmyanr aerdov ma.

Maꞈtehˬ 10:32

“Khoermirnae, tsawrhaq-euq maeqshi ‘Ngar-aq, Yeqsur-euq zaqlanr ma’ laer aerdov-eu aqgeu ghaq maqkaq; ngar, mq-euq khoertav jawr-eu ngaqDa-euq maeqshi ‘Teughaq-aq, ngaq-euq zaqlanr ma’ laer, aerdov ma.

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

Gʼaˬkʼehˇ 2:36

“Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Yoˇhaˬ 9:22

Aqyawf-euq aqma aqda, Yurdav tsawrhaq-anr guv-eu mirnae khoerlof-aer aer-eu mae. Aqjeq mirnae aernar-aq, Yeqsur-anr Kali mae laer khar aerdov-eu tsawrhaq aqsur ghaq maqkaq, zanrdawq khawqnymr-anr nae taedov ma laer Yurdav tsawrhaq bawqdzaqtsaev taq-euq mae.

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Jaceuq 110:1

Ya’we Miqyaer, ngaq-euq Sanqpaq-anr aernaeq-eu, “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.”

2 Yoˇhaˬ 1:7

Jaqmyawf myawf-eu tsawrhaq ghawqmya ghaq mirtsaq doeni ir-awr, Yeqsur Kali-aq, mawrdo baw-awr zafka le-euq mae laer sarkir maqkamq-a. Khoerdeuq-aq, jaqmyawf myawf-eu tsawrhaq hawr-eu Kali-anr muir-eu tsawrhaq mae.

1 Gawˇliˬtu 15:47

Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.

Lormav 15:9

Khoeruqtaf, Miqyaer-euq ghawqshaq gaq-eu jeq-euq baqda’nae, aqcawq tsawrjeuq tsawrca deuq khawf, Miqyaer-anr bi ciqhuiq bi ciqmanr-eu gharduq mae. Yaerbof-euq lafkhoer boftaq-euq lof-aer, “Khoermirnae, ngar, nawq-euq garkawv, aqcawq tsawrjeuq tsawrca-euq ghanrcae aerdov-awr, Nawq-euq tsawrmyanr-anr carcar-aer jaceuq ma.” (Jc 18:48; 2Sml 22:50)

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Yoˇhaˬ 17:1

Yeqsur dawq heudeuq ngaeqghaq-awr, mq paw ghawrleur-awr heulof-aer aer-eu mae: “Aqda-or! Aryamq keuvlar-euq ngar-a. Zaqyo-euq baqda’nae nawr yawshaef khanqsaer za’ni, nawq-euq Zaqyo-anr yawshaef khanqsaer biza naeqlaf-awq.

Yoˇhaˬ 12:42

Khoerlof-aer khawf, uvlanr-eu deuq-euq lafkhoer, ghawqmya ghaq Yeqsur-anr janlar-euq mae. Aerkhawf, Paqliqsaer deuq-anr guv-eu mirnae, Aqyawfmaf, aqyawf-euq garkawv maq aerdov-a. Aqjeq mirnae aernar-aq, zanrdawq khawqnymr-anr nae taedov lar-eu gar guv-eu mae.

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Jaceuq 18:49

Khoermirnae, Ya’we Miqyaer-or! Ngar, nawq-anr guiqlanqhuiq ma laer aer-eu ma; Mirkhanq tsawrjeuq deuq-euq ghanrcae, Nawq-euq tsawrmyanr-anr car-awr jaceuq-eu ma.

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 13:14

Ngar, nawmaf-euq Sanqpaq, nawmaf-euq Saqlaq pyeuf-eu khawf, nawmaf-euq aqkuir dzuifshawrnaeq nar-aq, nawmaf khawf tiqghaq tirghaq-euq aqkuir-anr dzuifshawr naeq-eu tsaq taef-a.