Piˇliˇpiˆ 2:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Mq-euq khoertav, mirtsaq-euq khoertav hawr-eu mirtsaq-euq dawqdan khardaef kharjawr-eu jeq, Yeqsur-euq tsawrmyanr-anr yawqghaq navluf pawqtsuif pawqdmq yadmq taef-a.

Akha

¹⁰ Mˬ miˇ hawˇ-eu miˇ oˆ keuˆ ni, pawˬ tsuiꞈ dawˬ tawˆ pawˬ dmˬ dmˬ-awˇ, Yeˬsuˇ tsawˇ myahˇ ciˬ huiˬ tehꞈ-a.

Piˇliˇpiˆ 2:10 Referans Kwoze

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

HeˬByehˇ 1:6

Aerkhawf, aqyawf-euq huqbaw zaqyo ghaq-anr mirtsaq-euq khoertav bi’oe ngae, aqyawf heulof-aer aer-eu mae, “Miqyaer-euq mqtav ghaqkhaer dawqtawvluf, aqyawf-anr uqduq tanq-awq.” (Dm 32:43)

Eˇpeˇsu 3:14

Garkawv heudeuq-euq baqda’nae, ngar, aqdui-euq Sanqpaq Yeqsur Kali-euq Aqda Miqyaer-euq maeqshi, pawqtsuif pawqdmq dmq-awr guiqlanq sharluf-eu ma.

Panmaeq 4:10

aqyuif aqtsu khoer 24 ghaq khawf, nuirmanq-anr nuirluf-eu mqmaq maqbyav yarzir daef-eu khoerghaq-anr, awbyav-awr uqduq tanq-eu mae. Nuirmanq-euq maeqshi aqyawf maf-euq shuir uqkhov dzaetaq-awr heulof-aer aer-eu mae,

Eˇpeˇsu 1:10

Zaftaq-euq jeq khoer-aq, aryamq byanlar ngae, mq-euq khoertav hawr-eu mirtsaq-euq khoertav kharjawr kharjav-eu dawqtawvluf, Kali-euq lafkhoer taef-aer bigawf bi bawvlar-eu laer mae.

Maꞈtehˬ 27:29

Aqyawfmaf, aqgan cirni nae uqdzanq lof-aer dzeuf-awr, aqyawf-euq uqduq-anr bikhov-euq mae. Aqyawf-euq armar laf-anr artof-euq arkanq tiq kanq bi tuvtaeq-awr, aqyawf-euq maeqshi pawqtsuif pawqdmq dmq-awr aqjaf jafjaf-aer aer-eu, “Yurdav tsawrhaq-euq Sanqpaq zirbaw zirza luf-ur.”

Panmaeq 20:13

Khoernar-aq, iqmalavshav, aqyawf-euq lafkhoer shirtaq-euq tsawrhaq deuq bifdov laf-awr, shir-eu jeq hawr-eu shir-eu mirkhanq khawf, aqyawf maf-euq lafkhoer shirtaq-euq tsawrhaq deuq bifdov lef-euq mae. Tsawrhaq yawqghaq navluf yawqha nae mrtaq shartaq-euq gar geuxni, yarkhaq dar-eu gar yadaq-euq mae.

Eˇpeˇsu 4:9

“Aqyawf ghofdav ler-euq” laer aer-eu-aq, mirtsaq-euq dawqdan jeqhu irka-euq maqngeur-a lor?

Lormav 11:4

Aerkhawf, Miqyaer, aqyawf-anr aqjox-aer aerkhof naeq-euq nga laer aernar-aq, “Ngar, ngaq-euq gharduq, Baqlar tanqpanq aqma mawrkawr-anr pawqtsuif pawqdmq dmq-awr uqduq maq tanqhaw-euq tsawrhaq 7,000 ghaq bidzer-euq ma.” (1Sp 19:18)

Maꞈtehˬ 12:40

Yornav, ngaqshaq shaqma-euq uqmav-euq lafkhoer smq nan smq mir ur-euq lof-aer, (Yn 1:17) Tsawrhaq-euq Zaqyo khawf, mirtsaq-euq dawqdan smq nan smq mir yajawr taef-a.

Jaceuq 95:6

Lar-awq, aqdui awbyav-awr uqduqtanq kar-eur; Aqdui-anr bae-euq ghaq pyeuf-eu Ya’we Miqyaer-euq maeqshi, Pawqtsuif pawqdmqdmq kar-eur.

Panmaeq 5:3

Mq-euq khoertav khawf, mirtsaq-euq khoertav khawf, mirtsaq dawqdan khawf, sanqbof khoeryov pan-awr hawnya-eu tiqghaq-iq maqjawr-a.