Piˇliˇpiˆ 1:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Nawmaf deuvcae caeluf-eu teu-aq, dzeurlaf ngae, ngaq-euq lafkhoer deuvluf-eu gar nawmaf ya’mawr-awr, nymq-mr khawf ngaq-euq lafkhoer deuvluf-eu gar nawmaf ya gaqluf-eu mae.

Akha

³⁰ Nymˬ-mˇ naw maꞈ ngaˬ nehˬ-ehˇ tiˬ kawˆ loꞈ-ehˇ guiˇ deuˆ leˇ nya meh. Guiˇ heu-aˬ, dzeuˇ laˇ ngeh ngaˇ deuˆ luꞈ-eu naw maꞈ mawˇ-euˬ kʼoeˇ meh. Nymˬ-mˇ kʼawꞈ, naw maꞈ ya gaˬ-euˬ loꞈ-ehˇ, guiˇ kʼoeˇ ngaˇ deuˆ luꞈ te siˬ. TBS CATP 15-06-00

Piˇliˇpiˆ 1:30 Referans Kwoze

1 Teˇsaˬloˇni 2:2

Nawmaf siqluf-eu lof-aer, dzeurlaf ngae, nga’maf, Pirlirpiv-anr jawr ngae, aqcawq khaeqnaeq khavnaeq laf-awr, yaeqbawq saerlu-aer janrnaeq laf-eu gar yadaq-euq ma. Nawmaf-anr Miqyaer-euq guiqlanqdawq maeqlar ngae, lavtsoeq-eu jeq ghawqmya’ni jav-eu khawf, nga’maf, aqdui-euq Miqyaer-anr ghoeghoe-aer nuima khaqduqni maeq-euq ma.

2 Tiˆmoˇseˬ 4:7

Ngar guirdeuv yawmuiq-aer deuv-awr, ngar caev paq-aer ghae-eu garma caevli-euq ma. Ngar jan-eu jeq-anr zifdanni nyaeftaeq laf-euq ma.

HeˬByehˇ 12:4

Nawmaf, iqbax naeq-aer deuvcae caecae-aer shaqluf-eu khawf, shiq dov-eu tiv-anr maq keuvler-aq siq.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Panmaeq 12:11

Aqyawfmaf, Yawrzaq-euq shiq hawr-eu yawqha-euq sarkir kamq-eu dawq nae, yawlaeq daqler-eu ghaq-anr ghaqler-euq mae. Aqyawf maf-aq, khoer-euq gharduq, yawqha-euq daefzir-anr ghawqcawx cawv-aer maqghaeni, shir khawf shirpeuq-eu mae.

1 Tiˆmoˇseˬ 6:12

Jan-eu jeq-euq gharduq guirdeuv yawmuiq-aer deuv-awq. Mqmaq maqbyav yarzir daef-eu jeq-anr nyaefza-awq. Nawr khoerjeq-anr za’ni Miqyaer, nawq-anr kur-euq mae. Sarkir kamq-eu ghawqmya ghaq-euq maeqshi, nawr, Kali-anr jan-eu ma laer muiq-eu sarkir kamq-euq mae.

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

Piˇliˇpiˆ 1:13

Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

Gawˇlawˇsehˇ 2:1

Nawmaf-euq gharduq, Lawqdiqciv-anr jawr-eu deuq hawr-eu ngaq-euq myavpyawq maq mawrhaw-euq tsawrhaq deuq-euq gharduq, ngar arnavni deuvcae caeluf-eu nga laer, nawmaf-anr bi siqnya’mawf mir-a.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.