Piˇliˇpiˆ 1:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ngaq-anr yawkhav-aer nyaefsuf lar-eu heu nyiq jeq-euq yawkaq-anr jawrluf-eu ma. Ngar geufmawf-eu jeq-aq, mirtsaq-anr ghawq-awr, Kali naeq-aer jawrlermawf mir-a. Heu-aq, muiqdzaeq-eu jeq pyeuf-eu mae.

Akha

²³ Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

Piˇliˇpiˆ 1:23 Referans Kwoze

2 Gawˇliˬtu 5:8

Aqdui yawduqbaw ma. Mawrdo heu-anr ghawqmawf-awr, Sanqpaq Miqyaer naeq-aer jawrler mawfdzaeq mir-a.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

Panmaeq 14:13

Khoerngae, mq-anr nae ngaeqdov lef-awr gaqle-eu tersar, ngaq-anr aernaeq laf-eu, “ ‘Aqkar nar-aq, Sanqpaq Miqyaer-euq lafkhoer shir-euq tsawrhaq deuq-aq, guiqlanq huiq-eu mae’ laer boftaq-awq.” Muiq-eu Saflar aer-eu, “Ngeur mae. Aqyawfmaf gar mr-eu naq-awr, aqyawfmaf nae mrtaq shartaq-euq deuq, aqyawf maf-euq maeqnan cantae taef-a.”

Gʼaˬkʼehˇ 7:59

Aqyawfmaf, Saqteqpaq-anr khaqlo biqluf ngae, Saqteqpaq, Miqyaer-anr kurkur-aer aer-eu, “Sanqpaq Yeqsur-or! Ngaq-euq saflar-anr hageuf naeqlaf-awq.”

Luˇkaꞈ 23:43

Khoerngae, Yeqsur, aqyawf-anr aernaeq-eu, “Ngar, nawq-anr aqdirma-aer aernaeq nyar. Iqnan, nawr, ngaq naeq-aer Baqlaqdirsuv-euq lafkhoer yajawr taef-a.”

2 Tiˆmoˇseˬ 4:6

Lawrduq-euq khoertav shaevdav-awr lawr-eu jeq lof-aer ngar danlar taq-euq ma. Ngar, mirtsaq-anr nae ghawq-ir-eu aryamq paelar-euq mae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Jaceuq 49:15

Aerkhawf, Miqyaer, ngaq-euq nuima saflar-anr, Lmqbymr-euq baoq-anr nae kakhof naeqlaf taef-a. Aqjeq mirnae aernar-aq, aqyawf, ngaq-anr hageuf naeqlaf taef-a. Sela.

1 Teˇsaˬloˇni 4:17

Khoernar-aq, yawdaef daefluf-eu aqdui maf-aq, aqyawfmaf naeq-aer tiqkawv lof-aer Sanqpaq Yeqsur-anr tanqpuq ler-eu laer, mqmir yawkaq-anr mqdmr-euq lafkhoer tiqpov taef-aer bi sheuqdavlef taef-a. Khoernar-aq, aqduimaf, Sanqpaq Yeqsur naeq-aer aqmyanluf yajawr taef-a.

Yoˇhaˬ 14:3

Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Luˇkaꞈ 12:50

Ngar ya hageuf-eu bartirsaq tiqjeq jav-a siq, maq hageuf-euq khoerkeuvni, ngaq-euq gharduq shaqzanq pyeuf duidui nya.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Luˇkaꞈ 8:38

Khoerngae, naef dov-ir-euq khoerghaq, Yeqsur-anr aqyawf naeq-aer bijawr naeqlaf laer shar-eu mae. Aerkhawf, Yeqsur, aqyawf-anr heulof-aer aernaeq-awr bighof-ir-euq mae,

1 Teˇsaˬloˇni 2:1

Aqyuif aqnyir deuq-or! Nga’maf, nawmaf jawr-eu gar lar-euq-aq, yawqngaef maqngeur nga laer nawmaf siqnya mae.

2 Gawˇliˬtu 6:12

Nawmaf-euq nuima-aq, nga’maf-euq baqda’nae piqtaeq taq-euq maqngeur-a, yawqha-euq nuinoeq-euq baqda’nae piqtaeq taq-euq mae.

Piˇliˇpiˆ 1:24

Aerkhawf, ngaq-euq mawrdo daef-eu-aq, nawmaf-euq gharduq gardanr tsoeqdzaeq-eu mae.