Piˇliˇpiˆ 1:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, ngaq-euq mawrdo daefluf nar-aq, ngaq nae mr-euq gardeuq arsiq siqle taef-a. Khoermirnae, ngar aqgeu jeq-anr tsergeuf-eu paq nga laer maqpar aernya mir-a.

Akha

²² Ehˇ kʼawꞈ, ngaˇ mehˬ hu paw ya dehꞈ daˆ leꞈ lawˬ naˇ, gaˇ dahˇ tsoeˬ-eu gaˇ gʼawˬ mya jeˬ mˇ nya-eu ma. Kʼoeˇ miˇ neh, dehꞈ-eu hawˇ-eu shiˇ-eu heu nyiˬ jeˬ-ahˇ ngaˇ tseˇ geuꞈ tsaˬ maˬ siˬ nya.

Piˇliˇpiˆ 1:22 Referans Kwoze

1 Beˬtuˆluˆ 4:2

Nawmaf nuima khoerlof-aer taq nar-aq, maeqhu paw daefdavlef ngae, tsawrhaq-euq shiqshaq-euq nuikhanr maqpar geuf-aer, Miqyaer nuima tsaq-eu lof-aer geuf-eu mae.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Piˇliˇpiˆ 1:24

Aerkhawf, ngaq-euq mawrdo daef-eu-aq, nawmaf-euq gharduq gardanr tsoeqdzaeq-eu mae.

Gʼaˬkʼehˇ 3:17

“Aerkhawf, aqyuif aqnyir deuq-or! Nawmaf-euq uvlanr-eu deuq hawr-eu nawmaf khawf, maq siqnya-eu mirnae, khoerlof-aer mr-euq ngar-a laer ngar siqnya ma.

2 Gawˇliˬtu 10:3

Nga’maf-aq, shiqshaq-euq lafkhoer daefluf-eu khawf, shiqshaq-anr taf-eu guir deuvluf-eu maqngeur.

Jaceuq 71:18

Nymq-mr ngar mawqle-awr uqduq pyurle-euq mir-a. Nawq-euq ghaq-euq garkawv, ngar heuzir-anr maq dzawrnaeq ghaq-aer, Nawq-euq baoq-euq garkawv ngar, nanqshaev deuq dawqtawv luf-anr, Maq dzawrnaeq ghaq-euq khoerkeuvni, Miqyaer-or! Ngaq-anr taq byaerdzae naeqlaf.

Gawˇlawˇsehˇ 2:1

Nawmaf-euq gharduq, Lawqdiqciv-anr jawr-eu deuq hawr-eu ngaq-euq myavpyawq maq mawrhaw-euq tsawrhaq deuq-euq gharduq, ngar arnavni deuvcae caeluf-eu nga laer, nawmaf-anr bi siqnya’mawf mir-a.

Lormav 11:2

Miqyaer, yawbae ngae nae siqluf-eu aqyawf-euq tsawrhaq-anr aqyawf maq byaerdzae-aq. Maqngeur nar-aq, Yaerbof-euq lafkhoer, Erlirya-euq garkawv boftaq-euq heu-anr nawmaf maq siqnya-eu le lor? Aqyawf, Miqyaer-euq maeqshi Irsaqleqlav tsawrhaq-anr iqbax taqtaq-aer guiqlanq shar-eu,

Lormav 1:13

Aqyuif aqnyir deuq-or! Ngar, nawmaf-anr heulof-aer bi siqmawf mir-a. Nuigar jawr-eu aqcawq tsawrjeuq tsawrca-euq ghanrcae arsiq za-euq lof-aer, nawmaf-euq ghanrcae khawf arsiq uicuivnav za’ni, nawmaf jawr-eu gar lar ma laer ngar ghawqmya pov noeqtsaev-euq ma. Aerkhawf, nymq-mr keuvni lavtsoeq-eu jeq jav-eu mae.

Piˇliˇpiˆ 1:23

Ngaq-anr yawkhav-aer nyaefsuf lar-eu heu nyiq jeq-euq yawkaq-anr jawrluf-eu ma. Ngar geufmawf-eu jeq-aq, mirtsaq-anr ghawq-awr, Kali naeq-aer jawrlermawf mir-a. Heu-aq, muiqdzaeq-eu jeq pyeuf-eu mae.