Piˇliˇpiˆ 1:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Ngar geufmawf duidui-awr, noeqtmq taq-euq jeq-aq heulof-aer ma. Ngar tiqjeq-iq-euq lafkhoer maqya shafdawr-aer, dzeurlaf ngae lof-aer nymq-mr khawf, nuima khaqduqni anr-awr, daef khawf shir khawf ngaq-euq mawrdo nae Kali-anr taqhuiq taqmanr ma.

Akha

²⁰ Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Piˇliˇpiˆ 1:20 Referans Kwoze

1 Beˬtuˆluˆ 4:16

Aerkhawf, Kalizaq pyeuf-eu mirnae, shaqzanq yadaq-euq ngeur nar-aq, khoerlof-aer yadaq-eu mirnae maq shafdawrni Miqyaer-anr ciqhuiq ciqmanr-awq.

1 Gawˇliˬtu 6:20

Aqjeq mirnae aernar-aq, arpoeq bif-awr nawmaf-anr zeurtsaev taq-euq mae. Khoermirnae, Miqyaer-euq pyeuf-eu nawmaf-euq mawrdo hawr-eu saflar-anr nae, Miqyaer-euq yawshaef khanqsaer bi dovlar-awq.

1 Teˇsaˬloˇni 5:23

Nuisar bif-eu Miqyaer aqyawfghaq, yawqjeq navluf-euq lafkhoer, nawmaf-anr lavshawr-awr, aqdui-euq Sanqpaq Yeqsur Kali zafkale ngae, nawmaf-euq saflar, nuima hawr-eu mawrdo dawqtawvluf aerkhar maqza’ni bosavnaeq luf-ur.

1 Yoˇhaˬ 2:28

Ngar gaq-eu zaqdeuq-or! Nawmaf, Kali-euq lafkhoer jawr-awq. Aqyawf-euq lafkhoer jawr nar-aq, aqyawf dovle ngae, aqdui nuima zifdanni ghae-awr, aqyawf oe ngae, aqyawf-euq maeqshi maqya shafdawr-ar.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

Lormav 8:19

Khar baetaq-euq jeq, Miqyaer-euq zaqdeuq dovle-eu gar mawrmawf-awr, noeqtmq duidui-eu lafkhoer lofluf-eu mae.

2 Gawˇliˬtu 10:8

Nawmaf-anr bicawv-ir-eu gharduq maqngeur-eu, nawmaf-anr bihuiq bi manrlar-eu laer Sanqpaq Miqyaer, nga’maf-anr aryaq bifnaeq laf-euq mae. Aryaq heu-euq garkawv, ngar khanqsaer uicuiv jaev-euq law-awr khawf, ngar maqya shafdawr-ar.

2 Gawˇliˬtu 4:10

Nga’maf-euq mawrdo-anr nae Yeqsur-euq daef-eu jeq byacaevni bi dovlar nya’ni, nga’maf-euq mawrdo-euq lafkhoer aqmyanluf Sanqpaq Yeqsur shir-euq jeq piluf-eu ma.

1 Gawˇliˬtu 7:34

Khaqdzerzaq baw-eu zaqmiq aqbur hawr-eu miqdaf dafshawr yawkaq beugar-eu jeq jav-eu mae. Maq danqdzaq-ir-euq zaqmiq aqbur-aq, Sanqpaq Miqyaer-anr taf-eu jeq-anr taef-aer sharnoeq-awr, aqyawf-euq mawrdo hawr-eu saflar yawshawr shawr-aer daefnya-eu mae. Aerkhawf, danqdzaq-ir-euq zaqmiqzaq deuq-aq, aqjox-aer ghae-awr yawqha-euq khaqdzerzaq nuikhanr bishir-eu paq nga laer mirtsaq-anr taf-eu jeq-anr khanqlanr-eu mae.

Jaceuq 119:116

Ngar yawdaef yadaefni, nawq-euq dawq aertaq-euq lof-aer, Ngaq-anr nyaefcuf naeqlaf. Ngaq nae noeqtmq-euq jeq-euq lafkhoer daq taqbi ga naeqlaf.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

Lormav 12:1

Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.

Piˇliˇpiˆ 1:14

Khoeruqtaf, ngar shmrcav daqluf-eu baqda’nae, Sanqpaq Yeqsur-euq lafkhoer jawr-eu aqyuif aqnyir myaqni tiqpav yawduq bawlar-awr, nuima khaqdzaeq lar-euq uqtaf, guv-eu jeq maqanrni, Yaerdawq ngaeqpeuq lar-euq mae.

2 Gawˇliˬtu 7:14

Ngar maq shafdawrni Tirtuv-euq maeqshi, nawmaf-euq garkawv khanqsaer jaev-euq ma. Nga’maf, nawmaf-anr yawqdawq navluf dawrcoeni ngaeqnaeq-euq lof-aer, Tirtuv-euq maeqshi ngaq nae nawmaf-euq garkawv khanqsaer jaev-euq-aq tsaq duidui-eu mae.

2 Gawˇliˬtu 5:15

Daefluf-eu tsawrhaq deuq yawqha-euq gharduq maqpar daef-aer, aqyawf maf-euq gharduq shirdan-awr ghofdaef lar-euq ghaq-euq gharduq daefni, tsawrhaq dawqtawv luf-euq gharduq aqyawf shirdan-euq mae.

1 Gawˇliˬtu 15:31

Aqdui-euq Sanqpaq Yeqsur Kali-euq lafkhoer nawmaf-euq baqda’nae, ngar khanqsaer jaev-awr, nan-anr nae shirluf-eu ma laer ngar aertsaev peuq-eu ma.

Lormav 9:33

Yaerbof-euq lafkhoer boftaq-euq lof-aer, “Ngar, Ziroq gawqjawq-anr tsawrhaqzaq sanqtif bitif-eu khaqlo hawr-eu, Bi coqdzae-ir-eu khaqlo loma tiq siq baftaq-euq ma. Aqyawf-anr kharjan-eu tsawrhaq maqya shafdawr-ar.” (Isy 8:14; 28:16)

Lormav 6:19

Nawmaf shiqshaq paw ghaq baq-eu mirnae, tsawrhaq yaw’awq awq-aer ghovshaw nya’ni, dawq heudeuq ngar, nawmaf-anr aernaeq-eu ma. Dzeurlaf ngae, nawmaf-euq arsaer deuq zanrdawq-anr leur-eu jeq mrni, maqshawr-eu jeq hawr-eu, zanrdawq-anr leur-eu jeq-euq zaqkhav bigeuf-eu laer a’naeq-euq mae. Aerkhawf, nymq-mr nawmaf shawrlarni, tsaq-awr dawr-eu jeq-euq zaqkhav bigeuf-eu gharduq, nawmaf-euq arsaer deuq a’naeq-awq.

Lormav 6:13

Nawmaf-euq arsaer deuq maqtsaq maqdawr-eu jeq mr-eu gar zmq-eu keuka bi pyeufni, iqbax-anr taq a’naeq. Shir-euq gar nae ghofdaef lar-euq tsawrhaq lof-aer, yawqha-euq mawrdo, Miqyaer-anr a’naeq-awr, nawmaf-euq arsaer deuq khawf, tsaq-awr dawr-eu jeq-euq gharduq zmq-eu keuka pyeufni, Miqyaer-anr a’naeq-awq.

Gʼaˬkʼehˇ 21:13

Khoerngae, Pawrluv aer-eu, “Aqjeq mirnae nawmaf teunav nav-aer ngoerngoer-aer ngaq-euq nuima tsawqpav-ir paq-aer janrnaeq laf-eu le? Ngar, Sanqpaq Yeqsur-euq tsawrmyanr-euq gharduq aqcawq nae bipaf-eu taef-aer maqngeur-eu, Yeqlursaqlaeq-anr yashir-eu law-awr khawf laeqhmqdan taq-euq ma.”

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Yoˇhaˬ 21:19

Yeqsur khoerlof-aer aer-eu-aq, Miqyaer-euq yawshaef khanqsaer za’ni, aqkar Beqtuvluv aqjox-aer yashir-eu garkawv-anr toeqmaeq mawf-eu mae. Khoerlof-aer aerghaq-euq nar-aq, Yeqsur, Beqtuvluv-anr aernaeq-eu, “Ngaq-euq maeqnan cantae lar-awq.”

Dawqdaq 23:18

Khoerlof-aer janr nar-aq, Nawr maeqhu paw yadaef-eu yawduq baw-awr, Nawq nae noeqtmq taq-euq jeq, Maqya bi deuvtsaev dzae-ar.

Dawqdaq 10:28

Tsaq-awr dawr-eu tsawrhaq nae noeqtmq-euq jeq-aq, laqkhaq caer-eu jeq keuvle-awr, Tsawrcawv nae noeqtmq taq-euq jeq-aq, yacawv-ir taef-a.

Jaceuq 119:80

Ngar daq maqya ga paq-aer, Nawq-euq zanrtaq khoftaq-euq lafkhoer, Ngaq-euq nuima khoerheu aerkhar maqza’ni bijav luf-ur.

Jaceuq 62:5

Ngaq-euq nuima saflar ciqcurni, Miqyaer-anr taef-aer dawq ma. Aqjeq mirnae aernar-aq, ngar noeqtmq-eu jeq aqyawf-anr nae oe-eu mae.

Jaceuq 25:2

Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.

Gʼaˬkʼehˇ 4:31

Aqyawfmaf guiqlanq sharghaq ngae, aqyawfmaf uiqler taq-euq khoertsanr nyaelar-euq mae. Khoernar-aq, aqyawfmaf yawqghaq navluf-anr Yawshawr Saflar byanle-awr, aqyawfmaf nuima khaqduqni Miqyaer-euq dawq ngaeq-eu mae.

2 Gawˇliˬtu 3:12

Aqdui heulof-aer noeqtmqkhar za-eu mirnae, aqdui nuima khaqduqni ngaeqpeuq tmrpeuq-eu ma.

2 Gawˇliˬtu 7:4

Ngar nuima khaqduqni nawmaf-anr ngaeqnaeq-eu ma. Ngar, nawmaf-euq baqda’nae khanqsaer jaevnya-awr, nuima sar-eu jeq byan mir-a. Nga’maf shaq-awr zanq-eu dawqtawv luf-euq lafkhoer khawf, ngar laqkhaqcaer duidui mir-a.