Piˇliˇpiˆ 1:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

Akha

¹³ Kʼoeˇ loꞈ-ehˇ pyeuꞈ laˇ-euˬ miˇ neh, sahˬ paˬ-euˬ hawˇ nymˇ-ahˇ loꞈ piˇ-eu yehˇ dawˬ tawˆ luꞈ hawˇ-eu heu gaˇ kʼaˇ jawˇ-eu tsawˇ haˬ dawˬ tawˆ luꞈ, ngaˇ Ka li-euˬ zaˬ kʼaˆ geuꞈ-eu miˇ neh tawˬ-ahˇ ya uˇ luꞈ-eu meh lehˇ siˬ nya meh.

Piˇliˇpiˆ 1:13 Referans Kwoze

2 Tiˆmoˇseˬ 2:9

Guiqlanqdawq heu baqda’nae, yawdoer jeq mr-euq tsawrhaq tiq ghaq-anr shmrcav nae paf-eu lof-aer, ngaq-anr paf-awr, ngar shaq-awr zanq-eu jeq-anr ya daqluf-eu ma. Aerkhawf, Miqyaer-euq dawq-anr shmrcav nae maq paftawf nya-a.

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Eˇpeˇsu 6:20

Khoer-euq gharduq, ngar shmrcav daq-awr danzar danluf-eu ma. Ngar shmrcav daqluf-eu lafkhoer, nuima khaqduqni ngaeq paq-aer ghae-eu lof-aer ngaeqnya’ni khawf, guiqlanq sharcaw naeqlaf-awq.

Gʼaˬkʼehˇ 26:29

Khoerngae, Pawrluv aer-eu, “Ngaq-euq navni jav-eu lawnmr-aq, nawr taef-aer maqngeur-eu, iqnan ngaq-euq dawq narhaq luf-eu tsawrhaq dawqtawvluf khawf, shmrcav daq-eu heu tiq hmq maqngeur nar-aq, ngar lof-aer pyeuflarni, ngar, Miqyaer-anr guiqlanq sharluf-eu ma.”

Piˇliˇpiˆ 4:22

Tsawrshawr dawqtawvluf, nawmaf-anr dawqcawq puqanr lef-awr, aqcawq navmaqtser, sanqpaq Gaersaq-euq nymr-anr jawr-eu deuq, nawmaf-anr dawqcawq puqanr lef-euq mae.

Gʼaˬkʼehˇ 28:30

Khoernar-aq, Pawrluv, aqyawf nae ngaqtaq-euq nymr-anr nyiq khof byanni jawr-awr, aqyawf jawr-eu gar kharlar-eu tsawrhaq dawqtawv luf-anr hageuf-euq mae.

Gʼaˬkʼehˇ 28:20

Khoermirnae, nawmaf-anr mawr-awr dawqja ya jacawqni, ngar, nawmaf-anr kur-euq ma. Aqjeq mirnae aernar-aq, Irsaqleqlav tsawrjeuq tsawrca noeqtmq luf-eu jeq-euq baqda’nae, shmrcav heu nae bi paftawf taq-euq ma.”

Gʼaˬkʼehˇ 28:17

Khoerngae, heulof-aer pyeuflar-euq mae. Smq nan dzeur-euq nar-aq, Pawrluv khoergar jawr-eu Yurdav tsawrhaq-anr sheuqghae-eu deuq-anr kuruiq-euq mae. Aqyawfmaf uiqlar ngae, Pawrluv, aqyawf maf-anr heulof-aer aernaeq-euq mae: “Aqyuif aqnyir deuq-or! Ngar, aqdui-euq tsawrjeuq tsawrca hawr-eu aqdui-euq aqpoeq deuq-euq zanrsanrkhof-anr tiqjeq-iq maq mrbanq-euq khawf, Yeqlursaqlaeq-euq lafkhoer ngaq-anr nyaef-awr, Lormav tsawrhaq-euq aqlaf-euq lafkhoer bi’anr-ir-euq mir-a.

Gʼaˬkʼehˇ 26:31

Aqyawfmaf dov-ir dzeur-euq nar-aq, aqyawf maf-euq yawkaq aer-eu, “Tsawrhaq heughaq beu, shir paq-aer hawr-eu shmrcav pafnaeq paq-aer geux-eu tiqjeq-iq maqanr nga-eq.”

Eˇpeˇsu 4:1

Sanqpaq Yeqsur-euq gharduq kuv-anr urluf-eu ngar, nawmaf-anr heulof-aer shar-eu ma. Miqyaer, nawmaf-anr kur-euq lof-aer, kur-euq gar geuxni daef-awq.

Piˇliˇpiˆ 1:30

Nawmaf deuvcae caeluf-eu teu-aq, dzeurlaf ngae, ngaq-euq lafkhoer deuvluf-eu gar nawmaf ya’mawr-awr, nymq-mr khawf ngaq-euq lafkhoer deuvluf-eu gar nawmaf ya gaqluf-eu mae.