Piˇleˇmoˬ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Maernmr-or! Nawr gaqnya-eu mirnae nga’nyaf laqkhaqcaer duidui-awr, nuima sarlar-euq mir-a. Aqjeq mirnae aernar-aq, nawq-euq baqda’nae tsawrshawr deuq-euq nuima ghaqnaq biza-euq mae.

Akha

⁷ Gaˬ-eu aˬ nyiˇ Piˇleˇmoˬ-oˇ, nawˬ-euˬ gʼoeˇ-eu gaˬ-eu jeˬ baˬ da neh, ngaˇ laˬ kʼaˬ cehˇ dui dui-awˇ, nui ma laꞈkʼoeˇ gʼaˬ paˇ ahˇ dzehˬ laˇ-eu miˇ-a. Nawˇ baˬ da neh Miˬyehˇ-euˬ tsawˇ haˬ dawˬ tawˆ luꞈ laˬ kʼaˬ cehˇ-eu meh.

Piˇleˇmoˬ 1:7 Referans Kwoze

2 Gawˇliˬtu 7:13

Nawmaf nuima sarlar-euq mirnae, nga’maf-euq nuima khawf sarlar-euq mir-a. Nawmaf dawqtawvluf Tirtuv-euq saflar-anr lavshuif-awr, laqkhaq bi caerlar-euq mirnae, nga’maf laqkhaq yawkhav-aer par caerdzaeq lar-euq mir-a.

1 Teˇsaˬloˇni 3:9

Nawmaf-euq baqda’nae nga’maf, aqdui-euq Miqyaer-euq maeqshi laqkhaqcaer duidui mir-a. Laqkhaq caer-eu heudeuq dawqtawv luf-euq lafkhoer nawmaf-euq gharduq, nga’maf, Miqyaer-anr aqjox-aer jaceuq jircoer nmr-mq!

2 Gawˇliˬtu 7:4

Ngar nuima khaqduqni nawmaf-anr ngaeqnaeq-eu ma. Ngar, nawmaf-euq baqda’nae khanqsaer jaevnya-awr, nuima sar-eu jeq byan mir-a. Nga’maf shaq-awr zanq-eu dawqtawv luf-euq lafkhoer khawf, ngar laqkhaqcaer duidui mir-a.

Piˇleˇmoˬ 1:20

Euq, maernmr-or! Nawr, Sanqpaq Yeqsur-euq lafkhoer ngaq-euq gharduq yawmuiq jeq janrnaeq laf-awq. Kali-euq lafkhoer ngaq-euq nuima-anr ghaqnaq biza naeqlaf-awq.

1 Teˇsaˬloˇni 2:19

Aqdui-euq Sanqpaq Yeqsur zafkale ngae, aqdui, aqyawf-euq maeqshi yawfler ngae, nga’maf-euq noeqtmqduq, laqkhaq caerduq hawr-eu nga’maf nuima huiqduq pyeuf-eu shuir uqkhov aqgeu jeq la? Yawqjeqyawq maqngeur-a, nawmaf mae.

2 Yoˇhaˬ 1:4

Aqda Miqyaer nae aqdui-anr dawq biftaq-euq lof-aer nawq-euq zaq tiqpavnav deuq yawtsaq yawdawr-euq lafkhoer daefluf-eu gar ngar ya’mawr-euq mirnae, laqkhaqcaer duidui nya.

2 Tiˆmoˇseˬ 1:16

Sanqpaq Yeqsur, Awqneqsiqpawq-euq nymrjir-anr ghawqshaq gaqnaeq luf-ur. Aqjeq mirnae aernar-aq, aqyawf, ngaq-anr ghawqmya pov nuima sarlarni janrnaeq laf-euq mae. Ngaq-anr shmrcav paftaq-euq gar aqyawf maq shafdawr-a.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

1 Gawˇliˬtu 16:18

Aqyawf maf-aq, ngaq-euq nuima-anr khawf, nawmaf-euq nuima-anr khawf bi sarlar-euq mae. Khoermirnae, heulof-aer ghae-eu tsawrhaq-anr noeqpoeq-awq.