Piˇleˇmoˬ 1:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoeruqtaf, ngaq-euq gharduq jawrzar lavsavtaq de-eq. Aqjeq mirnae aernar-aq, nawmaf guiqlanq shar-eu mirnae, ngar, nawmaf jawr-eu gar bi’oe naeqlaf taef-a laer noeqtmq luf-eu ma.

Akha

²² Kʼoeˇ uˬ taꞈ, ngaˇ jawˇ-eu gʼaˇ duˬ kuˆ lawˆ tiˬ lawˆ lehˬ hmˬ nehˬ laꞈ-awˬ. Aˬ jeˬ miˇ neh ehˇ naˇ, naw maꞈ-euˬ guiˬ lahˬ shaˇ dawˬ-ahˇ naˇ haˬ-eu laꞈ kʼoeˇ, Miˬyehˇ ngaˬ-ahˇ naw maꞈ jawˇ gaˇ bi gʼoꞈ laˇ tehꞈ-a lehˇ ngaˇ noeˬ tmˬ-eu ma.

Piˇleˇmoˬ 1:22 Referans Kwoze

Piˇliˇpiˆ 2:24

Ngar khawf ghawqmyanr maqghae-aer nawmaf jawr-eu gar ya’oe taef-a laer, Sanqpaq Yeqsur-euq lafkhoer yawduqbaw ma.

2 Gawˇliˬtu 1:11

Nawmaf khawf, nga’maf-anr guiqlanq sharcaw naeqlaf-awq. Tsawrhaq ghawqmya’ni guiqlanq sharluf-eu mirnae, nga’maf nae za-euq lafsawq-euq gharduq, tsawrhaq ghawqmya’ni Miqyaer-anr jaceuq taef-a.

2 Yoˇhaˬ 1:12

Ngar, nawmaf-anr bofnaeq paq-aer ghae-eu ghawqmya jeq jav-eu le siq. Aerkhawf, seuqghaq hawr-eu sanquir nae maq bofmawf nya. Aqdui-euq laqkhaq caer-eu jeq byanlarni, ngar, nawmaf jawr-eu gar oe-awr, myavpyawq tanqdzoer-awr dawqja jacawq ma laer noeqtmq taq-euq ma.

Yaˬkoˆ 5:16

Khoermirnae, nawmaf nargawr taqlerni tiqghaq tirghaq, yawqha-euq iqbax jadov-awr, tiqghaq tirghaq-euq gharduq guiqlanq shar-awq. Tsaq-awr dawr-eu tsawrhaq-euq guiqlanq shardawq-aq, huiq-eu baoq anr-awr ghawqmya jeq bi pyeuflar nya-eu mae.

Piˇliˇpiˆ 1:19

Aqjeq mirnae aernar-aq, nawmaf guiqlanq shar-eu mirnae hawr-eu, Yeqsur Kali-euq Saflar cawba naeqlaf-eu mirnae, ngaq-anr pyaeqnaeqlaf taef-a laer ngar siqnya ma.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

3 Yoˇhaˬ 1:14

Ghawqmyanr maqghae-aer nawq-anr myavpyawq tanqdzoer-awr dawqja ya jacawq-eu gar, ngar noeqtmq luf-eu ma. Nawr nuisar of luf-ur. Aqdui-euq cawqdeuq, nawq-anr dawqcawq puqanr lef-euq mae. Cawqdeuq tiqghaq sair tiqghaq-anr dawqcawq puqdan naeqlaf law de-eq.

HeˬByehˇ 13:23

Aqdui-euq maernmr Tivmorseq, kuv-anr nae bi pyaeqdov ghaq-euq mae. Aqyawf yawkawr-aer larkeuv nar-aq, ngar khawf aqyawf naeq-aer nawmaf jawr-eu gar lar mae laer siqnya-awq.

HeˬByehˇ 13:19

Ngar, nawmaf jawr-eu gar yawkawr-aer ghoflar nya’ni, ngaq-euq gharduq khawf guiqlanq sharcaw naeqlaf-awq laer ngar, nawmaf-anr yawkhav-aer shar-eu ma.

Lormav 15:24

Ngar, Saqbeq-anr le ngae, nawmaf jawr-eu gar lar taef-a. Aqjeq mirnae aernar-aq, ngar, nawmaf-anr jeqhu ya’mawr-awr nawmaf naeq-aer cawq tiqkhaeq yacawq-eu gar noeqtmq-eu uqtaf, ngar, Saqbeq-anr lenya’ni nawmaf cawba naeqlaf-eu gar khawf noeqtmq-eu ma.

Gʼaˬkʼehˇ 27:24

aer-eu, ‘Pawrluv-or! Taqguv. Nawr, Gaersaq-euq maeqshi yayawf taef-a. Nawq naeq-aer lawq-anr dziqluf-eu tsawrhaq yawqghaq navluf khawf, Miqyaer, nawq-anr taqnaeq jir-euq mae.’