Piˇleˇmoˬ 1:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, ngar-aq, nawq-euq gar mrcawq ma laer nawr sawxluf-eu ngeur nar-aq, ngaq-anr hageuf-eu lof-aer aqyawf-anr hageuf-awq.

Akha

¹⁷ Kʼoeˇ miˇ neh, nawˇ ngaˬ-ahˇ nawˬ-euˬ gaˇ mˇ cawˬ ma lehˇ sawˇ naˇ, ngaˬ-ahˇ ha geuꞈ-eu loꞈ-ehˇ aˬ yawꞈ-ahˇ ha geuꞈ-awˬ.

Piˇleˇmoˬ 1:17 Referans Kwoze

2 Gawˇliˬtu 8:23

Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

Maꞈtehˬ 10:40

“Nawmaf-anr hageuf-eu tsawrhaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr bi’oe-euq ghaq-anr hageuf-eu mae.

Piˇleˇmoˬ 1:12

Nymq-mr ngar, aqyawf-anr nawr jawr-eu gar bi ghofle ma. Aqyawf-aq, ngaq-euq nuima ma. Khoermirnae, nawr, aqyawf-anr hageuf-awq.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Gʼaˬkʼehˇ 16:15

Khoernar-aq, aqyawf hawr-eu aqyawf-euq nymrkhanq-euq zaq dawqtawvluf bartirsaq hageuf-euq mae. Khoerngae, aqyawf shar-eu, “Ngar, Sanqpaq Miqyaer-anr sarjax zif-eu nga laer nawmaf noeq-eu ngeur nar-aq, ngaq-euq nymr-anr davlar-awr yaflar-awq.” Khoermirnae, aqyawf, nga’maf-anr cawqza nya-euq mae.

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Maꞈtehˬ 18:5

Ngaq-euq tsawrmyanr-euq uqmov heulof-aer ghae-eu zaq yawnyir tiq ghaq-anr hageuf-eu tsawrhaq-aq, ngaq-anr hageuf-eu mae.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

Piˇleˇmoˬ 1:10

Ngar kuv-anr urluf ngae, saflar paw ngaq-euq zaqyo pyeuflar-euq Awqneqsiqmur-euq gharduq nawq-anr heulof-aer sharmawf mir-a.

1 Tiˆmoˇseˬ 6:2

Kalizaq pyeuf-eu yawsanr deuq-euq zaqkhav geufluf-eu deuq-aq, yawqha-euq yawsanr ghaq-euq aqyuif aqnyir pyeuflar-euq mirnae, yawqha-euq yawsanr ghaq-anr yaeqbawq saerlu-aer maqya ghae-a. Aqyawf maf-euq gharduq ngeurdzaeq laejae-awr gar mrnaeq paq-aer ghae-eu mae. Aqjeq mirnae aernar-aq, aqyawfmaf khoerlof-aer mr ngae, gaq-eu aqyuif aqnyir deuq hawr-eu jan-eu tsawrhaq deuq guiqlanq za-eu mae. Nawr, garkawv heudeuq maeqnaeq tsovnaeq-awr ghaq bif-awq.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Piˇleˇmoˬ 1:18

Aqyawf, nawq-anr mrlaeq taq-awr, dzirdzov dav-eu tiqjeqnav jav nar-aq, ngaq-euq khoertav sawxdav jir-awq.