Piˇleˇmoˬ 1:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, nawr nuima maq tsaqgar ngar khoerlof-aer maq janrmawf nya. Aqjeq mirnae aernar-aq, nawr yawmuiq jeq janrnaeqlaf ngae, nawr nuima keuv-awr janrnaeq laf-eu gar ngar geufmawf-awr, maq ghaenya-aer janrnaeq laf-eu jeq maqbi pyeufmawf nya.

Akha

¹⁴ Ehˇ kʼawꞈ, ngaˬ-ahˇ caw ba nehˬ laꞈ lehˇ nawˬ-ahˇ ngaˇ maˬ kaˬ naˬ mawꞈ nya. Nawˇ nui ma keuˆ-awˇ caw ba nehˬ laꞈ-eu jeˬ-ahˇ tehꞈ-ehˇ ngaˇ geuꞈ mawꞈ-eu ma. Kʼoeˇ miˇ neh, nawˇ nui ma maˬ tsaˬ gaˇ ngaˇ tiˬ jeˬ-iˬ maˬ mˇ.

Piˇleˇmoˬ 1:14 Referans Kwoze

2 Gawˇliˬtu 9:7

Yawqghaq navluf yawqha-euq nuima-euq lafkhoer noeqtsaev taq-euq lof-aer damq-awq. Nuima maqkeuv-eu mirnae damq-eu jeq taqbi pyeuf. Maqdamq-aer maq ghaenya-eu mirnae damq-eu jeq taqbi pyeuf. Aqjeq mirnae aernar-aq, laqkhaq caertavni damq-eu tsawrhaq-anr Miqyaer gaq-eu mae.

2 Gawˇliˬtu 9:5

Khoermirnae, ngar maq oekeuv-euq minav-aer, nawmaf nae damq ma laer sarjax dzaqtaq-euq lof-aer yawmuiq-aer laeqhmq dantaq nya’ni, maernmr khoerdeuq-anr ghaq bif-awr, nawmaf jawr-eu gar yabi oe nga laer ngar noeq-euq ma. Nawmaf damq ngae, nuima maqkeuv-aer yadamq-eu mirnae damq-eu jeq maqbi pyeuf-aer, nuima jerloni damq-eu jeq bipyeuf-awq.

2 Gawˇliˬtu 8:12

Aqjeq mirnae aernar-aq, yawbae jeq-aq, tsawrhaq tiq ghaq bifmawf-eu nuima anr nar-aq, aqyawf kharjav-eu lof-aer Miqyaer hageuf-eu mae. Maqjav-eu gar keuvni mr laer Miqyaer maqaer-a.

2 Gawˇliˬtu 1:24

Nga’maf, nawmaf jan-eu jeq-anr dzoeq-eu laer maqngeur. Nawmaf jan-eu lafkhoer yawfluf-eu mae. Nga’maf-aq, nawmaf laqkhaq caerni nawmaf-euq gar mrcawq pyeuf-eu ma.

1 Gawˇliˬtu 9:17

Ngar nuima keuv-awr guiqlanqdawq maeq nar-aq, mrpoeq lafsawq za taef-a. Ngar maq maeqmawf-eu law-awr khawf, ya’maeq-eu gar heu-anr yawmuiq-aer ya hawpir-eu mae.

Jaceuq 110:3

Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

1 Gawˇliˬtu 9:7

Yawqha-euq pyurshuir myawqganq zmqzmq-aer guirdeuv deuv-ir-eu aqsur ghaq jawr-eu la? Aqgaf yarkmr mrtaq-euq gar nae, yarkmr-euq lafkhoer-euq arsiq maq pyavdzaq-eu aqsur ghaq jawr-eu la? Maqngeur nar-aq, aqcoer nyaefdawr nya-eu jeqzaq cutaq-euq gar nae, aqcoer maq nyaefdawr-eu aqsur ghaq jawr-eu la?