Panmaeq 8:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yawrzaq, jmq diqtaq-euq shif tsanr tiqtsanr-anr pan ngae, mq-euq khoertav, naqliq 30 peu aerghaqni ciqcurni jav-euq mae.

Akha

¹ Jmˬ diˬ taˬ-euˬ shiꞈ hmˬ tiˬ hmˬ-ahˇ Yawˇzaˬ ngawˬ paˆ ngeh, mˬ kʼoeˇ taˆ naˬ liˬ tiˬ kʼawˬ-iˬ byah ni ciˬ cuˇ ni pyeuꞈ-iˇ-euˬ meh.

Panmaeq 8:1 Referans Kwoze

Panmaeq 6:1

Khoernar-aq, ngar, Yawrzaq, jmq diqtaq-euq khoerdeuq-anr nae tiq tsanr-anr pan-eu gar ya’mawr-awr, yawdaef jeq khoer oeq mawr-euq lafkhoer nae tiq mawr, mqjeq jeq-eu tersar-anr durni heulof-aer aer-eu gar yagaq-euq ma, “Lar-awr, hawlar-awq.”

Jaceuq 62:1

Ngaq-euq nuima saflar ciqcurni Miqyaer-anr aqdir dawq ma; Ngaq-anr kakhof-eu jeq aqyawf-anr nae oe-eu mae.

Panmaeq 6:12

Ngar hawghaelef ngae, Yawrzaq, jmq diqtaq-euq kof tsanr tiqtsanr-anr pan-euq naeq-aer, hawsher-eq, mirluv yawkhav-aer luvlar-awr, nanrma-aq, uqduq tsaerkanr nae janr-euq guqdar paerzeur lof-aer navcawfni pyeuf-ir-euq uqtaf, bala-aq, shiq lof-aer pyeuf-ir-euq mae.

Panmaeq 6:9

Khoernar-aq, Yawrzaq, jmq diqtaq-euq ngaq tsanr tiqtsanr-anr pan ngae, ngar, Miqyaer-euq dawq hawr-eu aqyawfmaf nyaefzif luf-eu sarkir-euq baqda’nae bisaef-euq tsawrhaq deuq-euq saflar, lawrduq-euq uqmov jawr-eu gar ya’mawr-euq ma.

Panmaeq 5:1

Khoerngae, ngar, nuirmanq-anr nuirluf-eu ghaq-euq armar laf-anr, yovtaq-euq sanqbof tiq yov anr-eu gar ya’mawr-euq ma. Sanqbof khoeryov-aq, lafkhoer lafnyir-aer nyiq pawluf sanqbof boftaq-awr, jmq shif tsanr diqtaq-euq mae.

Panmaeq 6:7

Khoernar-aq, Yawrzaq, jmq diqtaq-euq oeq tsanr tiqtsanr-anr pan ngae, ngar, yawdaef jeq oeq mawr tiqmawr heulof-aer aer-eu gar yagaq-euq ma, “Lar-awr, hawlar-awq.”

Panmaeq 6:5

Khoernar-aq, Yawrzaq, jmq diqtaq-euq smq tsanr tiqtsanr-anr pan ngae, ngar, yawdaef jeq smq mawr tiqmawr heulof-aer aer-eu gar yagaq-euq ma, “Lar-awr, hawlar-awq.” Hawsher-eq. Ngar hawghae ngae, manq manqnav tiq mawr-anr ya’mawr-euq ma. Manq-anr dziqluf-eu khoerghaq-euq aqlaf-euq lafkhoer pavyawq tuvtaeq taq-euq mae.

Panmaeq 6:3

Khoernar-aq, Yawrzaq, jmq diqtaq-euq nyiq tsanr tiqtsanr-anr pan ngae, ngar, yawdaef jeq nyiq mawr tiqmawr heulof-aer aer-eu gar yagaq-euq ma, “Lar-awr, hawlar-awq.”

Jaceuq 37:7

Ya’we Miqyaer-euq lafkhoer ghaqnaq naq-awr, Or-awr nae aqyawf-anr dawq-awq; Yawdoer mr-eu bawqtov mrpyeuf-awr garma khardov-ir-eu paw muiqlar sanrlar-eu deuq-euq baqda’nae nuima taqlanr.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.

Maꞈtehˬ 27:66

Khoernar-aq, aqyawfmaf lofpir-eu deuq sheuq-awr ir-awr, khaqlo-anr zifdanni laefghoeq-awr, lmqbymr-anr yawmuiq-aer bi lofpir-euq mae.