Panmaeq 7:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ aer-eu, “Aqduimaf, aqdui-euq Miqyaer-euq ghaqzaq ghaqkhaer deuq-euq narkhawr-anr jmq maqdiq-euq khoerkeuvni, mirtsaq, iqmalavshav hawr-eu arbawr deuq-anr nawmaf taq lavcawv law siq.”

Akha

³ “Aˬ dui Miˬyehˇ-euˬ zaˬ kʼaˆ deuˬ-euˬ naˇ kʼawˇ-ahˇ aˬ dui jmˬ maˬ diˬ gʼaˬ kʼoeˇ keuˆ ni, miˇ tsaˬ-ahˇ maˬ ehˇ, iˬ ma laˆ shaˆ-ahˇ maˬ ehˇ, aˇ bawˇ deuˬ-ahˇ maˬ ehˇ, tiˬ jeˬ-iˬ taˬ gʼeh lawˬ siˬ” lehˇ mˬ taˆ gʼaˬ kʼehˇ kʼoeˇ gʼaˬ ehˇ-eu meh.

Panmaeq 7:3 Referans Kwoze

Panmaeq 22:4

Aqyawfmaf, aqyawf-euq myavpyawq-anr ya’mawr-awr, aqyawf-euq tsawrmyanr aqyawf maf-euq narkhawr-anr boftaq taef-a.

Panmaeq 9:4

Mirtsaq-euq khoertav khardaef-eu yarmof, arpaf yawnyoer yawqjeq navluf hawr-eu arbawr dawqtawv luf-anr maq lavcawv-aer, narkhawr-anr Miqyaer-euq jmq maq diqtaq-euq tsawrhaq deuq-anr taef-aer lavcawvni nyaevbanr khoerdeuq-anr dawq biftaq-euq mae.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.

Panmaeq 14:1

Hawsher-eq. Ngar hawghaelef ngae, Ziroq gawqjawq-euq khoertav Yawrzaq yawfluf-eu gar ya’mawr-euq ma. Yawrzaq naeq-aer tsawrhaq 144,000 ghaq yawfluf-eu mae. Aqyawf maf-euq narkhawr-anr aqyawf-euq Aqda-euq tsawrmyanr boftaq-euq mae.

Panmaeq 13:16

Aqyawf, huiqzaq nyirzaq, smrmuiq, irshaq, zaqkhav hawr-eu zaqkhav maqngeur-eu yawqghaq navluf-euq armar laf maqngeur nar-aq, narkhawr-anr tsaqtsov-eu jeq bi za’ni mr taef-a.

Panmaeq 19:2

Aqyawf nae yarkhaq dar-euq-aq, tsaq duidui-awr dawr duidui-eu mae. Mawrdo anq-eu zaqmiq aqbur heughaq, aqyawf naeq-aer banq-awr muv-euq mirtsaqzaq-anr bicawv-ir-euq mirnae, Miqyaer, aqyawf-anr yarkhaq darnaeq-euq mae. Khoeruqtaf, aqyawf nae Miqyaer-euq kuirlaf zaqkhav-euq shiq lavdov-euq arpoeq, Miqyaer, aqyawf-anr janrkhof naeq-euq mae.”

Panmaeq 6:6

Khoerngae, ngar, yawdaef jeq khoer oeq mawr-euq ghanrcae, dawq ngaeq-eu gar dur-eu tersar heulof-aer aer-eu gar yagaq-euq ma, “Caer tiq paeq deqnaqlir tiq byav poeq-awr, caerguiq smr paeq deqnaqlir tiq byav poeq-eu mae. Tsir hawr-eu aqgaf dzaruir-anr taq lavcawv.”

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Maꞈtehˬ 24:22

Arnan aryamq khoer maq lavnymr nar-aq, tsawrhaq tiqghaq-iq maqbuq-ir nya-ar. Aerkhawf, tserdov taq-euq tsawrhaq deuq-euq gharduq sharnoeq-awr, arnan aryamq khoer lavnymr taef-a.

Lormav 6:22

Aerkhawf, nymq-mr nawmaf iqbax-anr nae buq-ir-awr, Miqyaer-euq zaqkhav pyeuflar-euq mirnae, shawr-eu arsiq siqle luf-eu mae. Heu-euq arsaq saqduq-aq, mqmaq maqbyav yarzir daef-eu jeq za-eu mae.

Maꞈtehˬ 24:31

Khoerngae, darhae yawkhav-aer baw-awr, aqyawf, mqtav ghaqkhaer deuq-anr khaerghae-awr nae, mirma oeqcoer oeqbawq-anr luf, mq heudzer-anr nae khoerdzer-anr dovni, aqyawf nae tserdov taq-euq tsawrhaq deuq-anr bi kuruiqlaf taef-a.

Yoˇhaˬ 3:33

Aqyawf nae sarkir kamq-euq gar hageuf-eu tsawrhaq-aq, Miqyaer-aq, tsaq-awr dawr-eu mae laer jmq diq-eu mae.

Panmaeq 7:1

Khoernar-aq, ngar, mirma oeqcoer oeqbawq-anr mqtav ghaqkhaer oeq ghaq yawfluf-eu gar ya’mawr-euq ma. Aqyawfmaf, mirtsaq-euq khoertav, iqmalavshav-euq khoertav hawr-eu arbawr dawqtawv luf-anr jaqlaer maqbi bawzawni, mirma oeqcoer oeqbawq-euq jaqlaer-anr nyaeftaeq taq-euq mae.

Panmaeq 7:2

Khoerngae, ngar, mqtav ghaqkhaer yawqghaqyawq, daefluf-eu Miqyaer-euq jmq yur-awr, nanrma dovkhaeq paw nae dovlar-eu gar ya’mawr-euq ma. Mirtsaq hawr-eu iqmalavshav-anr lavcawv-eu baoq zataq-euq mqtav ghaqkhaer khoer oeq ghaq-anr, aqyawf tersar yawkhav-aer gurgur-aer,

Panmaeq 13:17

Tsaqtsov mrtaq-euq hawr-eu jeqzaq yawghae khoermawr-euq tsawrmyanr maqngeur nar-aq, tsawrmyanr-euq nanqmyaq diqtaq-euq tsawrhaq taef-aer myawq anq-awr zeurnya-eu mae.

Panmaeq 14:9

Khoernar-aq, mqtav ghaqkhaer smr ghaq tiqghaq, khoer nyiq ghaq-euq maeqnan cantaedov lef-awr tersar yawkhav-aer heulof-aer aer-eu mae, “Jeqzaq yawghae khoermawr-anr hawr-eu jeqzaq khoermawr-euq mawrkawr-anr uqduq tanq-awr, narkhawr-anr maqngeur nar-aq, aqlaf-anr tsaq bitsov taq-euq aqsur ghaq maqkaq,