Panmaeq 7:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, ngar, mqtav ghaqkhaer yawqghaqyawq, daefluf-eu Miqyaer-euq jmq yur-awr, nanrma dovkhaeq paw nae dovlar-eu gar ya’mawr-euq ma. Mirtsaq hawr-eu iqmalavshav-anr lavcawv-eu baoq zataq-euq mqtav ghaqkhaer khoer oeq ghaq-anr, aqyawf tersar yawkhav-aer gurgur-aer,

Akha

² Kʼoeˇ naˇ, mˬ taˆ gʼaˬ kʼehˇ yawˬ gʼaˬ yawˬ dehꞈ luꞈ-eu Miˬyehˇ-euˬ jmˬ yuˇ-awˇ nahˇ ma doˆ kʼehˬ paw neh laˇ luꞈ gaˇ ngaˇ ya mawˇ-euˬ ma. Miˇ tsaˬ hawˇ-eu iˬ ma laˆ shaˆ-ahˇ laˆ luˬ laˆ seˇ-eu gʼaˇ duˬ Miˬyehˇ neh baoˬ biꞈ taˬ-euˬ mˬ taˆ gʼaˬ kʼehˇ kʼoeˇ oeˬ gʼaˬ-ahˇ aˬ yawꞈ teˇ saˇ yaw kʼaˆ-ehˇ guˇ gaˬ-euˬ meh.

Panmaeq 7:2 Referans Kwoze

Eˇpeˇsu 4:30

Miqyaer-euq Yawshawr Saflar nuima cawv paq-aer taqmr. Miqyaer, Yawshawr Saflar-anr ghoe-awr nawmaf-anr kakhof naeqlaf-eu arnan-euq gharduq, jmq diqtaq-euq mae.

2 Gawˇliˬtu 1:22

Aqdui-aq, aqyawf-euq tsawrhaq ma laer kamq-eu gharduq, aqyawf, aqdui-euq nuima-euq lafkhoer muiq-eu Saflar bi jawrle-awr, aqdui-euq mawrdo-anr jmq diqtaq-euq mae.

Panmaeq 9:4

Mirtsaq-euq khoertav khardaef-eu yarmof, arpaf yawnyoer yawqjeq navluf hawr-eu arbawr dawqtawv luf-anr maq lavcawv-aer, narkhawr-anr Miqyaer-euq jmq maq diqtaq-euq tsawrhaq deuq-anr taef-aer lavcawvni nyaevbanr khoerdeuq-anr dawq biftaq-euq mae.

2 Tiˆmoˇseˬ 2:19

Aerkhawf, Miqyaer nae zeurdanr danrtaq-euq jeq-aq, zifdanni javluf-eu mae. Zeurdanr-euq khoertav jmq heulof-aer diqtaq-euq mae: “Sanqpaq Miqyaer-aq, aqyawf-euq tsawrhaq deuq-anr siqnya-eu mae,” (Bts 16:5) hawr-eu, “Kali-euq tsawrmyanr-anr kharkur-eu tsawrhaq yawqghaq navluf, maqtsaq maqdawr-eu jeq-anr aqdir byaerdzae-awq” laer boftaq-euq mae.

Eˇpeˇsu 1:13

Nawmaf-anr kakhof nya-eu yawtsaq yawdawr-euq guiqlanq dawq-anr yagaq ngae, nawmaf, Kali-anr ghoelar-euq mae. Khoermirnae, jan-eu lafkhoer sarjax biftaq-euq lof-aer, Yawshawr Saflar-anr ghoe-awr nawmaf-anr jmq diqtaq-euq mae.

Panmaeq 5:2

Khoernar-aq, heu-anr ngar ya’mawr-euq ma. Ghaq zawr khav-eu mqtav ghaqkhaer tiq ghaq tersar yawkhav-aer gur-eu, “Aqsur ghaq jmq diqtaq-euq khoer shif tsanr gheudzae-awr, sanqbof heuyov-anr pan-eu geux-eu la?”

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Panmaeq 1:3

Miqyaer gharduq ngaeqdan-eu dawq heudeuq-anr gui-eu tsawrhaq, yagaq-eu tsawrhaq hawr-eu mrcaw-eu tsawrhaq-aq, guiqlanqhuiq taef-a. Aqjeq mirnae aernar-aq, aryamq keuvle shaw-iq mae.

Panmaeq 10:4

Mqjeq shif ter jeqghaq ngae, ngar, sanqbof boftaq-eu laer ghae-euq ma. Aerkhawf, ngar, mq-anr nae tersar heulof-aer ngaeqdov lef-eu gar yagaq-euq ma, “Mqjeq shif ter nae ngaeq-euq dawq khoerdeuq-anr nawr maqbofni jmq diqtaq-awq.”

Panmaeq 10:1

Khoerngae, ngar, uqduq-euq khoertav arderlerkhan uqdzanq dzanq-awr, ghaq zawr khav-eu mqtav ghaqkhaer tiq ghaq, mqdmr dm-awr, mq-anr nae zafka le-eu gar ya’mawr-euq ma. Aqyawf-euq myavpyawq-aq, nanrma-anr dur-awr, aqkuir-aq, miqdzaq khawrzeur-anr dur-eu mae.

Panmaeq 8:3

Khoernar-aq, yawsaw jeq dofdamq-eu shuir kuqpaeq sheuluf-eu mqtav ghaqkhaer yawqghaqyawq dovle-awr, lawrduq-euq dawqpae yawfluf-eu mae. Nuirmanq-euq maeqshi jav-eu shuir nae janrtaq-euq lawrduq-euq khoertav, tsawrshawr dawqtawv luf-euq guiqlanq shardawq naeq-aer tiqkawv lof-aer lawrnaeq-eu laer, dofdamq-eu yawsaw jeq ghawqmya’ni aqyawf-anr bifnaeq taq-euq mae.

HeˬByehˇ 12:22

Aerkhawf, nawmaf-aq, Ziroq gawqjawq hawr-eu daefluf-eu Miqyaer-euq meuq-anr larkeuv-euq mae. Meuq heumeuq-aq, mqtav-euq Yeqlursaqlaeq pyeuf-awr, heugar maq guijir coerni myaq-eu mqtav ghaqkhaer deuq uiqlarduq pyeuf-eu mae.

1 Teˇsaˬloˇni 1:9

Nga’maf, nawmaf jawr-eu gar lar ngae, aqjeq pyeuflar-euq garkawv hawr-eu daefluf-awr aqdir aqmar Miqyaer pyeuf-eu Miqyaer-euq gar mrnya’ni, nawmaf, tanqpanq aqma mawrkawr-anr byaerdzae yaf-awr, Miqyaer jawr-eu paw ghoflar-euq garkawv deuq aqcawq jaluf-eu mae.

Maꞈtehˬ 26:63

Aerkhawf, Yeqsur ciqcurni jawr-euq mae. Khoerngae, pirma yawhuiq ghaq, aqyawf-anr par narhaq-eu, “Daefluf-eu Miqyaer-euq tsawrmyanr-euq uqmov ngar, nawq-anr bikamq ma. Nawr, Miqyaer-euq Zaqyo, Kali laer kur-eu khoerghaq ma lor laer nga’maf-anr aernaeq laf-awq!”

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Panmaeq 9:14

Tersar khoer-aq, darhae yurluf-eu mqtav ghaqkhaer kof ghaq tiqghaq-anr heulof-aer aernaeq-euq mae, “Urbaqlar lawrbaq baqma-anr paftaq-euq mqtav ghaqkhaer khoer oeq ghaq-anr pyaeqnaeq-awq.”

Panmaeq 16:12

Mqtav ghaqkhaer kof ghaq tiqghaq, aqyawf-euq khmqmaq, Urbaqlar lawrgawv gawvma-anr shaevpufghae ngae, nanrma dovkhaeq paw nae oe-euq sanqpaq deuq-euq gharduq garma danrlarni, lawrgawv khoergawv ircuf gui-ir-euq mae.