Panmaeq 4:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yawdaef jeq khoerdeuq, nuirmanq-anr nuir-awr mqmaq maqbyav yarzir daef-eu ghaq-anr, yawshaef khanqsaer, taqhuiq taqmanr-eu jeq hawr-eu guiqlanq-anr jaceuq-eu jeq dawqtawvluf damqnaeq ngae,

Akha

⁹ Jeˬ zaˬ kʼoeˇ oeˬ mawˇ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu mˬ maˬ maˬ byaˆ zaˇ ziˆ dehꞈ-eu gʼaˬ-ahˇ, yaw shehꞈ kʼahˬ sehˇ huiˬ gaˇ ja ceuˬ-eu caˇ dawˬ, ciˬ huiˬ ciˬ mahˇ-eu caˇ dawˬ hawˇ-eu, guiˬ lahˬ-ahˇ ja ceuˬ-eu caˇ dawˬ caˇ-eu meh. Aˬ yawꞈ maꞈ kʼoeˇ loꞈ-ehˇ caˇ ngeh,

Panmaeq 4:9 Referans Kwoze

Panmaeq 10:6

mq hawr-eu mq-euq khoertav kharjawr kharjav-eu dawqtawv luf-anr, mirtsaq hawr-eu mirtsaq-euq khoertav kharjawr kharjav-eu dawqtawv luf-anr, iqmalavshav hawr-eu iqmalavshav-euq lafkhoer kharjawr kharjav-eu jeq-anr bae-euq ghaq pyeuf-eu, mqmaq maqbyav yarzir daef-eu ghaq-anr ghoe-awr kamq-eu lafkhoer aryamq maqpar nyinaqnya mae laer aer-eu mae.

Panmaeq 15:7

Yawdaef jeq khoer oeq mawr-euq lafkhoer tiq mawr-aq, mqtav ghaqkhaer khoer shif ghaq-anr, mqmaq maqbyav yarzir daef-eu Miqyaer-euq nuima paer duidui-eu jeq tiqbyanni danq-eu shuir khmqmaq shif khmq ciqnaeq-euq mae.

Jaceuq 47:8

Miqyaer-aq, aqyawf-euq shawr-eu nuirmanq-anr nuir-awr, Miqyaer-aq, tsawrjeuq tsawrca deuq-euq khoertav uvlanr luf-eu mae.

Panmaeq 1:18

Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.

Jaceuq 48:14

Aqjeq mirnae aernar-aq, Miqyaer heughaq-aq, Li-eu maqbawni, mqmaq maqbyav yarzir aqdui-euq Miqyaer pyeuf-eu mae. Aqyawf, aqdui-anr shir ngae keuvni sheuqghae naeqlaf taef-a.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

HeˬByehˇ 7:8

Nymq-mr-aq, shirnya-eu tsawrhaq tserbymr tiqbymr hageuf-eu mae. Khoerngae-aq, tserbymr tiqbymr hageuf-euq ghaq-aq, “Daefluf-eu mae” laer sarkir bi kamqkeuv taq-euq ghaq mae.

Panmaeq 4:2

Khoernar-aq, tiqpov taef-aer muiq-eu Saflar-euq lafkhoer jawrluf ngae, mq-euq khoertav nuirmanq tiq manq jav-awr, nuirmanq-anr tiq ghaq nuirluf-eu gar ngar ya’mawr-euq ma.

Panmaeq 4:8

Yawdaef jeq khoer oeq mawr-aq, yawqmawr navluf aqdanr kof danr tsof-awr, lafkhoer lafnyir-aer myavnuiv tiqbyanni tsof-eu mae. Aqyawfmaf uqcif nan’ghanr maqaer maq naqlerni aer-eu, “Baoq huiq duidui-eu Sanqpaq Miqyaer-aq, Yawshawr mae, yawshawr mae, yawshawr mae. Aqyawf-aq, arhu nae daef-eu, nymq-mr keuvni daefluf-awr aqkar zafka le-eu ghaq mae!”

Panmaeq 5:1

Khoerngae, ngar, nuirmanq-anr nuirluf-eu ghaq-euq armar laf-anr, yovtaq-euq sanqbof tiq yov anr-eu gar ya’mawr-euq ma. Sanqbof khoeryov-aq, lafkhoer lafnyir-aer nyiq pawluf sanqbof boftaq-awr, jmq shif tsanr diqtaq-euq mae.

Panmaeq 6:16

Aqyawfmaf gawqjawq hawr-eu khaqlo deuq-anr aernaeq-eu, “Nga’maf, nuirmanq-anr nuirluf-eu ghaq-euq myavpyawq-anr maqya mawr-aer, Yawrzaq nuima paer-eu gar maqya daqni, nga’maf-anr byavtaeq le-awr lavzaf naeqlaf-awq.

Panmaeq 7:15

Khoermirnae, aqyawfmaf, Miqyaer-euq nuirmanq-euq maeqshi jawr-awr, uqcif nan’ghanr maqaer, aqyawf-euq uqduq tanqnymr nymrma-euq lafkhoer, aqyawf-euq gar mrluf-eu mae. Nuirmanq-anr nuirluf-eu khoerghaq khawf, aqyawf maf-euq ghanrcae jawr taef-a.

Panmaeq 21:5

Khoernar-aq, nuirmanq-anr nuirluf-eu ghaq aer-eu, “Hawsher-eq! Ngar yawqjeq navluf, yawshuif janrpar jir-euq ma.” Aqyawf, ngaq-anr aernaeq laf-eu, “Nawr boftaq-awq. Aqjeq mirnae aernar-aq, dawq heudeuq-aq, tsaq duidui-awr sarjax zif-eu dawq mae.”