Panmaeq 4:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yawdaef jeq khoer oeq mawr-aq, yawqmawr navluf aqdanr kof danr tsof-awr, lafkhoer lafnyir-aer myavnuiv tiqbyanni tsof-eu mae. Aqyawfmaf uqcif nan’ghanr maqaer maq naqlerni aer-eu, “Baoq huiq duidui-eu Sanqpaq Miqyaer-aq, Yawshawr mae, yawshawr mae, yawshawr mae. Aqyawf-aq, arhu nae daef-eu, nymq-mr keuvni daefluf-awr aqkar zafka le-eu ghaq mae!”

Akha

⁸ Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

Panmaeq 4:8 Referans Kwoze

Panmaeq 1:8

Sanqpaq Miqyaer aer-eu, “Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar-aq, arhu nae daef-eu, nymq-mr keuvni daefluf-awr aqkar zafka le-eu laer ghae-eu baoq huiq duidui-eu ghaq ma.”

Panmaeq 4:6

Nuirmanq-euq maeqshi, jeq-oq saer-anr dur-eu pyawqhaw-euq iqmalavshav jav-eu mae. Nuirmanq-euq ghanrcae hawr-eu tiqjawq, maeqshi narkhan-aer myavnuiv tiqbyanni tsof-eu yawdaef jeq oeq mawr jawr-eu mae.

HeˬByehˇ 13:8

Yeqsur Kali-aq, mirnan, iqnan hawr-eu mqmaq maqbyav yarzir tiqkawv mae.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Panmaeq 11:17

heulof-aer aer-eu mae: “Arhu nae daef-eu nymq-mr keuvni daefluf-awr, Aqkar zafka le-eu laer ghae-eu ghaq pyeuf-eu, Baoq huiq duidui-eu Sanqpaq Miqyaer-or! Nawq-euq huiq-eu baoq nae nymq-mr nawr uvlanr luf-eu mirnae, Nga’maf, nawq-euq guiqlanq-anr jaceuq ma.

Panmaeq 16:7

Khoeruqtaf, ngar, lawrduq jav-eu gar nae heulof-aer aerdov lef-eu gar yagaq-euq ma. “Baoq huiq duidui-eu Sanqpaq Miqyaer-or! Nawq nae yarkhaq dar-euq-aq, tsaq duidui-awr dawr duidui-eu mae.”

Jaceuq 91:1

Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Panmaeq 7:15

Khoermirnae, aqyawfmaf, Miqyaer-euq nuirmanq-euq maeqshi jawr-awr, uqcif nan’ghanr maqaer, aqyawf-euq uqduq tanqnymr nymrma-euq lafkhoer, aqyawf-euq gar mrluf-eu mae. Nuirmanq-anr nuirluf-eu khoerghaq khawf, aqyawf maf-euq ghanrcae jawr taef-a.

Panmaeq 21:22

Aerkhawf, ngar, meuq heumeuq-euq lafkhoer yawshawr lawv jav-eu maqmawr-aq. Aqjeq mirnae aernar-aq, baoq huiq duidui-eu Sanqpaq Miqyaer hawr-eu Yawrzaq-aq, meuq heumeuq-euq yawshawr lawv pyeuf-eu mae.

Panmaeq 19:15

Aqyawf-euq khaqmae-anr nae zawr tav-eu micaer tiq kanr dovle-euq mae. Micaer khoer-aq, mirkhanq-euq tsawrjeuq deuq-anr deuv-eu gharduq mae. Khoernar-aq, aqyawf, aqyawf maf-anr shmr gawqyoeq nae uvlanr taef-a. Aqyawf, baoq huiq duidui-eu Miqyaer-euq nuima paer duidui-eu aqgaf dzaruir nawqdov duq-anr nawq taef-a.

Panmaeq 3:7

“Pirlaqdeqpir Kalizaq armur-euq mqtav ghaqkhaer-anr heulof-aer bofnaeq-awq: ‘Larghov pantaq-euq gar tiqghaq-iq maq piqtaeq nya-aer, piqtaeq taq-euq gar tiqghaq-iq maq pannya-eu, “Daqbir-euq mawqtawfdur tuvtaeq taq-euq dawrcoeni ghae-eu yawshawr ghaq heulof-aer aer-eu mae.”

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

Panmaeq 4:4

Nuirmanq khoer-euq tiqjawq, nuirmanq 24 manq jav-awr, nuirmanq khoerdeuq-anr maeqtsoeq yawpyur dm-awr, shuir uqkhov khovluf-eu aqyuif aqtsu 24 ghaq nuirluf-eu mae.

2 Gawˇliˬtu 6:18

“Ngar, nawmaf-euq Aqda pyeuf-awr, Nawmaf-aq, ngaq-euq zaqmiq hawr-eu zaqyo pyeuflar taef-a laer, Baoq huiq duidui-eu Sanqpaq Miqyaer aer-eu mae.” (2Sml 7:8,14)

Panmaeq 16:14

Naef khoerdeuq-aq, bisiq bimawr-eu jeq mrmawr-eu naefdeuq-euq saflar mae. Baoq huiq duidui-eu Miqyaer-euq arnan nanma ngae nan, guirdeuv deuv-eu gharduq, mirtsaq-euq khoertav doeni jawr-eu sanqpaq deuq bi uiqlar-eu laer naef khoerdeuq dov-ir taq-euq mae.

Panmaeq 14:11

Aqyawf maf-anr khaeq-awr khav-eu uqkhoeq, li-eu maqbawni uqkhoeq dudu-aer jav taef-a. Khoerngae, jeqzaq khoermawr-anr hawr-eu jeqzaq yawghae khoermawr-euq mawrkawr-anr, uqduq tanq-eu deuq hawr-eu aqyawf-euq tsawrmyanr nae tsaqtsov taq-euq tsawrhaq deuq-aq, uqcif nan’ghanr maqaer, ghaqnaq maqya naqni yadaq taef-a.”

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

1 Tiˆmoˇseˬ 4:16

Yawqha-euq dawqmaeq dawqtsov-anr yawmuiq-aer yanryanr-aer daef-awr, khoerdeuq-anr mrdavlef ngae, nawq-euq mawrdo hawr-eu nawq-euq dawq yagaq-euq tsawrhaq deuq khawf yabuq-ir taef-a.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.

Panmaeq 4:9

Yawdaef jeq khoerdeuq, nuirmanq-anr nuir-awr mqmaq maqbyav yarzir daef-eu ghaq-anr, yawshaef khanqsaer, taqhuiq taqmanr-eu jeq hawr-eu guiqlanq-anr jaceuq-eu jeq dawqtawvluf damqnaeq ngae,

Panmaeq 5:6

Khoerngae, ngar, aqyuif aqtsu deuq-euq ghanrcae, nuirmanq hawr-eu yawdaef jeq khoer oeq mawr-euq yawkaq-anr Yawrzaq yawfluf-eu gar ya’mawr-euq ma. Yawrzaq-aq, saef-euq gar yadaq-euq lof-aer dur-eu mae. Aqyawf-aq, uqcoer shif coer tsof-awr, myavnuiv shif nuiv tsof-eu mae. Myavnuiv khoer shif nuiv-aq, mirtsaq-euq khoertav doeni Miqyaer nae bi irbyan taq-euq Miqyaer-euq Saflar shif lar mae.

Panmaeq 6:1

Khoernar-aq, ngar, Yawrzaq, jmq diqtaq-euq khoerdeuq-anr nae tiq tsanr-anr pan-eu gar ya’mawr-awr, yawdaef jeq khoer oeq mawr-euq lafkhoer nae tiq mawr, mqjeq jeq-eu tersar-anr durni heulof-aer aer-eu gar yagaq-euq ma, “Lar-awr, hawlar-awq.”

Panmaeq 6:6

Khoerngae, ngar, yawdaef jeq khoer oeq mawr-euq ghanrcae, dawq ngaeq-eu gar dur-eu tersar heulof-aer aer-eu gar yagaq-euq ma, “Caer tiq paeq deqnaqlir tiq byav poeq-awr, caerguiq smr paeq deqnaqlir tiq byav poeq-eu mae. Tsir hawr-eu aqgaf dzaruir-anr taq lavcawv.”

Panmaeq 7:11

Mqtav ghaqkhaer dawqtawvluf, nuirmanq-euq tiqjawq, aqyuif aqtsu deuq hawr-eu yawdaef jeq khoer oeq mawr-euq tiqjawq yawfluf-eu mae. Khoerngae, aqyawfmaf nuirmanq-euq maeqshi awbyav-awr, Miqyaer-anr uqduq tanq-eu lafkhoer,

Panmaeq 14:3

Aqyawf maf-aq, nuirmanq-euq maeqshi, yawdaef jeq khoer oeq mawr hawr-eu aqyuif aqtsu khoerdeuq-euq maeqshi, cardawq yawshuif carluf-eu mae. Mirtsaq-euq khoertav nae kakhof taq-euq tsawrhaq khoer 144,000 ghaq maqngeur nar-aq, cardawq khoerbymr maq dzawnya-a.

Panmaeq 15:7

Yawdaef jeq khoer oeq mawr-euq lafkhoer tiq mawr-aq, mqtav ghaqkhaer khoer shif ghaq-anr, mqmaq maqbyav yarzir daef-eu Miqyaer-euq nuima paer duidui-eu jeq tiqbyanni danq-eu shuir khmqmaq shif khmq ciqnaeq-euq mae.

Panmaeq 19:4

Khoerngae, aqyuif aqtsu 24 ghaq hawr-eu yawdaef jeq khoer oeq mawr awbyav ghae-awr, nuirmanq-anr nuirluf-eu Miqyaer-anr uqduq tanqtanq-aer aer-eu, “Aqmeq! Haleluya!”